ਨੇਹਾ ਕੱਕੜ ਨੂੰ ਫਟਕਾਰ ਲਾਉਣ ਵਾਲਾ ਮਸ਼ਹੂਰ ਗਾਇਕ ਨਿਕਲਿਆ ਪਲਟੂਬਾਜ਼! ਪੜ੍ਹੋ ਪੂਰਾ ਮਾਮਲਾ

ਨਵੀਂ ਦਿੱਲੀ : ਜਿਵੇਂ ਹੀ ਮਸ਼ਹੂਰ ਗਾਇਕ ਅਭਿਜੀਤ ਭੱਟਾਚਾਰੀਆ ਦਾ ਜ਼ਿਕਰ ਆਉਂਦਾ ਹੈ ਤਾਂ ਉਨ੍ਹਾਂ ਦੇ ਗੀਤਾਂ 'ਚੁਨਾਰੀ ਚੁਨਾਰੀ', 'ਬਾਦਸ਼ਾਹ ਹੋ ਬਾਦਸ਼ਾਹ' ਅਤੇ 'ਤੁਮ ਦਿਲ ਕੀ ਧੜਕਨ ਮੇਂ' ਦੀਆਂ ਧੁਨਾਂ ਦਿਮਾਗ 'ਚ ਗੂੰਜਣ ਲੱਗਦੀਆਂ ਹਨ। ਇਸ 'ਚ ਕੋਈ ਸ਼ੱਕ ਨਹੀਂ ਕਿ ਉਸ ਨੇ ਕਈ ਹਿੱਟ ਗੀਤ ਫ਼ਿਲਮਾਂ ਲਈ ਦਿੱਤੇ ਹਨ। ਗਾਇਕੀ ਤੋਂ ਇਲਾਵਾ ਉਹ ਆਪਣੇ ਵਿਚਾਰ ਵੀ ਖੁੱਲ੍ਹ ਕੇ ਪ੍ਰਗਟ ਕਰਦਾ ਹੈ। ਉਨ੍ਹਾਂ ਨੇ ਨੇਹਾ ਕੱਕੜ ਨੂੰ ਵਿਆਹਾਂ 'ਚ ਪਰਫਾਰਮ ਕਰਨ 'ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਸੀ। ਇਸ ਤੋਂ ਬਾਅਦ ਦੋਵਾਂ ਵਿਚਾਲੇ ਬਹਿਸ ਹੋ ਗਈ। ਅਭਿਜੀਤ ਨੇ ਸਿੰਗਿੰਗ ਰਿਐਲਟੀ ਸ਼ੋਅ 'ਚ ਕਿਹਾ ਸੀ ਕਿ ਵਿਆਹਾਂ 'ਚ ਗਾਉਣਾ ਗਾਇਕਾਂ ਦਾ ਦਰਜਾ ਨੀਵਾਂ ਕਰਦਾ ਹੈ। ਦੂਜੇ ਪਾਸੇ ਨੇਹਾ ਕੱਕੜ ਨੇ ਇਸ ਦਾ ਵਿਰੋਧ ਕੀਤਾ ਸੀ ਅਤੇ ਦੋਵਾਂ ਵਿਚਾਲੇ ਗੱਲਬਾਤ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ ਸੀ। ਹੁਣ ਉਨ੍ਹਾਂ ਨੇ ਖੁਦ ਹੀ ਇੱਕ ਨੌਜਵਾਨ ਗਾਇਕ ਦੇ ਵਿਆਹ 'ਚ ਗਾਉਣ ਦਾ ਵਾਅਦਾ ਕੀਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਗਿੱਪੀ ਨੂੰ ਪਤਨੀ ਰਵਨੀਤ ਨੇ ਦਿੱਤਾ ਸਰਪ੍ਰਾਈਜ਼, ਵੇਖ ਗਰੇਵਾਲ ਦੇ ਚਿਹਰਾ 'ਤੇ ਆਇਆ ਨੂਰ

