ਹਿੰਦੀ ਸਿਨੇਮਾ ਦੀ ਦਿੱਗਜ ਗਾਇਕਾ ਸੰਧਿਆ ਨੇ ''ਪਦਮ ਸ਼੍ਰੀ ਪੁਰਸਕਾਰ'' ਲੈਣ ਤੋਂ ਕੀਤਾ ਇਨਕਾਰ, ਜਾਣੋ ਕੀ ਹੈ ਵਜ੍ਹਾ

01/27/2022 9:06:31 AM

ਮੁੰਬਈ (ਬਿਊਰੋ) : ਬੀਤੇ ਦਿਨ ਭਾਰਤ 'ਚ 73ਵਾਂ ਗਣਤੰਤਰ ਦਿਵਸ ਕਾਫ਼ੀ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਖ਼ਾਸ ਮੌਕੇ 'ਤੇ ਭਾਰਤ ਸਰਕਾਰ ਨੇ ਪਦਮ ਅਤੇ ਪਦਮ ਸ਼੍ਰੀ ਪੁਰਸਕਾਰਾਂ ਦਾ ਐਲਾਨ ਕੀਤਾ, ਜਿਸ 'ਚ ਕਲਾ, ਖੇਡਾਂ, ਸਾਹਿਤ ਅਤੇ ਸਮਾਜਿਕ ਖ਼ੇਤਰ 'ਚ ਆਪਣਾ ਖ਼ਾਸ ਯੋਗਦਾਨ ਪਾਉਣ ਵਾਲੀਆਂ ਨਾਮਵਰ ਹਸਤੀਆਂ ਨੂੰ ਇਸ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਹਿੰਦੀ ਸਿਨੇਮਾ ਦੀ ਦਿੱਗਜ ਗਾਇਕਾ ਸੰਧਿਆ ਮੁਖਰਜੀ ਉਰਫ ਸੰਧਿਆ ਮੁਖੋਪਾਧਿਆਏ ਨੂੰ 'ਪਦਮ ਸ਼੍ਰੀ ਪੁਰਸਕਾਰ' ਨਾਲ ਸਨਮਾਨਿਤ ਕੀਤਾ ਗਿਆ ਪਰ ਉਨ੍ਹਾਂ ਨੇ ਇਸ ਸਨਮਾਨ ਨੂੰ ਸਵੀਕਾਰ ਕਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ।

ਇਹ ਖ਼ਬਰ ਵੀ ਪੜ੍ਹੋ : CM ਚੰਨੀ ਦੇ ਕੰਮ ਤੋਂ ਖ਼ੁਸ਼ ਹੋਏ ਸੋਨੂੰ ਸੂਦ, ਕਿਹਾ– ‘ਮਿਲਣਾ ਚਾਹੀਦੈ ਇਕ ਹੋਰ ਮੌਕਾ’

...ਤਾਂ ਇਸ ਵਜ੍ਹਾ ਕਰਕੇ ਹੀ ਸੰਧਿਆ ਮੁਖਰਜੀ ਨੇ ਠੁਕਰਾਇਆ 'ਪਦਮ ਸ਼੍ਰੀ ਪੁਰਸਕਾਰ'
ਦੱਸ ਦਈਏ ਕਿ ਸੰਧਿਆ ਮੁਖਰਜੀ 90 ਸਾਲ ਦੀ ਹੈ, ਜੋ ਕਿ ਮਸ਼ਹੂਰ ਗਾਇਕਾ ਹੈ। ਉਨ੍ਹਾਂ ਨੇ ਐੱਸ. ਡੀ. ਬਰਮਨ, ਅਨਿਲ ਬਿਸਵਾਸ, ਮਦਨ ਮੋਹਨ, ਰੋਸ਼ਨ ਅਤੇ ਸਲਿਲ ਚੌਧਰੀ ਸਮੇਤ ਕਈ ਸੰਗੀਤ ਨਿਰਦੇਸ਼ਕਾਂ ਲਈ ਕੰਮ ਕੀਤਾ ਹੈ। ਖ਼ਬਰਾਂ ਮੁਤਾਬਕ, ਸੰਧਿਆ ਮੁਖਰਜੀ ਦੀ ਧੀ ਸੌਮੀ ਸੇਨਗੁਪਤਾ ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੀ ਮਾਂ ਨੇ 'ਪਦਮ ਸ਼੍ਰੀ ਪੁਰਸਕਾਰ' ਲੈਣ ਤੋਂ ਇਨਕਾਰ ਕਰ ਦਿੱਤਾ ਹੈ ਕਿਉਂਕਿ ਉਹ ਹੁਣ ਇਸ ਨੂੰ ਆਪਣਾ ਅਪਮਾਨ ਸਮਝਦੇ ਹਨ।
ਸੌਮੀ ਸੇਨਗੁਪਤਾ ਮੁਤਾਬਕ, ਸੰਧਿਆ ਮੁਖਰਜੀ ਨੇ ਦਿੱਲੀ ਤੋਂ ਫੋਨ ਕਰਨ ਵਾਲੇ ਸੀਨੀਅਰ ਅਧਿਕਾਰੀ ਨੂੰ ਕਿਹਾ ਹੈ ਕਿ ਉਹ ਗਣਤੰਤਰ ਦਿਵਸ ਸਨਮਾਨ ਸੂਚੀ 'ਚ ਪਦਮ ਸ਼੍ਰੀ ਨਾਲ ਸਨਮਾਨਿਤ ਕਰਨ ਲਈ ਤਿਆਰ ਨਹੀਂ ਹੈ। ਲਗਭਗ ਅੱਠ ਦਹਾਕਿਆਂ ਦੇ ਗਾਇਕੀ ਕਰੀਅਰ ਤੋਂ ਬਾਅਦ 90 ਸਾਲ ਦੀ ਉਮਰ 'ਚ ਪਦਮ ਸ਼੍ਰੀ ਲਈ ਚੁਣਿਆ ਜਾਣਾ ਮੇਰੇ ਲਈ ਸ਼ਰਮਨਾਕ ਹੈ। 

