ਪੁਲਕਿਤ-ਕ੍ਰਿਤੀ ਦੇ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ, ਮਾਨੇਸਰ ਦੇ ਇਸ ਆਲੀਸ਼ਾਨ ਹੋਟਲ ''ਚ ਲੈਣਗੇ 7 ਫੇਰੇ
03/12/2024 5:31:53 PM
ਮੁੰਬਈ (ਬਿਊਰੋ)- ਬਾਲੀਵੁੱਡ ਅਦਾਕਾਰ ਪੁਲਕਿਤ ਸਮਰਾਟ ਅਤੇ ਕ੍ਰਿਤੀ ਖਰਬੰਦਾ ਜਲਦ ਹੀ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੇ ਹਨ। ਖਬਰਾਂ ਦੀ ਮੰਨੀਏ ਤਾਂ ਜੋੜੇ ਦਾ ਪ੍ਰੀ-ਵੈਡਿੰਗ ਫੰਕਸ਼ਨ 13 ਮਾਰਚ ਤੋਂ ਸ਼ੁਰੂ ਹੋਵੇਗਾ ਅਤੇ 15 ਮਾਰਚ ਨੂੰ ਸੱਤ ਫੇਰੇ ਲੈ ਕੇ ਪਤੀ-ਪਤਨੀ ਬਣ ਜਾਣਗੇ।
ਉਨ੍ਹਾਂ ਦੇ ਪਰਿਵਾਰ ਤਿਆਰੀਆਂ 'ਚ ਰੁੱਝੇ ਹੋਏ ਹਨ। ਲਾੜਾ-ਲਾੜੀ ਦਿੱਲੀ ਲਈ ਰਵਾਨਾ ਹੋ ਗਏ ਹਨ। ਇਸ ਦੌਰਾਨ ਜੋੜੇ ਦੇ ਵਿਆਹ ਸਥਾਨ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ ਪੁਲਕਿਤ ਸਮਰਾਟ ਅਤੇ ਕ੍ਰਿਤੀ ਖਰਬੰਦਾ ਮਾਨੇਸਰ ਦੇ ਸ਼ਾਨਦਾਰ ਆਈ. ਟੀ. ਸੀ. ਗ੍ਰੈਂਡ ਭਾਰਤ 'ਚ ਵਿਆਹ ਦੇ ਬੰਧਨ 'ਚ ਬੱਝਣ ਲਈ ਤਿਆਰ ਹਨ।
ਇਸ ਸ਼ਾਨਦਾਰ ਸਥਾਨ ਦੀ ਚੋਣ ਵਿਸ਼ੇਸ਼ ਮਹੱਤਵ ਰੱਖਦੀ ਹੈ ਕਿਉਂਕਿ ਪੁਲਕਿਤ ਅਤੇ ਕ੍ਰਿਤੀ ਦੋਵਾਂ ਦੀਆਂ ਜੜ੍ਹਾਂ ਦਿੱਲੀ 'ਚ ਹਨ।
ਉਨ੍ਹਾਂ ਦੇ ਪਰਿਵਾਰ ਰਾਸ਼ਟਰੀ ਰਾਜਧਾਨੀ 'ਚ ਰਹਿੰਦੇ ਹਨ, ਲੱਗਦਾ ਹੈ ਕਿ ਇਸ ਜੋੜੇ ਨੇ ਇਸ ਸਭ ਨੂੰ ਧਿਆਨ 'ਚ ਰੱਖ ਕੇ ਇਹ ਸਥਾਨ ਚੁਣਿਆ ਹੈ।
ਅਜਿਹੇ 'ਚ ਅਸੀਂ ਤੁਹਾਨੂੰ ਉਹ ਹੋਟਲ ਦਿਖਾਉਣ ਜਾ ਰਹੇ ਹਾਂ, ਜਿੱਥੇ ਇਹ ਜੋੜਾ ਵਿਆਹ ਕਰਨ ਵਾਲਾ ਹੈ।
300 ਏਕੜ 'ਚ ਫੈਲੇ ਇਸ ਲਗਜ਼ਰੀ ਹੋਟਲ 'ਚ ਪ੍ਰਾਈਵੇਟ ਪੂਲ ਅਤੇ 100 ਡੀਲਕਸ ਸੂਟ ਨਾਲ 4 ਰਾਸ਼ਟਰਪਤੀ ਵਿਲਾ ਹਨ। ਇਸ ਹੋਟਲ 'ਚ ਗੋਲਫ ਕੋਰਸ, ਪਾਰਕ ਅਤੇ ਸਪਾ ਵਰਗੀਆਂ ਸੁਵਿਧਾਵਾਂ ਵੀ ਉਪਲਬਧ ਹਨ।
ਇਸ 'ਚ ਇੱਕ ਪੂਲ ਅਤੇ ਇੱਕ ਜੈਕੂਜ਼ੀ ਹੈ ਅਤੇ ਸਜਾਵਟ ਮੌਰੀਆ, ਚੋਲ, ਮੁਗਲ ਅਤੇ ਮਰਾਠਾ ਰਾਜਵੰਸ਼ਾਂ ਤੋਂ ਪ੍ਰੇਰਿਤ ਜਾਪਦੀ ਹੈ।
ਹਰੇ-ਭਰੇ ਹਰਿਆਲੀ ਨਾਲ ਘਿਰੀ ਸੰਪਤੀ 'ਚ ਜਸ਼ਨ-ਪਾਰਟੀਆਂ ਲਈ ਬਹੁਤ ਸਾਰੇ ਸ਼ਾਨਦਾਰ ਰੈਸਟੋਰੈਂਟ ਅਤੇ ਆਲੀਸ਼ਾਨ ਅੰਦਰੂਨੀ ਅਤੇ ਬਾਹਰੀ ਥਾਂਵਾਂ ਹਨ।
ਦੱਸ ਦੇਈਏ ਕਿ ਕ੍ਰਿਤੀ ਅਤੇ ਪੁਲਕਿਤ ਕਈ ਸਾਲਾਂ ਤੋਂ ਇੱਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਦੋਵਾਂ ਨੇ 'ਵੀਰੇ ਕੀ ਵੈਡਿੰਗ', 'ਤੈਸ਼' ਅਤੇ 'ਪਾਗਲਪੰਤੀ' ਵਰਗੀਆਂ ਕਈ ਫ਼ਿਲਮਾਂ 'ਚ ਇਕੱਠੇ ਕੰਮ ਕੀਤਾ ਹੈ।
