ਪੌਪ ਸਟਾਰ ਰਿਹਾਨਾ 'ਤੇ ਟੁੱਟਿਆ ਦੁੱਖਾਂ ਦਾ ਪਹਾੜ, ਸਿਰ ਤੋਂ ਉੱਠਿਆ ਪਿਤਾ ਦਾ ਹੱਥ

ਲਾਸ ਏਂਜਲਸ (ਏਜੰਸੀ)- ਪੌਪ ਸਟਾਰ ਰਿਹਾਨਾ ਦੇ ਪਿਤਾ ਰੋਨਾਲਡ ਫੈਂਟੀ ਦਾ 70 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਪਰਿਵਾਰਕ ਸੂਤਰਾਂ ਮੁਤਾਬਕ ਉਨ੍ਹਾਂ ਦਾ ਦੇਹਾਂਤ ਸ਼ਨੀਵਾਰ ਨੂੰ ਲਾਸ ਏਂਜਲਸ ਵਿੱਚ ਹੋਇਆ। ਹਾਲਾਂਕਿ ਦੇਹਾਂਤ ਦੇ ਅਸਲ ਕਾਰਨ ਦੀ ਪੁਸ਼ਟੀ ਅਜੇ ਨਹੀਂ ਹੋਈ ਹੈ ਪਰ ਦੱਸਿਆ ਜਾ ਰਿਹਾ ਹੈ ਕਿ ਉਹ ਕੁੱਝ ਸਮੇਂ ਤੋਂ ਬੀਮਾਰ ਸਨ। ਪਰਿਵਾਰਕ ਸੂਤਰਾਂ ਮੁਤਾਬਕ, ਰੋਨਾਲਡ ਫੈਂਟੀ ਦੇ ਆਖਰੀ ਸਮੇਂ ਵਿੱਚ ਪਰਿਵਾਰਕ ਮੈਂਬਰ ਉਨ੍ਹਾਂ ਦੇ ਨਾਲ ਸਨ। ਰਿਹਾਨਾ, ਜੋ ਕਿ ਇਸ ਸਮੇਂ ਆਪਣੇ ਤੀਜੇ ਬੱਚੇ ਦੀ ਉਮੀਦ ਕਰ ਰਹੀ ਹੈ, ਨੇ ਅਜੇ ਤੱਕ ਆਪਣੇ ਪਿਤਾ ਦੇ ਦੇਹਾਂਤ 'ਤੇ ਕੋਈ ਅਧਿਕਾਰਤ ਟਿੱਪਣੀ ਨਹੀਂ ਕੀਤੀ ਹੈ।

ਇਹ ਵੀ ਪੜ੍ਹੋ: ਇਕ ਵਾਰ ਫ਼ਿਰ ਪਈ ਮਹਿੰਗਾਈ ਦੀ ਮਾਰ ! ਸਰਕਾਰ ਨੇ ਵਧਾਈਆਂ ਪੈਟਰੋਲ ਦੀਆਂ ਕੀਮਤਾਂ

ਰਿਹਾਨਾ ਦੇ ਪਿਤਾ ਰੋਨਾਲਡ ਅਤੇ ਮਾਂ ਮੋਨਿਕਾ ਦਾ 2002 ਵਿੱਚ ਤਲਾਕ ਹੋ ਗਿਆ ਸੀ। ਰਿਹਾਨਾ ਅਤੇ ਉਨ੍ਹਾਂ ਦੇ ਪਿਤਾ ਦੇ ਰਿਸ਼ਤੇ ਵਿਚ ਕਾਫੀ ਉਤਾਰ-ਚੜਾਅ ਰਹੇ। 2009 ਵਿੱਚ ਰਿਹਾਨਾ 'ਤੇ ਹੋਏ ਹਮਲੇ ਮਗਰੋਂ ਰੋਨਾਲਡ ਨੇ ਪੱਤਰਕਾਰਾਂ ਨਾਲ ਉਸ ਦੇ ਬਿਨਾਂ ਇਜਾਜ਼ਤ ਗੱਲਾਂ ਕੀਤੀਆਂ, ਜਿਸ ਕਾਰਨ ਦੋਵਾਂ ਵਿਚਕਾਰ ਦੂਰੀ ਆ ਗਈ। 2012 ਵਿੱਚ ਰਿਹਾਨਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਪਿਤਾ ਨਾਲ ਰਿਸ਼ਤਾ "ਸੁਧਾਰ" ਲਿਆ ਹੈ, ਪਰ ਫਿਰ ਵੀ ਕੁਝ ਮਾਮਲਿਆਂ 'ਚ ਤਣਾਅ ਬਣਿਆ ਰਿਹਾ। 2019 ਵਿੱਚ, ਰਿਹਾਨਾ ਨੇ ਆਪਣੇ ਪਿਤਾ ਉੱਤੇ ਉਸ ਦੇ ਨਾਮ ਦੀ ਵਪਾਰਕ ਤੌਰ 'ਤੇ ਗਲਤ ਵਰਤੋਂ ਕਰਨ ਦਾ ਦੋਸ਼ ਲਗਾਉਂਦਿਆਂ ਮਾਮਲਾ ਦਰਜ ਕਰਵਾਇਆ ਸੀ।

ਇਹ ਵੀ ਪੜ੍ਹੋ: LPG ਗੈਸ ਸਿਲੰਡਰ ਹੋਇਆ ਸਸਤਾ, ਨਵੇਂ ਰੇਟ ਜਾਰੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8