ਕਾਮਿਆ ਪੰਜਾਬੀ ਨੇ ਪੁੱਛਿਆ- ਹੁਣ ਤਾਂ ਜਸਟਿਸ ਫਾਰ ਕੰਗਨਾ, ਰਵੀ ਕਿਸ਼ਨ ਹੋ ਗਿਆ! ਸੁਸ਼ਾਂਤ ਕਿੱਥੇ ਹੈ?

9/17/2020 3:33:03 PM

ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਖ਼ੁਦਕੁਸ਼ੀ ਮਾਮਲੇ 'ਚ ਕਈ ਐਂਗਲ ਸਾਹਮਣੇ ਆ ਗਏ ਹਨ। ਹੁਣ ਅਦਾਕਾਰ ਦੀ ਮੌਤ ਦੇ ਕਾਰਨਾਂ ਤੋਂ ਜ਼ਿਆਦਾ ਹੋਰ ਮੁੱਦਿਆਂ 'ਤੇ ਚਰਚਾ ਹੋ ਰਹੀ ਹੈ। ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਅਜਿਹੇ 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਨਿਆਂ ਦਿਵਾਉਣ ਦੀ ਮੁਹਿੰਮ ਹੁਣ ਗਾਇਬ ਹੋ ਰਹੀ ਹੈ ਅਤੇ ਲੋਕ ਹੋਰ ਮੁੱਦਿਆਂ 'ਤੇ ਜ਼ਿਆਦਾ ਗੱਲ ਕਰ ਰਹੇ ਹਨ। ਦਰਅਸਲ ਸੁਸ਼ਾਂਤ ਦੀ ਮੌਤ ਤੋਂ ਬਾਅਦ ਹੀ ਅਦਾਕਾਰਾ ਕੰਗਨਾ ਰਣੌਤ ਲਗਾਤਾਰ ਖ਼ਬਰਾਂ 'ਚ ਹੈ ਅਤੇ ਹੁਣ ਕਈ ਸਟਾਰਜ਼ ਵੱਖ-ਵੱਖ ਕਾਰਨਾਂ ਕਰਕੇ ਖ਼ਬਰਾਂ 'ਚ ਹਨ।

As a part of TV i feel SSR was 1 of us n we deserve 2know what excatly happened on the 14th of june!My stand is very clear!Abusing the film industry n its people is a BIG NO for me too!Peoples focus has been shifted n i m not goin to be a part of that circus!Lots of luv Jaya Ji❤️

— Kamya Shalabh Dang (@iamkamyapunjabi) September 15, 2020


ਇਸ ਦੌਰਾਨ ਅਦਾਕਾਰਾ ਕਾਮਿਆ ਪੰਜਾਬੀ ਨੇ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਨਿਆਂ ਦਿਵਾਉਣ ਦੀ ਮੁਹਿੰਮ ਨੂੰ ਲੈ ਕੇ ਕਿਹਾ 'ਉਹ ਮੁਹਿੰਮ ਹੁਣ ਗਾਇਬ ਹੋ ਗਈ ਹੈ। ਉਨ੍ਹਾਂ ਨੇ ਆਪਣੇ ਟਵੀਟ 'ਚ ਲਿਖਿਆ ਹੈ ਇਹ ਸਭ ਕੁਝ...ਹੁਣ ਜਸਟਿਸ ਫਾਰ ਰਵੀ ਕਿਸ਼ਨ ਹੋ ਗਿਆ ਹੈ। ਕੱਲ੍ਹ ਕੋਈ ਹੋਰ ਹੋਵੇਗਾ, ਪਰਸੋ ਕੋਈ ਹੋਰ ਫਿਰ ਕੋਈ ਹੋਰ। ਇਨ੍ਹਾਂ ਸਾਰਿਆਂ 'ਚ ਸੁਸ਼ਾਂਤ ਕਿੱਥੇ ਹੈ? ਕਿਸ ਨੇ ਕਰਨ ਜੌਹਰ ਨਾਲ ਲੜਾਈ ਕੀਤੀ, ਕਿਸ ਨੇ ਇਹ ਡਰੱਗਜ਼ ਲਈ ਅਤੇ ਕਿਸ ਨੂੰ ਵਾਈ ਸਿਕਓਰਿਟੀ ਮਿਲ ਰਹੀ ਹੈ। ਇਨ੍ਹਾਂ ਸਭ 'ਚ ਸੁਸ਼ਾਂਤ ਸਿੰਘ ਰਾਜਪੂਤ ਕਿੱਥੇ ਹੈ। ਸੋਚੋ, ਸੋਚੋ।'

