10 ਸਾਲ ਛੋਟੇ ਬੁਆਏਫ੍ਰੈਂਡ ਨਾਲ US ''ਚ ਵਿਆਹ ਕਰਵਾਏਗੀ ਡਿੰਪਲ ਗਰਲ ਪ੍ਰਿਟੀ ਜ਼ਿੰਟਾ

ਮੁੰਬਈ : ਖ਼ਬਰ ਹੈ ਕਿ ਬਾਲੀਵੁੱਡ ਅਦਾਕਾਰਾ ਪ੍ਰਿਟੀ ਜ਼ਿੰਟਾ ਆਪਣੇ ਤੋਂ 10 ਸਾਲ ਛੋਟੇ ਬੁਆਏਫ੍ਰੈਂਡ ਜੀਨ ਗੁਡਇਨਫ ਨਾਲ ਵਿਆਹ ਕਰਵਾਉਣ ਵਾਲੀ ਹੈ। ਅਜੇ ਪਿਛਲੇ ਮਹੀਨੇ ਹੀ ਉਸ ਨੇ ਆਪਣਾ 41ਵਾਂ ਜਨਮ ਦਿਨ ਮਨਾਇਆ ਹੈ। ਪਤਾ ਲੱਗੈ ਕਿ ਇਸੇ ਮਹੀਨੇ ਦੀ 12 ਤੋਂ 16 ਤਰੀਕ ਤੱਕ ਲਾਸ ਏਂਜਲਸ ''ਚ ਉਨ੍ਹਾਂ ਦਾ ਵਿਆਹ ਸਮਾਗਮ ਚੱਲੇਗਾ।
ਅਸਲ ''ਚ ਇਹ ਦਾਅਵਾ ਹੈ ਇਕ ਐਂਟਰਟੇਨਮੈਂਟ ਵੈੱਬਸਾਈਟ ਦਾ। ਵੈੱਬਸਾਈਟ ਦਾ ਕਹਿਣੈ ਕਿ ਪ੍ਰਿਟੀ ਨੇ ਆਪਣੇ ਬਾਲੀਵੁੱਡ ਦੋਸਤਾਂ ਨੂੰ ਫੋਨ ਕਰਕੇ ਵਿਆਹ ਲਈ ਸੱਦਾ ਦਿੱਤਾ ਹੈ ਅਤੇ ਇਹ ਜਾਣਕਾਰੀ ਉਨ੍ਹਾਂ ਨੂੰ ਪ੍ਰਿਟੀ ਨਾਲ ਜੁੜੇ ਕਈ ਨੇੜਲੇ ਸੂਤਰਾਂ ਨੇ ਦਿੱਤੀ ਹੈ। ਪ੍ਰਿਟੀ ਦੇ ਨੇੜਲੇ ਸੂਤਰਾਂ ਅਨੁਸਾਰ ਉਨ੍ਹਾਂ ਨੇ ਆਪਣੇ ਬਾਲੀਵੁੱਡ ਦੋਸਤਾਂ ਨੂੰ ਕਿਹਾ ਹੈ, ''''ਵਿਆਹ US ''ਚ ਹੋਵੇਗਾ ਅਤੇ 5 ਦਿਨ (12-16 ਫਰਵਰੀ) ਤੱਕ ਪ੍ਰੋਗਰਾਮ ਚੱਲਣਗੇ।''''
ਜਾਣਕਾਰੀ ਅਨੁਸਾਰ ਪ੍ਰਿਟੀ ਲੱਗਭਗ ਇਕ ਸਾਲ ਤੋਂ ਜੀਨ ਗੁਡਇਨਫ ਨੂੰ ਡੇਟ ਕਰ ਰਹੀ ਹੈ। 