ਸ਼ਹਿਨਾਜ਼ ਦੀ ਰਾਹ ''ਤੇ ਨਿਕਲੀ ਗਾਇਕਾ ਅਫਸਾਨਾ ਖ਼ਾਨ, ਕਰਨ ਲੱਗੀ ਅਜਿਹੇ ਕੰਮ

ਚੰਡੀਗੜ੍ਹ (ਬਿਊਰੋ) - ਪੰਜਾਬੀ ਗਾਇਕ ਅਫਸਾਨਾ ਖ਼ਾਨ ਨੇ ਅੱਜ ਪੰਜਾਬੀ ਮਿਊਜ਼ਿਕ ਇੰਡਸਟਰੀ 'ਚ ਖ਼ਾਸ ਪਛਾਣ ਕਾਇਮ ਕਰ ਲਈ ਹੈ। ਉਸ ਨੇ ਆਪਣੀ ਬੁਲੰਦ ਆਵਾਜ਼ ਦੇ ਸਦਕਾ ਹਰੇਕ ਦਿਲ 'ਚ ਘਰ ਕੀਤਾ ਹੋਇਆ ਹੈ। ਅਫਸਾਨਾ ਖ਼ਾਨ ਹਮੇਸ਼ਾ ਹੀ ਆਪਣੀ ਤਸਵੀਰਾਂ ਨੂੰ ਲੈ ਕੇ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਹਾਲ ਹੀ 'ਚ ਅਫਸਾਨਾ ਖ਼ਾਨ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਵੱਖਰੇ-ਵੱਖਰੇ ਅੰਦਾਜ਼ 'ਚ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ।

ਦੱਸ ਦਈਏ ਕਿ ਪੰਜਾਬ ਦੀਆਂ ਅਜਿਹੀਆਂ ਬਹੁਤ ਸਾਰੀਆਂ ਹਸੀਨਾਵਾਂ ਹਨ, ਜੋ ਸੋਸ਼ਲ ਮੀਡੀਆ ਰਾਹੀਂ ਪ੍ਰਸਿੱਧੀ ਹਾਸਲ ਕਰ ਰਹੀਆਂ ਹਨ। ਪੰਜਾਬੀ ਗਾਇਕ ਤੇ ਮਾਡਲ ਸ਼ਹਿਨਾਜ਼ ਕੌਰ ਗਿੱਲ ਨੂੰ ਵੀ ਅੱਜ ਹਰ ਕੋਈ ਜਾਣਦਾ ਹੈ, ਉਸ ਦੀ ਵਜ੍ਹਾ ਹੈ ਲੋਕਾਂ ਵਲੋਂ ਮਿਲ ਰਿਹਾ ਫੇਮ।

ਸ਼ਹਿਨਾਜ਼ ਵੀ ਹਮੇਸ਼ਾ ਹੀ ਆਪਣੀਆਂ ਤਸਵੀਰਾਂ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ। ਗਾਇਕਾ ਅਫਸਾਨਾ ਖ਼ਾਨ ਵੀ ਇਸ ਮਾਮਲੇ 'ਚ ਸ਼ਹਿਨਾਜ਼ ਦੀ ਰਾਹ 'ਤੇ ਤੁਰ ਰਹੀ ਹੈ। ਉਹ ਵੀ ਸ਼ਹਿਨਾਜ਼ ਵਾਂਗੂ ਪ੍ਰਸ਼ੰਸਕਾਂ ਨਾਲ ਤਸਵੀਰਾਂ ਤੇ ਵੀਡੀਓਜ਼ ਸਾਂਝੀਆਂ ਕਰਦੀ ਰਹਿੰਦੀ ਹੈ।

ਦੱਸ ਦਈਏ ਕਿ ਅਫਸਾਨਾ ਖ਼ਾਨ ਤੇ ਉਸ ਦੇ ਮੰਗੇਤਰ ਸਾਜ਼ ਨੇ 'ਕੁੜਮਾਈ' ਤੋਂ ਬਾਅਦ ਆਪਣੀ ਜੋੜੀ ਨੂੰ 'ਅਫਸਾਜ਼' ਦਾ ਨਾਮ ਦਿੱਤਾ ਹੈ। ਇਹ ਵਰਡ ਅੱਜ ਕੱਲ੍ਹ ਕਾਫ਼ੀ ਟਰੈਂਡਿੰਗ 'ਚ ਹੈ। ਹਾਲ ਹੀ 'ਚ ਅਫਸਾਨਾ ਖ਼ਾਨ ਤੇ ਸਾਜ਼ ਨੇ ਇਕ ਦੂਜੇ ਡੈਡੀਕੇਟ ਕਰਦੇ ਹੋਏ ਸੇਮ ਟੈਟੂ ਬਣਵਾਇਆ ਹੈ।

ਦੋਵਾਂ ਨੇ ਆਪਣੀ-ਆਪਣੀ ਬਾਂਹ 'ਤੇ 'Blessed' ਲਿਖਵਾਇਆ ਹੈ। ਅਫਸਾਨਾ ਖ਼ਾਨ ਦੇ 'Blessed' ਟੈਟੂ ਦੇ ਨਾਲ ਤਿਤਲੀ ਬਣਾਈ ਗਈ ਹੈ ਅਤੇ ਸਾਜ਼ ਦੇ 'Blessed' ਟੈਟੂ ਨਾਲ ਸਟਾਰ ਹੈ। ਇਸ ਟੈਟੂ ਸੈਸ਼ਨ ਦੀਆਂ ਤਸਵੀਰਾਂ ਤੇ ਵੀਡਿਓਜ਼ ਅਫਸਾਨਾ ਖ਼ਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ, ਜਿਸ ਨੂੰ ਦੋਹਾਂ ਦੇ ਪ੍ਰਸ਼ੰਸਕਾਂ ਵਲੋਂ ਖ਼ੂਬ ਪਸੰਦ ਕੀਤਾ ਜਾ ਰਿਹਾ ਹੈ। 

ਦੱਸਣਯੋਗ ਹੈ ਕਿ ਹਾਲ ਹੀ 'ਚ ਅਫਸਾਨਾ ਖ਼ਾਨ ਤੇ ਸਾਜ਼ ਸੋਸ਼ਲ ਮੀਡੀਆ 'ਤੇ ਲਾਈਵ ਹੋਏ ਸਨ, ਜਿਸ 'ਚ ਸਾਜ਼ ਨੇ ਡਿਸਕਲੋਜ਼ ਕੀਤਾ ਕਿ ਅਸੀਂ ਬਹੁਤ ਜਲਦ ਬਹੁਤ ਸਾਰੇ ਨਵੇਂ-ਨਵੇਂ ਗੀਤ ਲੈ ਕੇ ਆਉਣ ਵਾਲੇ ਹਾਂ।

ਇਸ ਦੇ ਨਾਲ ਹੀ ਇਹ ਵੀ ਦੱਸਿਆ ਕਿ ਅਸੀਂ ਆਪਣੇ ਨਾਮ ਅਫਸਾਜ਼ ਨਾਲ 'ਤੇ ਛੇਤੀ ਹੀ ਇਕ ਮਿਊਜ਼ਿਕ ਲੇਬਲ ਸ਼ੁਰੂ ਕਰਨ ਵਾਲੇ ਹਾਂ। ਸਾਡੇ ਅਗਲੇ ਸਾਰੇ ਪ੍ਰੋਜੈਕਟਸ ਇਸੇ ਲੇਬਲ 'ਤੇ ਹੀ ਆਉਣਗੇ।