ਇਹ ਕੀ ਹੋ ਗਿਆ ਸ਼ਮਿਤਾ ਸ਼ੈੱਟੀ ਨੂੰ! ਵੀਡੀਓ ਦੇਖ ਲੋਕਾਂ ਦਾ ਨਿਕਲਿਆ ਹਾਸਾ

ਮੁੰਬਈ (ਬਿਊਰੋ)– ਸ਼ਮਿਤਾ ਸ਼ੈੱਟੀ ‘ਬਿੱਗ ਬੌਸ ਓ. ਟੀ. ਟੀ.’ ’ਚ ਆਉਣ ਤੋਂ ਬਾਅਦ ਚਰਚਾ ’ਚ ਹੈ। ਘਰ ’ਚ ਉਸ ਨੇ ਕਈ ਦੋਸਤ ਬਣਾਏ ਤੇ ਰਾਕੇਸ਼ ਬਾਪਟ ਨਾਲ ਰੋਮਾਂਟਿਕ ਕੱਪਲ ਬਣਾਇਆ। ਸ਼ੋਅ ਦੇ ਇਕ ਐਪੀਸੋਡ ’ਚ ਕੱਪਲ ਨੇ ਇਕ-ਦੂਜੇ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕੀਤਾ।

ਇਹ ਖ਼ਬਰ ਵੀ ਪੜ੍ਹੋ : ਐਕਸੀਡੈਂਟ ਵਾਲੇ ਦਿਨ ਦੀਪ ਸਿੱਧੂ ਦੀ ਕਾਰ ’ਚ ਮੌਜੂਦ ਰੀਨਾ ਰਾਏ ਨੇ ਬਿਆਨ ਕੀਤਾ ਭਿਆਨਕ ਮੰਜ਼ਰ

ਸ਼ਮਿਤਾ ਬਾਅਦ ’ਚ ‘ਬਿੱਗ ਬੌਸ 15’ ’ਚ ਬਤੌਰ ਮੁਕਾਬਲੇਬਾਜ਼ ਨਜ਼ਰ ਆਈ। ਅਦਾਕਾਰਾ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਰਹਿੰਦੀ ਹੈ ਤੇ ਆਏ ਦਿਨ ਆਪਣੇ ਫਾਲੋਅਰਜ਼ ਨਾਲ ਤਸਵੀਰਾਂ ਤੇ ਵੀਡੀਓਜ਼ ਸਾਂਝੀਆਂ ਕਰਦੀ ਰਹਿੰਦੀ ਹੈ। ਹੁਣ ਉਸ ਦੀ ਇਕ ਵੀਡੀਓ ਲੋਕਾਂ ਨੂੰ ਲੋਟ-ਪੋਟ ਕਰ ਰਹੀ ਹੈ।

ਸ਼ਮਿਤਾ ਸ਼ੈੱਟੀ ਨੇ ਸ਼ਹਿਨਾਜ਼ ਗਿੱਲ ਦੀ ਮਸ਼ਹੂਰ ਰੀਲ ‘ਸੱਚ ਏ ਬੋਰਿੰਗ ਡੇਅ’ ’ਤੇ ਇਕ ਵੀਡੀਓ ਪੋਸਟ ਕੀਤੀ ਹੈ। ਸ਼ਹਿਨਾਜ਼ ਨੇ ‘ਬਿੱਗ ਬੌਸ’ ’ਚ ਬੋਲੇ ਗਏ ਇਸ ਡਾਇਲਾਗ ਨੂੰ ਮਿਊਜ਼ਿਕ ਕੰਪੋਜ਼ਰ ਯਸ਼ਰਾਜ ਮੁਖਾਤੇ ਨੇ ਇਕ ਗੀਤ ’ਚ ਬਦਲ ਦਿੱਤਾ, ਜੋ ਵਾਇਰਲ ਹੋ ਗਿਆ। ਇਸ ਗੀਤ ’ਤੇ ਸ਼ਮਿਤਾ ਦੇ ਐਕਸਪ੍ਰੈਸ਼ਨ ਦੇਖਣ ਵਾਲੇ ਹਨ।

ਇਸ ਵੀਡੀਓ ਦੀ ਗੱਲ ਕਰੀਏ ਤਾਂ ਇਸ ’ਚ ਸ਼ਮਿਤਾ ਸ਼ੈੱਟੀ ਆਪਣੇ ਚਾਰੇ ਪਾਸੇ ਕੱਪੜਿਆਂ ਦੇ ਢੇਰ ਨਾਲ ਬੈਠੀ ਹੈ। ਲੋਕ ਉਸ ਨੂੰ ਇਗਨੋਰ ਕਰ ਰਹੇ ਹਨ ਤੇ ਇਥੋਂ ਤਕ ਕਿ ਉਸ ਦੀ ਬਿੱਲੀ ਵੀ ਵੀਡੀਓ ’ਚ ਉਸ ਨੂੰ ਛੱਡ ਦਿੰਦੀ ਹੈ। ਇਹ ਵੀਡੀਓ ਦੇਖ ਕੇ ਲੋਕ ਆਪਣਾ ਹਾਸਾ ਨਹੀਂ ਰੋਕ ਪਾ ਰਹੇ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।