ਮਨੋਰੰਜਨ ਜਗਤ ਤੋਂ ਆਈ ਦੁਖਦਾਈ ਖ਼ਬਰ, ਮਸ਼ਹੂਰ ਫਿਲਮ ਨਿਰਮਾਤਾ ਦਾ ਦਿਹਾਂਤ

ਐਂਟਰਟੇਂਮੈਂਟ ਡੈਸਕ: ਮਨੋਰੰਜਨ ਜਗਤ ਤੋਂ ਦੁਖਦਾਈ ਖ਼ਬਰ ਸਾਹਮਏ ਆਈ ਹੈ। ਦੱਸਿਆ ਗਿਆ ਹੈ ਕਿ ਬਾਲੀਵੁੱਡ ਦੇ ਦਿੱਗਜ ਫਿਲਮ ਨਿਰਮਾਤਾ ਪਾਰਥੋ ਘੋਸ਼ ਹੁਣ ਸਾਡੇ 'ਚ ਨਹੀਂ ਰਹੇ। ਦਿਲ ਦੇ ਦੌਰੇ ਨੇ ਮਸ਼ਹੂਰ ਨਿਰਦੇਸ਼ਕ ਅਤੇ ਫਿਲਮ ਨਿਰਮਾਤਾ ਪਾਰਥੋ ਘੋਸ਼ ਦੀ ਜਾਨ ਲੈ ਲਈ। ਪਾਰਥੋ ਘੋਸ਼ ਨੇ ਸੋਮਵਾਰ 9 ਜੂਨ ਨੂੰ ਸਵੇਰੇ ਆਖਰੀ ਸਾਹ ਲਿਆ। ਅਦਾਕਾਰਾ ਰਿਤੂਪਰਣਾ ਸੇਨਗੁਪਤਾ ਨੇ ਨਿਰਦੇਸ਼ਕ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਹੈ।
ਰਿਤੂਪਰਣਾ ਸੇਨਗੁਪਤਾ ਨੇ ਕਿਹਾ- 'ਸ਼ਬਦਾਂ ਤੋਂ ਪਰੇ ਦਿਲ ਟੁੱਟਿਆ, ਅਸੀਂ ਇੱਕ ਅਸਾਧਾਰਨ ਪ੍ਰਤਿਭਾ, ਇੱਕ ਦੂਰਦਰਸ਼ੀ ਨਿਰਦੇਸ਼ਕ ਅਤੇ ਇੱਕ ਦਿਆਲੂ ਆਤਮਾ ਨੂੰ ਗੁਆ ਦਿੱਤਾ ਹੈ। ਪਾਰਥੋ ਦਾ, ਤੁਹਾਨੂੰ ਹਮੇਸ਼ਾ ਪਰਦੇ 'ਤੇ ਤੁਹਾਡੇ ਦੁਆਰਾ ਫੈਲਾਏ ਗਏ ਜਾਦੂ ਲਈ ਯਾਦ ਕੀਤਾ ਜਾਵੇਗਾ।'
ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਨੇ ਫਿਲਮ ਇੰਡਸਟਰੀ ਵਿੱਚ ਸੋਗ ਦੀ ਲਹਿਰ ਛਾ ਗਈ ਹੈ। ਉਨ੍ਹਾਂ ਦੇ ਪਿੱਛੇ ਉਨ੍ਹਾਂ ਦੀ ਪਤਨੀ ਹੈ, ਜਿਸਦੇ ਨਾਲ ਉਹ ਮੁੰਬਈ ਦੇ ਮਡ ਆਈਲੈਂਡ ਖੇਤਰ ਵਿੱਚ ਰਹਿ ਰਹੇ ਸਨ।
ਫਿਲਮ ਨਿਰਮਾਤਾ ਅਤੇ ਨਿਰਦੇਸ਼ਕ ਪਾਰਥੋ ਘੋਸ਼ ਨੇ ਨਾਨਾ ਪਾਟੇਕਰ ਨਾਲ ਜੈਕੀ ਸ਼ਰਾਫ ਅਤੇ ਮਾਧੁਰੀ ਦੀਕਸ਼ਿਤ-ਸਟਾਰਰ '100 ਡੇਜ਼' ਅਤੇ 'ਅਗਨੀ ਸਾਕਸ਼ੀ' ਵਰਗੀਆਂ ਫਿਲਮਾਂ ਬਣਾਈਆਂ ਹਨ। ਸਾਲ 2018 ਵਿੱਚ, ਪਾਰਥੋ ਨੇ ਆਪਣੀ ਆਖਰੀ ਫਿਲਮ 'ਮੌਸਮ ਇਕਰਾਰ ਕੇ ਦੋ ਪਲ ਪਿਆਰ ਕੇ' ਬਣਾਈ ਅਤੇ ਇਸ ਰੋਮਾਂਟਿਕ ਡਰਾਮੇ ਵਿੱਚ ਮਿਥੁਨ ਦੀ ਨੂੰਹ ਮਦਾਲਸਾ ਸ਼ਰਮਾ, ਅਵਿਨਾਸ਼ ਵਧਾਵਨ ਅਤੇ ਮੁਕੇਸ਼ ਜੇ ਭਾਰਤੀ ਵਰਗੇ ਸਿਤਾਰੇ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8