ਫ਼ਿਲਮ ''ਰਸ਼ਮੀ ਰਾਕੇਟ'' ਦੇ ਪ੍ਰਚਾਰ ਲਈ ਅਹਿਮਦਾਬਾਦ ਪਹੁੰਚੀ ਤਾਪਸੀ ਪੰਨੂ
Saturday, Oct 16, 2021 - 05:13 PM (IST)
ਮੁੰਬਈ (ਬਿਊਰੋ) - ਅਦਾਕਾਰਾ ਤਾਪਸੀ ਪੰਨੂ, ਪ੍ਰਿਆਂਸ਼ੂ ਪਯਨੁਲੀ ਅਤੇ ਅਭਿਸ਼ੇਕ ਬੈਨਰਜੀ ਨੇ ਅਹਿਮਦਾਬਾਦ 'ਚ ਸ਼ਾਨਦਾਰ ਦਿਨ ਬਿਤਾਇਆ, ਜਿੱਥੇ ਉਹ ਜ਼ੀ-5 ਆਰੀਜਨਲ ਫ਼ਿਲਮ 'ਰਸ਼ਮੀ ਰਾਕੇਟ' ਦੇ ਪ੍ਰਚਾਰ ਲਈ ਪਹੁੰਚੇ। ਕੱਛ 'ਚ ਸ਼ੂਟਿੰਗ ਤੋਂ ਬਾਅਦ ਇਹ ਯਾਤਰਾ ਘਰ ਵਾਪਸ ਜਾਣ ਵਰਗੀ ਸੀ। ਫ਼ਿਲਮ ਦੀ ਸ਼ੂਟਿੰਗ ਦੌਰਾਨ ਤਾਪਸੀ ਸਖਤ ਡਾਈਟ 'ਤੇ ਸੀ, ਇਸ ਲਈ ਉਹ ਸਭ ਤੋਂ ਖੁਸ਼ ਸੀ ਕਿਉਂਕਿ ਉਸ ਨੂੰ ਸਥਾਨਕ ਭੋਜਨ ਦਾ ਸਵਾਦ ਲੈਣ ਦਾ ਮੌਕਾ ਮਿਲਿਆ। ਦੁਪਹਿਰ ਦੇ ਖਾਣੇ ਤੋਂ ਬਾਅਦ ਸੈਰ ਸਪਾਟਾ ਮੰਤਰੀ ਨਾਲ ਗੱਲਬਾਤ ਹੋਈ, ਜਿੱਥੇ ਉਨ੍ਹਾਂ ਨੇ ਫ਼ਿਲਮ ਦੇ ਦਾਇਰੇ ਅਤੇ ਵਿਕਾਸ ਦੇ ਨਾਲ-ਨਾਲ ਗੁਜਰਾਤ 'ਚ ਫ਼ਿਲਮ ਉਦਯੋਗ ਬਾਰੇ ਚਰਚਾ ਕੀਤੀ ਅਤੇ ਫਿਰ ਅਦਾਕਾਰਾਂ ਨੇ ਰਾਧੇਸ਼ਿਆਮ ਫਾਰਮਜ਼ ਅਤੇ ਸ਼ੈਂਕਸ ਰਿਜ਼ੋਰਟ ਵਿਖੇ 2 ਨਵਰਾਤਰੀ ਸਮਾਗਮਾਂ 'ਚ ਹਿੱਸਾ ਲੈ ਕੇ ਇਸ ਰੋਮਾਂਚਕ ਦਿਨ ਦਾ ਜਸ਼ਨ ਮਨਾਇਆ।
ਤਾਪਸੀ ਪੰਨੂ ਕਹਿੰਦੀ ਹੈ ਕਿ, ''ਮੈਂ ਇਸ ਯਾਤਰਾ ਦੀ ਬਹੁਤ ਉਡੀਕ ਕਰ ਰਹੀ ਸੀ ਅਤੇ ਮੈਨੂੰ ਖੁਸ਼ੀ ਹੈ ਕਿ ਮੈਂ ਇਸ ਦਾ ਹਿੱਸਾ ਬਣ ਸਕੀ ਹਾਂ ਕਿਉਂਕਿ ਅਹਿਮਦਾਬਾਦ ਮੇਰੀ ਉਮੀਦਾਂ 'ਤੇ ਖਰਾ ਉਤਰਿਆ ਹੈ। ਮੈਂ ਸਥਾਨਕ ਭੋਜਨ ਖਾਣਾ, ਗੁਜਰਾਤ 'ਚ ਫ਼ਿਲਮ ਉਦਯੋਗ ਦੇ ਵਿਕਾਸ ਬਾਰੇ ਚਰਚਾ ਕਰਨਾ ਅਤੇ ਸਭ ਤੋਂ ਮਹੱਤਵਪੂਰਨ, ਦਿਲ ਨਾਲ ਗਰਬਾ ਖੇਡਣਾ ਪਸੰਦ ਕੀਤਾ ਹੈ।
ਨੋਟ - ਫ਼ਿਲਮ 'ਰਸ਼ਮੀ ਰਾਕੇਟ' ਸਬੰਧੀ ਤੁਹਾਡੀ ਕੀ ਹੈ ਪ੍ਰਤੀਕਿਰਿਆ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