30 ਸਾਲਾ ਜੀਨ ਲਾਸ ਏਂਜਲਸ ''ਚ ਰਹਿੰਦਾ ਹੈ ਅਤੇ ਉਹ ਫਾਈਨਾਂਸ਼ੀਅਲ ਐਨਾਲਿਸਟ ਵਜੋਂ ਕੰਮ ਕਰਦਾ ਹੈ। ਦੋਹਾਂ ਬਾਰੇ ਪਹਿਲਾਂ ਵੀ ਇਹ ਖ਼ਬਰ ਆ ਚੁੱਕੀ ਹੈ ਕਿ ਉਹ ਵਿਆਹ ਦੀ ਯੋਜਨਾ ਬਣਾ ਰਹੇ ਹਨ। ਹਾਲਾਂਕਿ ਪ੍ਰਿਟੀ ਨੇ ਇਸ ਬਾਰੇ ਕੋਈ ਖੁਲਾਸਾ ਨਹੀਂ ਕੀਤਾ।
ਪ੍ਰਿਟੀ ਜ਼ਿੰਟਾ ਅਤੇ ਜੀਨ ਦੀ ਮੁਲਾਕਾਤ ਕੁਝ ਸਾਲ ਪਹਿਲਾਂ ਅਮਰੀਕਾ ''ਚ ਇਕ ਟ੍ਰਿਪ ਦੌਰਾਨ ਹੋਈ ਸੀ। 2015 ''ਚ ਆਈ.ਪੀ.ਐੱਲ. ਫਾਈਨਲ ਦੌਰਾਨ ਵੀ ਉਹ ਪ੍ਰਿਟੀ ਦੇ ਨਾਲ ਹੀ ਸੀ। 
ਜ਼ਿਕਰਯੋਗ ਹੈ ਕਿ ਪ੍ਰਿਟੀ ਜ਼ਿੰਟਾ ਦਾ ਨਾਂ ਹੁਣ ਤੱਕ ਕਈ ਵਿਅਕਤੀਆਂ ਨਾਲ ਜੁੜ ਚੁੱਕਾ ਹੈ। ਇਨ੍ਹਾਂ ''ਚ ਬਿਜ਼ਨੈੱਸਮੈਨ ਨੇਸ ਵਾਡੀਆ ਦਾ ਨਾਂ ਵੀ ਸ਼ਾਮਲ ਹੈ। ਦੋਵੇਂ ਕਾਫੀ ਸਮੇਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ। ਹਾਲਾਂਕਿ 2014 ''ਚ ਇਕ ਆਈ.ਪੀ.ਐੱਲ. ਮੈਚ ਦੌਰਾਨ ਦੋਹਾਂ ਵਿਚਾਲੇ ਵਿਵਾਦ ਹੋਇਆ ਅਤੇ ਉਹ ਵੱਖ ਹੋ ਗਏ। ਇਹ ਮਾਮਲਾ ਕਾਫੀ ਸਮੇਂ ਤੱਕ ਸੁਰਖੀਆਂ ''ਚ ਵੀ ਰਿਹਾ ਸੀ। 
ਪ੍ਰਿਟੀ ਦਾ ਅਫੇਅਰ ਮਾਡਲ ਅਤੇ ਕੋਰੀਓਗ੍ਰਾਫਰ ਬਣੇ ਮਾਰਕ ਰਾਬਿਨਸਨ ਨਾਲ ਵੀ ਰਹਿ ਚੁੱਕਾ ਹੈ। ਮਾਰਕ ਨਾਲੋਂ ਬ੍ਰੇਕਅੱਪ ਤੋਂ ਬਾਅਦ ਪ੍ਰਿਟੀ ਦੀ ਜ਼ਿੰਦਗੀ ''ਚ ਡੈਨਮਾਰਕ ਦੇ ਲਾਰਸ ਜੈਲਡਸਨ ਆਏ। ਪ੍ਰਿਟੀ ਦਾ ਨਾਂ ਆਸਟ੍ਰੇਲੀਅਨ ਕ੍ਰਿਕਟਰ ਬ੍ਰੇਟਲੀ ਨਾਲ ਵੀ ਜੁੜ ਚੁੱਕਾ ਹੈ।