ਰਾਖੀ ਸਾਵੰਤ ਨੇ ਬਾਬਾ ਰਾਮਦੇਵ ਨਾਲ ਕੀਤੀ ਕੋਰੋਨਾ ਵਾਇਰਸ ਦੀ ਤੁਲਨਾ, ਕਿਹਾ- ‘ਕਦੇ ਆਉਂਦਾ ਹੈ ਕੇ ਕਦੇ...’
06/09/2021 5:58:55 PM
ਮੁੰਬਈ (ਬਿਊਰੋ)– ਇਹ ਕਹਿਣਾ ਬਿਲਕੁਲ ਵੀ ਗਲਤ ਨਹੀਂ ਹੈ ਕਿ ਰਾਖੀ ਸਾਵੰਤ ਨੂੰ ਸੋਸ਼ਲ ਮੀਡੀਆ ਦੀ ਰਾਣੀ ਕਿਹਾ ਜਾਂਦਾ ਹੈ। ਰਾਖੀ ਦੀਆਂ ਵੀਡਿਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ’ਤੇ ਬਹੁਤ ਵਾਇਰਲ ਹੋ ਰਹੀਆਂ ਹਨ। ਖ਼ਾਸਕਰ ਉਹ ਹਰ ਜਗ੍ਹਾ ਕੋਰੋਨਾ ਬਾਰੇ ਬਹੁਤ ਸਾਰਾ ਗਿਆਨ ਸਾਂਝਾ ਕਰਦੀ ਦਿਖਾਈ ਦਿੰਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਪੰਜਾਬੀ ਗਾਇਕ ਸ਼ਿਵਜੋਤ ਨੇ ਵੀ ਕੀਤੀ ਕੋਰੋਨਾ ਨਿਯਮਾਂ ਦੀ ਉਲੰਘਣਾ, ਗ੍ਰਿਫ਼ਤਾਰੀ ਤੋਂ ਬਾਅਦ ਮਿਲੀ ਜ਼ਮਾਨਤ
ਹੁਣ ਰਾਖੀ ਸਾਵੰਤ ਦੀ ਇਕ ਹੋਰ ਵੀਡੀਓ ਸਾਹਮਣੇ ਆਈ ਹੈ, ਜਿਸ ’ਚ ਉਹ ਕੋਰੋਨਾ ਦੀ ਤੁਲਨਾ ਬਾਬਾ ਰਾਮਦੇਵ ਨਾਲ ਕਰ ਰਹੀ ਹੈ। ਹਰ ਵਾਰ ਦੀ ਤਰ੍ਹਾਂ ਰਾਖੀ ਦੀ ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ ਤੇ ਲੋਕ ਇਸ ਨੂੰ ਵੇਖ ਕੇ ਆਪਣਾ ਹਾਸਾ ਨਹੀਂ ਰੋਕ ਪਾ ਰਹੇ।
ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਵੀਡੀਓ ’ਚ ਰਾਖੀ ਕਿਤੇ ਜਾ ਰਹੀ ਹੈ। ਉਹ ਆਪਣੀ ਕਾਰ ਦੇ ਬਾਹਰ ਖੜ੍ਹੀ ਹੈ ਤੇ ਫੋਟੋਗ੍ਰਾਫ਼ਰਾਂ ਨਾਲ ਗੱਲਬਾਤ ਕਰ ਰਹੀ ਹੈ। ਉਸ ਨੂੰ ਇਹ ਕਹਿੰਦੇ ਸੁਣਿਆ ਜਾ ਸਕਦਾ ਹੈ, ‘ਮੇਰੇ ਰੱਬ, ਇਹ ਕੋਰੋਨਾ ਹੈ, ਹੈ ਨਾ… ਕੋਰੋਨਾ ਦਾ ਅਰਥ ਬਿਲਕੁਲ ਬਾਬਾ ਰਾਮਦੇਵ ਵਰਗਾ ਹੈ। ਕਈ ਵਾਰ ਇਹ ਆ ਜਾਂਦਾ ਹੈ… ਕਈ ਵਾਰ ਇਹ ਓਹਲੇ ਹੋ ਜਾਂਦਾ ਹੈ… ਕਈ ਵਾਰ ਇਹ ਬਾਹਰ ਜਾਂਦਾ ਹੈ।’
ਰਾਖੀ ਦੀ ਇਸ ਵੀਡੀਓ ਨੂੰ ਵਿਰਲ ਭਿਆਨੀ ਨੇ ਆਪਣੇ ਅਧਿਕਾਰਕ ਇੰਸਟਾਗ੍ਰਾਮ ਪੇਜ ’ਤੇ ਸ਼ੇਅਰ ਕੀਤਾ ਹੈ। ਰਾਖੀ ਦੇ ਇਸ ਵੀਡੀਓ ’ਤੇ ਪ੍ਰਸ਼ੰਸਕਾਂ ਦੇ ਮਜ਼ਾਕੀਆ ਕੁਮੈਂਟਸ ਦੇਖਣ ਨੂੰ ਮਿਲ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ‘ਇਸ ਦੇ ਸ਼ਬਦ ਬਹੁਤ ਮਿੱਠੇ ਹਨ, ਜੋ ਤੁਸੀਂ ਕਹਿੰਦੇ ਹੋ।’ ਉਸੇ ਸਮੇਂ ਇਕ ਹੋਰ ਨੇ ਕਿਹਾ, ‘ਉਸ ਨੇ ਪਹਿਲੀ ਵਾਰ ਕੁਝ ਸਹੀ ਕਿਹਾ।’
ਰਾਖੀ ਦੀ ਇਸ ਵੀਡੀਓ ਨੂੰ ਹੁਣ ਤੱਕ 4 ਲੱਖ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਇਸ ’ਚ ਕੋਈ ਸ਼ੱਕ ਨਹੀਂ ਹੈ ਕਿ ਇਨ੍ਹੀਂ ਦਿਨੀਂ ਰਾਖੀ ਦੀ ਵੀਡੀਓ ਨੇ ਹਰ ਪਾਸੇ ਧੂਮ ਮਚਾ ਦਿੱਤੀ ਹੈ। ਆਉਣ ਵਾਲੇ ਦਿਨਾਂ ’ਚ ਰਾਖੀ ਸਾਵੰਤ ‘ਇੰਡੀਅਨ ਆਈਡਲ 12’ ’ਚ ਆਪਣੀ ਪੇਸ਼ਕਾਰੀ ਦਿੰਦੀ ਨਜ਼ਰ ਆਵੇਗੀ। ਹਾਲ ਹੀ ’ਚ ਸ਼ੋਅ ਦੇ ਸੈੱਟ ਤੋਂ ਮਰਾਠੀ ਲੁੱਕ ’ਚ ਉਸ ਦੀਆਂ ਕੁਝ ਤਸਵੀਰਾਂ ਵੀ ਵਾਇਰਲ ਹੋਈਆਂ ਸਨ।
ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਰਾਏ ਹੈ? ਕੁਮੈਂਟ ਕਰਕੇ ਦੱਸੋ।
