ਕੋਰੋਨਾ ਵਾਇਰਸ ਨੇ ਰੋਕੀ ਜ਼ਿੰਦਗੀ ਦੀ ਰਫ਼ਤਾਰ, ਇਸ ਅਦਾਕਾਰਾ ਦਾ ਵਿਆਹ ਹੋਇਆ ਮੁਲਤਵੀ
06/24/2020 11:30:27 AM
ਜਲੰਧਰ (ਬਿਊਰੋ) — ਕੋਰੋਨਾ ਵਾਇਰਸ ਕਾਰਨ ਜ਼ਿੰਦਗੀ ਦੀ ਰਫ਼ਤਾਰ ਰੁਕ ਜਿਹੀ ਗਈ ਹੈ। ਤਾਲਾਬੰਦੀ ਕਰਕੇ ਪੂਰਾ ਦੇਸ਼ ਘਰਾਂ 'ਚ ਬੰਦ ਹੋ ਕੇ ਰਹਿ ਗਿਆ ਹੈ, ਜਿਸ ਦਾ ਅਸਰ ਜਿੱਥੇ ਵਪਾਰਕ ਅਦਾਰਿਆਂ 'ਤੇ ਪਿਆ ਹੈ। ਉੱਥੇ ਹੀ ਮਨੋਰੰਜਨ ਉਦਯੋਗ ਵੀ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ। ਕਈਆਂ ਸਿਤਾਰਿਆਂ ਦੇ ਤਾਂ ਵਿਆਹ ਵੀ ਇਸ ਚੱਕਰ 'ਚ ਮੁਲਤਵੀ ਹੋ ਚੁੱਕੇ ਹਨ। ਉਨ੍ਹਾਂ ਕਲਾਕਾਰਾਂ 'ਚੋਂ ਹੀ ਇੱਕ ਹੈ ਅਲੀ ਫ਼ਜ਼ਲ ਅਤੇ ਰਿਚਾ ਚੱਡਾ, ਜਿਨ੍ਹਾਂ ਦਾ ਵਿਆਹ ਇਸੇ ਮਹੀਨੇ ਤੈਅ ਹੋਇਆ ਸੀ ਪਰ ਕੋਰੋਨਾ ਵਾਇਰਸ ਕਰਕੇ ਇਹ ਵਿਆਹ ਟਾਲ ਦਿੱਤਾ ਗਿਆ ਹੈ।
ਬੀਤੇ ਦਿਨੀਂ ਵੀ ਅਦਾਕਾਰਾ ਨੇ ਕਿਹਾ ਸੀ ਕਿ ਜਦੋਂ ਸਭ ਕੁਝ ਠੀਕ ਹੋ ਜਾਵੇਗਾ ਤਾਂ ਉਹ ਵਿਆਹ ਦੇ ਬੰਧਨ 'ਚ ਬੱਝ ਜਾਣਗੇ ਪਰ ਹਾਲੇ ਤੱਕ ਕੋਰੋਨਾ ਦੇ ਕੇਸਾਂ ਨੂੰ ਠੱਲ ਨਹੀਂ ਪਈ ਹੈ, ਜਿਸ ਕਾਰਨ ਇਹ ਜੋੜੀ ਵਿਆਹ ਨਹੀਂ ਕਰਵਾ ਪਾ ਰਹੀ, ਜਿਸ ਤੋਂ ਬਾਅਦ ਅਦਾਕਾਰਾ ਨੇ ਇੱਕ ਵੀਡੀਓ ਸਾਂਝਾ ਕਰਦੇ ਹੋਏ ਲਿਖਿਆ ਕਿ ਇਹ ਸਾਲ ਹੀ ਮਨਹੂਸ ਹੈ।
ਦੱਸ ਦਈਏ ਕਿ ਅਦਾਕਾਰਾ ਦੀ ਹੋਣ ਵਾਲੀ ਸੱਸ ਦਾ ਵੀ ਬੀਤੇ ਦਿਨੀਂ ਦਿਹਾਂਤ ਹੋ ਗਿਆ ਹੈ, ਜਿਸ ਕਾਰਨ ਅਦਾਕਾਰਾ ਨੇ ਇਸ ਸਾਲ ਨੂੰ ਮਨਹੂਸ ਕਰਾਰ ਦਿੰਦੇ ਹੋਏ ਇਹ ਵੀਡੀਓ ਸਾਂਝਾ ਕੀਤਾ ਹੈ।