ਸੰਜੇ ਲੀਲਾ ਭੰਸਾਲੀ ਦਾ ਵੱਡਾ ਫੈਸਲਾ ; "ਲਵ ਐਂਡ ਵਾਰ" ਦੇ ਸੈੱਟ ''ਤੇ ਮੋਬਾਈਲ ਫੋਨ ਲਿਜਾਣ ''ਤੇ ਲਗਾਈ ਪਾਬੰਦੀ

ਮੁੰਬਈ (ਏਜੰਸੀ)- ਬਾਲੀਵੁੱਡ ਫਿਲਮ ਨਿਰਮਾਤਾ ਸੰਜੇ ਲੀਲਾ ਭੰਸਾਲੀ ਨੇ ਆਪਣੀ ਆਉਣ ਵਾਲੀ ਫਿਲਮ 'ਲਵ ਐਂਡ ਵਾਰ' ਦੇ ਸੈੱਟ 'ਤੇ ਮੋਬਾਈਲ ਫੋਨ ਲਿਜਾਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ, ਤਾਂ ਜੋ ਕੋਈ ਗੱਲ ਲੀਕ ਨਾ ਹੋ ਸਕੇ। ਸੰਜੇ ਲੀਲਾ ਭੰਸਾਲੀ ਦੀ 'ਲਵ ਐਂਡ ਵਾਰ' ਇਸ ਸਾਲ ਦੀਆਂ ਸਭ ਤੋਂ ਵੱਡੀਆਂ ਅਤੇ ਸਭ ਤੋਂ ਵੱਧ ਉਡੀਕੀਆਂ ਜਾਣ ਵਾਲੀਆਂ ਫਿਲਮਾਂ ਵਿਚੋਂ ਇਕ ਹੈ। ਬਾਲੀਵੁੱਡ ਦੇ 3 ਵੱਡੇ ਸੁਪਰਸਟਾਰ ਰਣਬੀਰ ਕਪੂਰ, ਵਿੱਕੀ ਕੌਸ਼ਲ ਅਤੇ ਆਲੀਆ ਭੱਟ ਨੂੰ ਪਹਿਲੀ ਵਾਰ ਇਕੱਠੇ ਪਰਦੇ 'ਤੇ ਲਿਆਉਣਾ, ਭੰਸਾਲੀ ਵੱਲੋਂ ਇਕ ਹੋਰ ਸ਼ਾਨਦਾਰ ਸਿਨੇਮੈਟਿਕ ਧਮਾਕਾ ਹੋਣ ਵਾਲਾ ਹੈ। ਫਿਲਮ ਦੀ ਇਕ ਝਲਕ ਪਾਉਣ ਲਈ ਵਧਦੀ ਉਤਸੁਕਤਾ ਦਰਮਿਆਨ ਮੇਕਰਸ ਇਸ ਗੱਲ ਦਾ ਪੂਰਾ ਖਿਆਲ ਰੱਖ ਰਹੇ ਹਨ ਕਿ ਸਭ ਕੁੱਝ ਸਖਤ ਨਿਗਰਾਨੀ ਵਿੱਚ ਰਹੇ, ਜਿਸ ਨਾਲ ਫਿਲਮ ਨਾਲ ਜੁੜੀ ਕੋਈ ਵੀ ਚੀਜ਼ ਲੀਕ ਨਾ ਹੋਵੇ। ਹੁਣ ਸੱਟ 'ਤੇ ਮੋਬਾਈਨ ਫੋਨ ਲਿਜਾਣ ਦੀ ਮਨਾਹੀ ਹੈ।

ਇੰਡਸਟਰੀ ਦੇ ਇਕ ਸੂਤਰ ਦਾ ਕਹਿਣਾ ਹੈ, 'ਸਿਰਫ ਨੋ ਡਿਸਕਲੋਜ਼ਰ ਸਮਝੌਤਾ ਹੀ ਨਹੀਂ, ਭੰਸਾਲੀ ਦੀ 'ਲਵ ਐਂਡ ਵਾਰ' ਦੀ ਟੀਮ ਲੀਕ ਨੂੰ ਰੋਕਣ ਲਈ ਵਾਧੂ ਕਦਮ ਚੁੱਕ ਰਹੀ ਹੈ। ਸੈੱਟ 'ਤੇ ਫੋਨ ਅਲਾਉਡ ਨਹੀਂ ਹੈ ਅਤੇ ਹਰ ਮੈਂਬਰ ਨੂੰ ਅੰਦਰ ਜਾਣ ਤੋਂ ਪਹਿਲਾਂ ਆਪਣਾ ਫੋਨ ਜਮ੍ਹਾ ਕਰਾਉਣਾ ਪੈਂਦਾ ਹੈ। ਇਸ ਨਾਲ ਸੈੱਟ ਨੂੰ ਦੇਖਣ ਦੀ ਉਤਸੁਕਤਾ ਹੋਰ ਵੀ ਜ਼ਿਆਦਾ ਵੱਧ ਗਈ ਹੈ।' ਸੰਜੇ ਲੀਲਾ ਭੰਸਾਲੀ ਵਰਗੇ ਡਾਇਰੈਕਟਰ ਜਦੋਂ ਕਮਾਨ ਸੰਭਾਲਦੇ ਹਨ, ਜੋ ਆਪਣੀ ਬਾਰੀਕ ਕਹਾਣੀ, ਸ਼ਾਨਦਾਰ ਫਰੇਮ ਅਤੇ ਇਮੋਸ਼ਨਜ਼ ਨਾਲ ਭਰੀਆਂ ਫਿਲਮਾਂ ਲਈ ਜਾਣੇ ਜਾਂਦੇ ਹਨ, ਤਾਂ ਉਮੀਦਾਂ ਆਪਣੇ ਆਪ ਹੀ ਆਸਮਾਨ ਛੂਹਣ ਲੱਗਦੀਆਂ ਹਨ। ਅਜਿਹੇ ਵਿਚ ਇੰਡਸਟਰੀ ਦੇ 3 ਸਭ ਤੋਂ ਭਰੋਸੇਮੰਦ ਅਤੇ ਪ੍ਰਤਿਭਾਸ਼ਾਲੀ ਕਲਾਕਾਰ ਜਦੋਂ ਭੰਸਾਲੀ ਦੇ ਸ਼ਾਨਦਾਰ ਡਾਇਰੈਕਸ਼ਨ ਨਾਲ ਮਿਲਦੇ ਹਨ ਤਾਂ ਫਿਲਮ ਦੇ ਸਕੇਲ ਅਤੇ ਇਸ ਦੀ ਕਹਾਣੀ ਨੂੰ ਲੈ ਚਰਚਾ ਹੋਰ ਵੀ ਜ਼ਿਆਦਾ ਵੱਧਣੀ ਲਾਜ਼ਮੀ ਹੈ।