''ਸਾਥ ਨਿਭਾਨਾ ਸਾਥੀਆ'' ਦੀ ‘ਰਾਸ਼ੀ’ ਦੂਜੀ ਵਾਰ ਮਾਂ ਬਣੀ, ਤਸਵੀਰ ਸਾਂਝੀ ਕਰਕੇ ਪੁੱਤਰ ਦੀ ਦਿਖਾਈ ਝਲਕ

ਬਾਲੀਵੁੱਡ ਡੈਸਕ- ਬੀ-ਟਾਊਨ ਇੰਡਸਟਰੀ ਤੋਂ ਇਕ ਤੋਂ ਬਾਅਦ ਇਕ ਚੰਗੀਆਂ ਖ਼ਬਰਾਂ ਆ ਰਹੀਆਂ ਹਨ। ਜਿੱਥੇ 6 ਨਵੰਬਰ ਨੂੰ ਆਲੀਆ ਭੱਟ ਨੇ ਇਕ ਪਿਆਰੀ ਬੇਟੀ ਨੂੰ ਜਨਮ ਦਿੱਤਾ ਹੈ। ਇਸ ਦੇ ਨਾਲ ਹੀ ਇਕ ਹੋਰ ਟੀ.ਵੀ ਅਦਾਕਾਰਾ ਦੇ ਘਰ ਵੀ ਖੁਸ਼ੀ ਨੇ ਦਸਤਕ ਦਿੱਤੀ। ਇਹ ਅਦਾਕਾਰਾ ਕੋਈ ਹੋਰ ਨਹੀਂ ਸਗੋਂ ‘ਸਾਥ ਨਿਭਾਨਾ ਸਾਥੀਆ’ ਦੀ ‘ਰਾਸ਼ੀ’ ਯਾਨੀ ਰੁਚਾ ਹਸਬਨੀਸ ਹੈ।

ਇਹ ਵੀ ਪੜ੍ਹੋ-  ਕਾਮੇਡੀਅਨ ਵੀਰ ਦਾਸ ’ਤੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦਾ ਦੋਸ਼, ਸ਼ੋਅ ਨੂੰ ਰੱਦ ਕਰਨ ਦੀ ਉਠੀ ਮੰਗ

ਦੱਸ ਦੇਈਏ ਰੁਚਾ ਹਸਬਨੀਸ ਦੂਜੀ ਵਾਰ ਮਾਂ ਬਣੀ ਹੈ। ਅਦਾਕਾਰਾ ਨੇ 6 ਨਵੰਬਰ ਨੂੰ ਇਕ ਪਿਆਰੇ ਪੁੱਤਰ ਨੂੰ ਜਨਮ ਦਿੱਤਾ। ਇਸ ਬਾਰੇ ਜਾਣਕਾਰੀ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ  ਪੋਸਟ ਸਾਂਝੀ ਕਰਦੇ ਹੋਏ ਦਿੱਤੀ ਹੈ। ਸਾਂਝੀ ਕੀਤੀ ਤਸਵੀਰ ’ਚ ਰੁਚਾ ਨੇ ਆਪਣੇ ਪੁੱਤਰ ਦੇ ਪੈਰ ਦਿਖਾਏ ਹਨ।

ਇਸ ਦੇ ਨਾਲ ਹੀ ਅਦਾਕਾਰਾ ਪਤੀ ਨਾਲ ਇਕ ਕਲਿੱਪ ਬੋਰਡ ਥਮੇਂ ਨਜ਼ਰ ਆ ਰਹੇ ਹਨ। ਇਸ ’ਤੇ ਲਿਖਿਆ ਹੈ ਕਿ ‘ਤੁਸੀਂ ਜਾਦੂ ਹੋ।’ ਰੁਚਾ ਨੇ ਇਸ ਤਸਵੀਰ ਦੇ ਨਾਲ ਕੈਪਸ਼ਨ ’ਚ ਲਿਖਿਆ ਕਿ ‘ਇਹ ਬੇਬੇ ਬੁਆਏ ਯਾਨੀ ਬੇਟਾ ਹੈ।’

ਇਹ ਵੀ ਪੜ੍ਹੋ- ਲਖਨਊ ’ਚ ਪ੍ਰਿਅੰਕਾ ਚੋਪੜਾ ਦਾ ਵਿਰੋਧ, ਪੋਸਟਰਾਂ ’ਤੇ ਲਿਖਿਆ- 'ਨਵਾਬਾਂ ਦੇ ਸ਼ਹਿਰ 'ਚ ਤੁਹਾਡਾ ਸੁਆਗਤ ਨਹੀਂ'

ਅਦਾਕਾਰਾ ਦੀ ਇਸ ਖੁਸ਼ਖਬਰੀ ਨੂੰ ਸੁਣਕੇ ਸੋਸ਼ਲ ਮੀਡੀਆ ’ਤੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਵਧਾਈ ਦੇ ਰਹੇ ਹਨ। ਹਰ ਕੋਈ ਅਦਾਕਾਰਾ ਦੀ ਇਸ ਪੋਸਟ ਨੂੰ ਪਿਆਰ ਦੇ ਰਿਹਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਰੁਚਾ ਨੇ ਸਾਲ 2015 ’ਚ ਬੁਆਏਫ੍ਰੈਂਡ ਰਾਹੁਲ ਜਗਦਾਲੇ ਨਾਲ ਵਿਆਹ ਕੀਤਾ ਸੀ। ਇਸ ਜੋੜੇ ਨੇ ਮਹਾਰਾਸ਼ਟਰੀ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾਇਆ ਸੀ। 2019 ’ਚ ਰੁਚਾ ਰੂਹੀ ਨੇ ਨਾਮ ਦੀ ਇਕ ਪਿਆਰੀ ਧੀ ਨੂੰ ਜਨਮ ਦਿੱਤਾ ਸੀ।