It all started wit #JusticeForSSR then "Justice4kangana" now "justice4ravikishan" kal koi aur hoga parso koi aur phir koi aur..wer is Ssr in all this?Who is gutter n who had a fall out wit johar,who all did drugs n who is gettin da Y security, inn sab meh wer is ssr? Socho socho

— Kamya Shalabh Dang (@iamkamyapunjabi) September 15, 2020

ਦੱਸਣਯੋਗ ਹੈ ਕਿ ਕੁਝ ਦਿਨਾਂ ਤੋਂ ਕਾਮਿਆ ਪੰਜਾਬੀ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਹੈ ਅਤੇ ਲਗਾਤਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਕੇਸ ਨੂੰ ਲੈ ਕੇ ਟਵੀਟ ਕਰ ਰਹੀ ਹੈ। ਨਾਲ ਹੀ ਉਨ੍ਹਾਂ ਨੇ ਹਾਲ ਹੀ 'ਚ ਜਯਾ ਬਚਨ ਦੀ ਸਪੀਚ ਦਾ ਸਮਰਥਨ ਕੀਤਾ ਅਤੇ ਕੰਗਨਾ ਰਣੌਤ ਦੇ ਬਿਆਨਾਂ 'ਤੇ ਨਰਾਜ਼ਗੀ ਜਤਾਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਟੀ. ਵੀ. ਇੰਡਸਟਰੀ ਦਾ ਹਿੱਸਾ ਹੋਣ ਦੇ ਨਾਤੇ ਮੈਨੂੰ ਲੱਗਦਾ ਹੈ ਕਿ ਸੁਸ਼ਾਂਤ ਸਾਡੇ 'ਚੋਂ ਇਕ ਸੀ ਤੇ ਅਸੀਂ ਇਹ ਜਾਣਨ ਦੇ ਹੱਕਦਾਰ ਹੈ ਕਿ ਆਖਿਰ 14 ਜੂਨ ਨੂੰ ਕੀ ਹੋਇਆ ਸੀ। ਮੇਰਾ ਪੱਖ ਸਪੱਸ਼ਟ ਹੈ। ਫ਼ਿਲਮ ਇੰਡਸਟਰੀ ਅਤੇ ਇਥੋਂ ਦੇ ਲੋਕਾਂ ਨੂੰ ਗਾਲਾਂ ਦੇਣਾ ਮੇਰੇ ਲਈ ਗਲਤ ਹੈ। ਲੋਕਾਂ ਦਾ ਧਿਆਨ ਪੂਰੀ ਤਰ੍ਹਾਂ ਭਟਕ ਰਿਹਾ ਹੈ ਅਤੇ ਮੈਂ ਇਸ ਸਰਕਸ ਦਾ ਹਿੱਸਾ ਨਹੀਂ ਬਣਨ ਵਾਲੀ।' ਇਸ ਤੋਂ ਇਲਾਵਾ ਵੀ ਅਦਾਕਾਰਾ ਨੇ ਕਈ ਟਵੀਟ ਕੀਤੇ ਹਨ ਤੇ ਬੇਬਾਕੀ ਨਾਲ ਆਪਣੀ ਰਾਏ ਰੱਖਦੀ ਹੈ। ਨਾਲ ਹੀ ਅਦਾਕਾਰਾ ਯੂਜ਼ਰਜ਼ ਨੂੰ ਵੀ ਕਰਾਰਾ ਜਵਾਬ ਦੇ ਰਹੀ ਹੈ, ਜੋ ਉਨ੍ਹਾਂ ਖ਼ਿਲਾਫ਼ ਗੱਲ ਕਰ ਰਹੇ ਹਨ।


sunita

Content Editor sunita