ਸਿਧਾਰਥ ਤੇ ਕਿਆਰਾ ਨੇ ਆਪਣੀ ਧੀ ਦਾ ਨਾਂ ਰੱਖਿਆ ''ਸਾਰਾਯਾ'', ਕੀ ਤੁਸੀਂ ਜਾਣਦੇ ਹੋ Name ਦਾ ਅਰਥ?
Saturday, Nov 29, 2025 - 10:45 AM (IST)
ਐਂਟਰਟੇਨਮੈਂਟ ਡੈਸਕ- ਅਦਾਕਾਰ ਸਿਧਾਰਥ ਮਲਹੋਤਰਾ ਅਤੇ ਉਨ੍ਹਾਂ ਦੀ ਅਦਾਕਾਰਾ ਪਤਨੀ ਕਿਆਰਾ ਅਡਵਾਨੀ ਨੇ ਸ਼ੁੱਕਰਵਾਰ ਨੂੰ ਆਪਣੀ ਨਵਜਨਮੀ ਧੀ ਦਾ ਨਾਮ ਰਿਵੀਲ ਕਰ ਕਰ ਦਿੱਤਾ ਹੈ। ਜੋੜੇ ਨੇ ਆਪਣੀ ਧੀ ਦਾ ਨਾਂ ਸਾਰਾਯਾ ਮਲਹੋਤਰਾ ਰੱਖਿਆ ਹੈ। ਸਾਰਾਯਾ ਦਾ ਨਾਮ ਹਿਬਰੂ ਸ਼ਬਦਾਂ ਸਾਰਾ ਅਤੇ ਸਾਰਾਯਾ ਤੋਂ ਲਿਆ ਗਿਆ ਹੈ, ਅਤੇ ਇਸ ਦਾ ਅਰਥ 'ਈਸ਼ਵਰ ਦੀ ਰਾਜਕੁਮਾਰੀ' ਹੈ। ਜੋੜੇ ਨੇ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਆਪਣੀ ਧੀ ਦੇ ਪੈਰਾਂ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ: "ਸਾਡੀਆਂ ਪ੍ਰਾਰਥਨਾਵਾਂ ਤੋਂ ਲੈ ਕੇ ਸਾਡੀਆਂ ਬਾਹਾਂ ਤੱਕ। ਸਾਡਾ ਬ੍ਰਹਮ ਆਸ਼ੀਰਵਾਦ, ਸਾਡੀ ਰਾਜਕੁਮਾਰੀ, ਸਾਰਾਯਾ ਮਲਹੋਤਰਾ"।
ਜਨਮ ਅਤੇ ਨਿੱਜਤਾ ਦੀ ਅਪੀਲ
ਸਾਰਾਯਾ ਦਾ ਜਨਮ ਇਸੇ ਸਾਲ 15 ਜੁਲਾਈ ਨੂੰ ਹੋਇਆ ਸੀ। 16 ਜੁਲਾਈ ਨੂੰ ਉਨ੍ਹਾਂ ਨੇ ਬੇਟੀ ਦੇ ਜਨਮ ਦਾ ਐਲਾਨ ਕਰਦੇ ਹੋਏ ਲਿਖਿਆ ਸੀ, "ਸਾਡਾ ਦਿਲ ਭਰ ਗਿਆ ਹੈ ਅਤੇ ਸਾਡੀ ਦੁਨੀਆ ਹਮੇਸ਼ਾ ਲਈ ਬਦਲ ਗਈ ਹੈ। ਸਾਨੂੰ ਇੱਕ ਬੱਚੀ ਦਾ ਆਸ਼ੀਰਵਾਦ ਮਿਲਿਆ ਹੈ"। ਸਿਧਾਰਥ ਅਤੇ ਕਿਆਰਾ ਨੇ ਮੀਡੀਆ ਅਤੇ ਪਾਪਰਾਜ਼ੀ ਨੂੰ ਬੇਨਤੀ ਕੀਤੀ ਹੈ ਕਿ ਉਹ ਉਨ੍ਹਾਂ ਦੀ ਧੀ ਦੀਆਂ ਤਸਵੀਰਾਂ ਨਾ ਲੈਣ।
ਇਹ ਵੀ ਪੜ੍ਹੋ: ਹੁਣ 'ਵਾਇਰਲ ਗਰਲ ਧੁਨੂ' ਦਾ ਟੀਚਰ ਨਾਲ 19 ਮਿੰਟ ਦਾ MMS ਲੀਕ !
ਨਿੱਜੀ ਜ਼ਿੰਦਗੀ ਅਤੇ ਕਰੀਅਰ
ਇਸ ਜੋੜੇ ਨੇ ਫਰਵਰੀ 2023 ਵਿੱਚ ਰਾਜਸਥਾਨ ਵਿੱਚ ਇੱਕ ਨਿੱਜੀ ਸਮਾਰੋਹ ਵਿੱਚ ਵਿਆਹ ਕਰਵਾਇਆ ਸੀ। ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਜੰਗ 'ਤੇ ਆਧਾਰਿਤ ਫਿਲਮ 'ਸ਼ੇਰਸ਼ਾਹ' ਦੇ ਸੈੱਟ 'ਤੇ ਸ਼ੁਰੂ ਹੋਈ ਸੀ। ਸਿਧਾਰਥ ਮਲਹੋਤਰਾ ਆਖਰੀ ਵਾਰ ਜਾਨ੍ਹਵੀ ਕਪੂਰ ਨਾਲ ਫਿਲਮ 'ਪਰਮ ਸੁੰਦਰੀ' ਵਿੱਚ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਏ ਸਨ। ਕਿਆਰਾ ਅਡਵਾਨੀ ਆਖਰੀ ਵਾਰ 'ਵਾਰ 2' ਵਿੱਚ ਦਿਖਾਈ ਦਿੱਤੀ ਸੀ, ਜੋ ਕਿ ਬਲਾਕਬਸਟਰ ਫਿਲਮ 'ਵਾਰ' ਦਾ ਸੀਕਵਲ ਹੈ।