ਇਹ ਖ਼ਬਰ ਵੀ ਪੜ੍ਹੋ : ਦੇਵ ਥਰੀਕੇ ਵਾਲਾ ਦਾ ਜੱਦੀ ਪਿੰਡ 'ਚ ਹੋਇਆ ਅੰਤਿਮ ਸੰਸਕਾਰ, ਨਮ ਅੱਖਾਂ ਨਾਲ ਕਲਾਕਾਰਾਂ ਨੇ ਦਿੱਤੀ ਅੰਤਿਮ ਵਿਦਾਈ

ਸਿਆਸੀ ਰੂਪ ਨਾ ਦੇਣ ਦੀ ਕੀਤੀ ਅਪੀਲ
ਸੰਧਿਆ ਮੁਖਰਜੀ ਦੇ ਪਦਮਸ਼੍ਰੀ ਪੁਰਸਕਾਰ ਨੂੰ ਸਵੀਕਾਰ ਨਾ ਕੀਤੇ ਜਾਣ ਨੂੰ ਸਿਆਸੀ ਰੂਪ ਨਾ ਦੇਣ ਦੀ ਵੀ ਅਪੀਲ ਕੀਤੀ ਹੈ। ਅੱਗੇ ਉਨ੍ਹਾਂ ਨੇ ਕਿਹਾ, ''ਪਦਮ ਸ਼੍ਰੀ ਇੱਕ ਜੂਨੀਅਰ ਕਲਾਕਾਰ ਲਈ ਜ਼ਿਆਦਾ ਢੁੱਕਵਾਂ ਹੈ ਨਾ ਕਿ ਗੀਤਾਸ਼੍ਰੀ ਸੰਧਿਆ ਮੁਖੋਪਾਧਿਆਏ ਲਈ। ਉਸ ਦਾ ਪਰਿਵਾਰ ਅਤੇ ਉਸ ਦੇ ਪ੍ਰਸ਼ੰਸਕ ਵੀ ਅਜਿਹਾ ਹੀ ਮਹਿਸੂਸ ਕਰਦੇ ਹਨ। ਇਸ ਨੂੰ ਸਿਆਸੀ ਰੂਪ ਨਹੀਂ ਦਿੱਤਾ ਜਾਣਾ ਚਾਹੀਦਾ। ਉਹ ਕਿਸੇ ਵੀ ਤਰ੍ਹਾਂ ਦੀ ਰਾਜਨੀਤੀ ਤੋਂ ਦੂਰ ਹੈ। ਇਸ ਲਈ ਕਿਰਪਾ ਕਰਕੇ ਇਸ 'ਚ ਕਿਸੇ ਕਿਸਮ ਦਾ ਸਿਆਸੀ ਕਾਰਨ ਲੱਭਣ ਦੀ ਕੋਸ਼ਿਸ਼ ਨਾ ਕਰੋ। ਉਹ ਬਹੁਤ ਅਪਮਾਨਿਤ ਮਹਿਸੂਸ ਕਰਦੇ ਹਨ।''

ਇਹ ਖ਼ਬਰ ਵੀ ਪੜ੍ਹੋ : ਨਿੰਜਾ ਦੇ ਵਿਆਹ ਨੂੰ ਹੋਏ 3 ਸਾਲ ਪੂਰੇ, ਪਤਨੀ ਨਾਲ ਸਾਂਝੀਆਂ ਕੀਤੀਆਂ ਖ਼ੂਬਸੂਰਤ ਤਸਵੀਰਾਂ

60 ਅਤੇ 70 ਦੇ ਦਹਾਕੇ 'ਚ ਸੰਧਿਆ ਗਾਏ ਹਜ਼ਾਰਾਂ ਬੰਗਾਲੀ ਗੀਤ
ਦੱਸਣਯੋਗ ਹੈ ਕਿ ਸੰਧਿਆ ਮੁਖਰਜੀ ਨੇ 60 ਅਤੇ 70 ਦੇ ਦਹਾਕੇ 'ਚ ਹਜ਼ਾਰਾਂ ਬੰਗਾਲੀ ਗੀਤ ਗਾਏ ਹਨ। ਇਸ ਦੇ ਨਾਲ ਹੀ ਉਹ ਦਰਜਨਾਂ ਭਾਸ਼ਾਵਾਂ 'ਚ ਗੀਤ ਗਾ ਕੇ ਸੰਗੀਤ ਜਗਤ 'ਚ ਅਮਿੱਟ ਛਾਪ ਛੱਡ ਚੁੱਕੀ ਹੈ। ਸੰਧਿਆ ਮੁਖਰਜੀ ਨੂੰ 2001 'ਚ ਪੱਛਮੀ ਬੰਗਾਲ ਸਰਕਾਰ ਦੁਆਰਾ ਬੰਗਾ ਵਿਭੂਸ਼ਣ, ਇਸ ਦੇ ਸਰਵਉੱਚ ਨਾਗਰਿਕ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਸਾਲ 1970 'ਚ ਸੰਧਿਆ ਮੁਖਰਜੀ ਨੂੰ 'ਜੈ ਜੈਅੰਤੀ' ਗੀਤ ਲਈ ਰਾਸ਼ਟਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ।


ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਸਾਨੂੰ ਜ਼ਰੂਰ ਦੱਸੋ।


sunita

Content Editor

Related News