ਸਵਰਾ ਭਾਸਕਰ ਦੇ ਘਰ ਕੋਰੋਨਾ ਨੇ ਦਿੱਤੀ ਦਸਤਕ, ਮਾਂ ਤੇ ਕੁੱਕ ਕੋਰੋਨਾ ਪਾਜ਼ੇਟਿਵ
04/19/2021 4:54:21 PM
ਮੁੰਬਈ (ਬਿਊਰੋ)– ਦੇਸ਼ ’ਚ ਕੋਵਿਡ-19 ਦਾ ਪ੍ਰਕੋਪ ਵੱਧ ਰਿਹਾ ਹੈ। ਭਾਵੇਂ ਆਮ ਆਦਮੀ ਹੋਵੇ ਜਾਂ ਖ਼ਾਸ, ਹਰ ਇਕ ਲਈ ਕੋਰੋਨਾ ਤੋਂ ਬਚਣਾ ਮੁਸ਼ਕਿਲ ਹੁੰਦਾ ਜਾ ਰਿਹਾ ਹੈ। ਇਸ ਦੌਰਾਨ ਹੁਣ ਕੋਰੋਨਾ ਨੇ ਬਾਲੀਵੁੱਡ ਅਦਾਕਾਰਾ ਸਵਰਾ ਭਾਸਕਰ ਦੇ ਘਰ ਵੀ ਦਸਤਕ ਦੇ ਦਿੱਤੀ ਹੈ। ਸਵਰਾ ਨੇ ਖ਼ੁਦ ਸੋਸ਼ਲ ਮੀਡੀਆ ’ਤੇ ਇਸ ਸਬੰਧੀ ਜਾਣਕਾਰੀ ਦਿੱਤੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਪੰਜਾਬੀ ਅਦਾਕਾਰਾ ਸਾਰਾ ਗੁਰਪਾਲ ਕੋਰੋਨਾ ਪਾਜ਼ੇਟਿਵ, ਪੋਸਟ ਸਾਂਝੀ ਕਰ ਆਖੀ ਇਹ ਗੱਲ
ਸਵਰਾ ਨੇ ਇੰਸਟਾਗ੍ਰਾਮ ਸਟੋਰੀ ’ਤੇ ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਲਿਖਿਆ, ‘ਇਹ ਸਾਡੇ ਘਰ ਆ ਗਿਆ ਹੈ। ਮੇਰੀ ਮਾਂ ਤੇ ਕੁੱਕ ਕੋਵਿਡ ਪਾਜ਼ੇਟਿਵ ਹੋ ਗਏ ਹਨ। ਉਨ੍ਹਾਂ ਦੀਆਂ ਰਿਪੋਰਟਾਂ ਪਾਜ਼ੇਟਿਵ ਆਈਆਂ ਹਨ। ਅਸੀਂ ਦਿੱਲੀ ਦੇ ਘਰ ’ਚ ਅਲੱਗ-ਅਲੱਗ ਹੋ ਗਏ ਹਾਂ। ਤੁਹਾਨੂੰ ਸਾਰਿਆਂ ਨੂੰ ਵੀ ਘਰ ਰਹਿਣਾ ਚਾਹੀਦਾ ਹੈ ਤੇ ਮਾਸਕ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਸ ਗੱਲ ਦੀ ਜਾਣਕਾਰੀ ਸਵਰਾ ਨੇ ਟਵਿਟਰ ’ਤੇ ਦਿੱਤੀ ਹੈ।
It’s come home. My mother and our cook have both tested positive. 🥺🥺😣😣
— Swara Bhasker (@ReallySwara) April 19, 2021
We are all isolating at home in #Delhi
Double mask up and stay at home people. 🙏🏽🙏🏽🙏🏽
ਸਵਰਾ ਭਾਸਕਰ ਦੀ ਇਸ ਪੋਸਟ ਤੋਂ ਬਾਅਦ ਪ੍ਰਸ਼ੰਸਕ ਸਵਰਾ ਦੀ ਮਾਂ ਤੇ ਪਰਿਵਾਰ ਲਈ ਅਰਦਾਸ ਕਰ ਰਹੇ ਹਨ। ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਕੁਝ ਸਿਤਾਰਿਆਂ ਨੇ ਵੀ ਸਵਰਾ ਦੀ ਪੋਸਟ ’ਤੇ ਟਿੱਪਣੀ ਕੀਤੀ ਹੈ। ਹਰ ਕਿਸੇ ਦੇ ਸੁਰੱਖਿਅਤ ਰਹਿਣ ਤੇ ਜਲਦ ਠੀਕ ਹੋਣ ਦੀ ਦੁਆ ਕਰਦੇ ਹੋਏ ਇਕ ਪਾਸੇ ਜਿਥੇ ਬਹੁਤ ਸਾਰੇ ਸੋਸ਼ਲ ਮੀਡੀਆ ਯੂਜ਼ਰਜ਼ ਸਵਰਾ ਲਈ ਪਾਜ਼ੇਟਿਵ ਟਵੀਟ ਕਰ ਰਹੇ ਹਨ, ਉਥੇ ਹੀ ਕੁਝ ਟਰੋਲ ਕਰਨ ਦੀ ਕੋਸ਼ਿਸ਼ ਵੀ ਕਰ ਰਹੇ ਹਨ।
ਦੱਸਣਯੋਗ ਹੈ ਕਿ ਸਵਰਾ ਨੇ ਕੁਝ ਦਿਨ ਪਹਿਲਾਂ ਆਪਣਾ ਜਨਮਦਿਨ ਗੋਆ ’ਚ ਮਨਾਇਆ ਸੀ। ਸਵਰਾ ਇਸ ਖ਼ਾਸ ਮੌਕੇ ’ਤੇ ਦੋਸਤਾਂ ਤੇ ਪਰਿਵਾਰ ਵਲੋਂ ਮਿਲੇ ਪਿਆਰ ਨੂੰ ਵੇਖ ਕੇ ਰੋ ਪਈ ਸੀ। ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵੀ ਕਾਫ਼ੀ ਵਾਇਰਲ ਹੋਈ ਸੀ। ਇਸ ਦੇ ਨਾਲ ਹੀ ਸਵਰਾ ਦੇ ਮਾਪਿਆਂ ਨੇ ਵੀ ਸੋਸ਼ਲ ਮੀਡੀਆ ’ਤੇ ਅਦਾਕਾਰਾ ਨੂੰ ਵਧਾਈ ਦਿੱਤੀ ਸੀ। ਸਵਰਾ ਦੇ ਮਾਪਿਆਂ ਨੇ ਲਿਖਿਆ ਸੀ, ‘ਅਫਸੋਸ ਅਸੀਂ ਤੈਨੂੰ ਇਕੱਲਿਆਂ ਵਧਾਈ ਨਹੀਂ ਦੇ ਸਕੇ, ਇਸ ਲਈ ਮੁਆਫ਼ੀ ਤੇ ਇਸ ਲਈ ਵੀ ਮੁਆਫ਼ੀ ਕਿ ਤੁਹਾਡੀ ਮਾਂ ਆਪਣੀ ਸ਼ੋਨਾ ਰਾਣੀ ਨੂੰ ਗਲੇ ਨਹੀਂ ਲਗਾ ਸਕਦੀ, ਸੁਰੱਖਿਅਤ ਰਹੋ ਤੇ ਮਾਸਕ ਲਗਾਓ।’
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।