ਅਭਿਜੀਤ ਨੇ ਵਿਆਹ 'ਚ ਗਾਉਣ ਦਾ ਕੀਤਾ ਸੀ ਵਾਅਦਾ 
ਗਾਇਕ ਅਭਿਜੀਤ ਭੱਟਾਚਾਰੀਆ 'ਇੰਡੀਅਨ ਆਈਡਲ 15' ਦੇ ਨਵੇਂ ਸਾਲ ਦੇ ਐਪੀਸੋਡ 'ਚ ਨਜ਼ਰ ਆਇਆ ਸੀ। ਇਸ ਦੌਰਾਨ ਮੁਕਾਬਲੇਬਾਜ਼ ਮਾਨਸੀ ਨੇ ਆਪਣੇ ਵਿਆਹ ਦੇ ਪ੍ਰਦਰਸ਼ਨ ਨਾਲ ਜੁੜੀ ਟਿੱਪਣੀ ਨੂੰ ਯਾਦ ਕਰਦੇ ਹੋਏ ਇੱਕ ਸਵਾਲ ਪੁੱਛਿਆ। ਇਸ ਦਾ ਜਵਾਬ ਅਭਿਜੀਤ ਨੇ ਮਜ਼ਾਕੀਆ ਅੰਦਾਜ਼ 'ਚ ਦਿੱਤਾ। ਉਨ੍ਹਾਂ ਨੇ ਜਵਾਬ 'ਚ ਕਿਹਾ- ''ਤੁਸੀਂ ਸਾਰੇ ਮੈਨੂੰ ਇਸ ਲਈ ਕਿੰਨਾ ਕੁ ਝਿੜਕੋਗੇ? ਸੱਚ ਤਾਂ ਇਹ ਹੈ ਕਿ ਮੈਂ ਆਪਣੇ ਵਿਆਹ 'ਚ ਗਾ ਨਹੀਂ ਸਕਿਆ ਕਿਉਂਕਿ ਮਾਹੌਲ ਠੀਕ ਨਹੀਂ ਸੀ ਅਤੇ ਉਸ ਵਿਆਹ 'ਚ ਨਾ ਗਾਉਣ ਕਾਰਨ ਮੇਰੇ ਸਹੁਰੇ ਨੇ ਮੈਨੂੰ ਸੂਟ ਸਿਲਾਈ ਕਰਨ ਲਈ ਪੈਸੇ ਨਹੀਂ ਦਿੱਤੇ ਸਨ। ਵਿਆਹਾਂ 'ਚ ਭਾਵਪੂਰਤ ਗੀਤ ਹੋਣੇ ਚਾਹੀਦੇ ਹਨ ਪਰ ਮੈਂ ਤੁਹਾਡੇ ਵਿਆਹ 'ਚ ਬੈਂਡ ਨਾਲ ਜ਼ਰੂਰ ਗਾਵਾਂਗਾ।'' ਇਸ ਦੌਰਾਨ ਉਨ੍ਹਾਂ ਦੀ ਕਲਿੱਪ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋਈ ਹੈ। ਯੂਜ਼ਰਸ ਦਾ ਕਹਿਣਾ ਹੈ ਕਿ ਹੁਣ ਉਹ ਉਹੀ ਕੰਮ ਕਰਨ ਜਾ ਰਿਹਾ ਹੈ, ਜਿਸ ਲਈ ਉਸ ਨੇ ਨੇਹਾ ਕੱਕੜ ਨੂੰ ਇਸ ਦੇ ਪੱਖ 'ਚ ਖੜ੍ਹਨ 'ਤੇ ਫਟਕਾਰ ਲਾਈ ਸੀ।

ਇਹ ਖ਼ਬਰ ਵੀ ਪੜ੍ਹੋ - ਗਾਇਕ ਬੱਬੂ ਮਾਨ ਨੇ ਡੱਲੇਵਾਲ ਦੀ ਸਿਹਤ ਨੂੰ ਲੈ ਕੇ ਦਿੱਤੀ ਵੱਡੀ ਅਪਡੇਟ

ਨੇਹਾ ਕੱਕੜ ਦੇ ਸਾਹਮਣੇ ਕੀਤਾ ਇਹ ਦਾਅਵਾ
ਅਭਿਜੀਤ ਭੱਟਾਚਾਰੀਆ ਨੇ ਵਿਆਹਾਂ 'ਚ ਗਾਉਣ 'ਤੇ ਆਪਣੀ ਨਾਰਾਜ਼ਗੀ ਜਤਾਈ ਸੀ। ਉਨ੍ਹਾਂ ਨੇ ਇਹ ਵੀ ਕਿਹਾ ਸੀ ਕਿ 'ਮੈਂ ਕਦੇ ਵੀ ਅਜਿਹੇ ਕਿਸੇ ਸਮਾਗਮ 'ਚ ਨਹੀਂ ਗਾਉਣਾ, ਕਿਉਂਕਿ 1 ਕਰੋੜ ਰੁਪਏ ਕਮਾਉਣ ਅਤੇ 1 ਕਰੋੜ ਨੂੰ ਰੱਦ ਕਰਨ 'ਚ ਬਹੁਤ ਫਰਕ ਹੁੰਦਾ ਹੈ।' ਅਭਿਜੀਤ ਸਲਮਾਨ ਖ਼ਾਨ, ਸੈਫ ਅਲੀ ਖ਼ਾਨ, ਆਮਿਰ ਖ਼ਾਨ, ਸੰਨੀ ਦਿਓਲ ਅਤੇ ਅਕਸ਼ੈ ਕੁਮਾਰ ਵਰਗੇ ਵੱਡੇ ਸਿਤਾਰਿਆਂ ਦੀਆਂ ਫ਼ਿਲਮਾਂ ਲਈ ਗੀਤ ਗਾ ਚੁੱਕਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।