‘ਚਕਾ-ਚਕ’ ਗੀਤ ’ਤੇ ਰੁਪਾਲੀ ਗਾਂਗੂਲੀ ਦਾ ਧਮਾਕੇਦਾਰ ਡਾਂਸ, ਪਿੰਕ ਲਹਿੰਗੇ ’ਚ ਵੀਡੀਓ ਵਾਇਰਲ
12/06/2021 4:16:32 PM
ਮੁੰਬਈ (ਬਿਊਰੋ)– ਸਟਾਰ ਪਲੱਸ ਦਾ ਸ਼ੋਅ ‘ਅਨੁਪਮਾ’ ਅੱਜਕਲ ਕਾਫੀ ਮਸ਼ਹੂਰ ਹੋ ਰਿਹਾ ਹੈ ਤੇ ਉਨੀ ਹੀ ਮਸ਼ਹੂਰ ਹੈ ਸ਼ੋਅ ’ਚ ਅਨੁਪਮਾ ਦਾ ਕਿਰਦਾਰ ਨਿਭਾਅ ਰਹੀ ਰੁਪਾਲੀ ਗਾਂਗੂਲੀ। ਰੁਪਾਲੀ ਨੇ ਆਪਣੀ ਦਮਦਾਰ ਅਦਾਕਾਰੀ ਨਾਲ ਲੱਖਾਂ ਲੋਕਾਂ ਨੂੰ ਆਪਣਾ ਦੀਵਾਨਾ ਬਣਾਇਆ ਹੈ। ਰੁਪਾਲੀ ਸੋਸ਼ਲ ਮੀਡੀਆ ’ਤੇ ਕਾਫੀ ਸਰਗਰਮ ਹੈ ਤੇ ਉਨ੍ਹਾਂ ਦੀ ਫੈਨ ਫਾਲੋਇੰਗ ਵੀ ਜ਼ਬਰਦਸਤ ਹੈ। ਅਦਾਕਾਰਾ ਅਕਸਰ ਆਪਣੀਆਂ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕਰਦੀ ਰਹਿੰਦੀ ਹੈ। ਹਾਲ ਹੀ ’ਚ ਉਨ੍ਹਾਂ ਦੀ ਇਕ ਡਾਂਸ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਕਿਸਾਨ ਬੀਬੀਆਂ ਦਾ ਵੱਡਾ ਐਲਾਨ, ‘ਕੰਗਨਾ ਦੀ ਪੰਜਾਬ ’ਚ ਹੋਵੇਗੀ ਐਂਟਰੀ ਬੈਨ, ਨਾਲ ਲਵਾਂਗੇ ਲਿਖਤੀ ਮੁਆਫ਼ੀਨਾਮਾ’
ਇਸ ਵੀਡੀਓ ਨਾਲ ਰੁਪਾਲੀ ਗਾਂਗੂਲੀ ਨੇ ਕੈਪਸ਼ਨ ’ਚ ਲਿਖਿਆ, ‘ਮੇਰੇ ਭਰਾ ਦਾ ਗੀਤ ਹੈ, ਡਾਂਸ ਤਾਂ ਬਣਦਾ ਹੈ।’ ਰੁਪਾਲੀ ਨੇ ਗੀਤ ’ਚ ਸਾਰਾ ਅਲੀ ਖ਼ਾਨ ਤੇ ਆਨੰਦ ਐੱਲ. ਰਾਏ ਨੂੰ ਵੀ ਟੈਗ ਕੀਤਾ ਹੈ।
ਅਨੁਪਮਾ ਫੇਮ ਰੁਪਾਲੀ ਗਾਂਗੂਲੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਇਕ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ’ਚ ਉਹ ਸਾਰਾ ਅਲੀ ਖ਼ਾਨ ਦੀ ਆਉਣ ਵਾਲੀ ਫ਼ਿਲਮ ‘ਅਤਰੰਗੀ ਰੇ’ ਦੇ ਗੀਤ ‘ਚਕਾ-ਚਕ’ ’ਤੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਪ੍ਰਸ਼ੰਸਕ ਦੀਵਾਨੇ ਹੋ ਰਹੇ ਹਨ।
ਅਦਾਕਾਰੀ ’ਚ ਮੁਹਾਰਤ ਰੱਖਣ ਵਾਲੀ ਰੁਪਾਲੀ ਨੂੰ ਆਪਣੀ ਅਦਾਕਾਰੀ ’ਤੇ ਕਾਫੀ ਪ੍ਰਤੀਕਿਰਿਆਵਾਂ ਮਿਲ ਰਹੀਆਂ ਹਨ। ਇਸ ਵੀਡੀਓ ’ਚ ਰੁਪਾਲੀ ਦਾ ਲੁੱਕ ਵੀ ਕਾਫੀ ਆਕਰਸ਼ਕ ਹੈ। ਅਦਾਕਾਰਾ ਨੇ ਗੁਲਾਬੀ ਰੰਗ ਦਾ ਲਹਿੰਗਾ-ਚੁੰਨੀ ਕੈਰੀ ਕੀਤਾ ਹੈ। ‘ਅਨੁਪਮਾ’ ਦੇ ਪ੍ਰਸ਼ੰਸਕ ਜਾਣਦੇ ਹਨ ਕਿ ਰੁਪਾਲੀ ਸ਼ੋਅ ’ਚ ਵੀ ਵਧੀਆ ਡਾਂਸਰ ਹੈ ਤੇ ਉਸ ਨੂੰ ਅਸਲ ਜ਼ਿੰਦਗੀ ’ਚ ਵੀ ਡਾਂਸ ਕਰਨਾ ਪਸੰਦ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।