ਕਾਜਲ ਅਗਰਵਾਲ ਤੇ ਸ਼੍ਰੇਅਸ ਤਲਪੜੇ ਦੀ ਫਿਲਮ ''ਦਿ ਇੰਡੀਆ ਸਟੋਰੀ'' ਦਾ ਪੋਸਟਰ ਜਾਰੀ

ਮੁੰਬਈ (ਏਜੰਸੀ)- 'ਦਿ ਇੰਡੀਆ ਸਟੋਰੀ' ਦੇ ਨਿਰਮਾਤਾਵਾਂ ਨੇ ਫਿਲਮ ਦਾ ਪਹਿਲਾ ਅਧਿਕਾਰਤ ਪੋਸਟਰ ਰਿਲੀਜ਼ ਕਰ ਦਿੱਤਾ ਹੈ। ਜ਼ੀ ਸਟੂਡੀਓਜ਼ ਅਤੇ ਐੱਮ.ਆਈ.ਜੀ. ਪ੍ਰੋਡਕਸ਼ਨ ਐਂਡ ਸਟੂਡੀਓਜ਼ ਦੇ ਸਹਿਯੋਗ ਨਾਲ ਪੇਸ਼ ਕੀਤੀ ਗਈ ਫਿਲਮ ਨੇ ਆਪਣੇ ਪਹਿਲੇ ਪੋਸਟਰਾਂ ਨਾਲ ਦਰਸ਼ਕਾਂ ਵਿੱਚ ਉਤਸ਼ਾਹ ਪੈਦਾ ਕੀਤਾ ਸੀ, ਜਦੋਂਕਿ ਨਵੇਂ ਪੋਸਟਰ ਨੇ ਇਸ ਦੀ ਕਹਾਣੀ ਦੀ ਇੱਕ ਸ਼ਕਤੀਸ਼ਾਲੀ ਝਲਕ ਪੇਸ਼ ਕੀਤੀ ਹੈ। ਪੋਸਟਰ ਵਿੱਚ ਕਾਜਲ ਅਗਰਵਾਲ ਨੂੰ ਇੱਕ ਦ੍ਰਿੜ ਵਕੀਲ ਦੇ ਰੂਪ ਵਿੱਚ ਦਿਖਾਇਆ ਗਿਆ ਹੈ, ਜਦੋਂ ਕਿ ਸ਼੍ਰੇਅਸ ਤਲਪੜੇ ਇੱਕ ਚਿੰਤਤ ਪਿਤਾ ਦੀ ਭੂਮਿਕਾ ਵਿਚ ਨਜ਼ਰ ਆ ਰਹੇ ਹਨ। ਪੋਸਟਰ ਵਿੱਚ ਉਨ੍ਹਾਂ ਦੀ ਧੀ ਦੀ ਭੂਮਿਕਾ ਨਿਭਾ ਰਹੀ ਇੱਕ ਛੋਟੀ ਬੱਚੀ ਵੀ ਦਿਖਾਈ ਗਈ ਹੈ, ਜੋ ਭੋਜਨ ਵਿੱਚ ਮਿਲਾਵਟ ਤੋਂ ਪ੍ਰਭਾਵਿਤ ਲੱਖਾਂ ਪਰਿਵਾਰਾਂ ਦੇ ਦੁੱਖਾਂ ਦਾ ਪ੍ਰਤੀਕ ਬਣ ਕੇ ਉਭਰਦੀ ਹੈ।

ਪੋਸਟਰ ਵਿੱਚ ਬੰਬੇ ਹਾਈ ਕੋਰਟ ਦੀ ਪਿੱਠਭੂਮੀ ਅਤੇ ਗਵਾਹਾਂ ਦੇ ਕਟਹਿਰੇ ਵਿੱਚ ਰੱਖੇ ਗਏ ਇਕ ਕੀਟਨਾਸ਼ਕ ਸਿਲੰਡਰ ਦੀ ਤਸਵੀਰ ਇਹ ਸੰਕੇਦ ਦਿੰਦੀ ਹੈ ਕਿ ਇਹ ਫਿਲਮ ਇੱਕ ਦਮਦਾਰ ਕੋਰਟਰੂਮ ਡਰਾਮਾ ਹੋਵੇਗੀ, ਜੋ ਭੋਜਨ ਵਿੱਚ ਮਿਲਾਵਟ ਅਤੇ ਇਸਦੇ ਗੰਭੀਰ ਸਮਾਜਿਕ ਪ੍ਰਭਾਵ ਨੂੰ ਉਜਾਗਰ ਕਰੇਗੀ। ਫਿਲਮ ਦਾ ਨਿਰਦੇਸ਼ਨ ਚੇਤਨ ਡੀਕੇ ਦੁਆਰਾ ਕੀਤਾ ਗਿਆ ਹੈ, ਜਿਸਨੂੰ ਸਾਗਰ ਬੀ. ਸ਼ਿੰਦੇ ਦੁਆਰਾ ਲਿਖਿਆ ਅਤੇ ਨਿਰਮਿਤ ਕੀਤਾ ਗਿਆ ਹੈ। ਇਹ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਦੁਨੀਆ ਭਰ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ, ਅਤੇ ਜ਼ੀ ਸਟੂਡੀਓਜ਼ ਦੁਆਰਾ ਵੰਡੀ ਜਾਵੇਗੀ। ਫਿਲਮ ਦੇ ਸਹਿ-ਨਿਰਮਾਤਾਵਾਂ ਵਿੱਚ ਸਵਾਤੀ ਵਿਨਾਇਕ ਸੈਦਾਨੇ, ਅਨੀਤਾ ਜਾਧਵ, ਵਿਨਾਇਕ ਸੈਦਾਨੇ, ਕਲਪੇਸ਼ ਸ਼ਾਹ, ਦੇਵਯਾਨੀ ਖੋਰਾਟੇ, ਅਤੇ ਪ੍ਰੇਮ ਜੋਸ਼ੀ ਸ਼ਾਮਲ ਹਨ। ਉਥੇ ਹੀ ਤਕਨੀਕੀ ਟੀਮ ਵਿੱਚ ਸਿਨੇਮੈਟੋਗ੍ਰਾਫਰ ਨਿਸ਼ਾਂਤ ਭਾਗਵਤ, ਸੰਗੀਤਕਾਰ ਮੰਗੇਸ਼ ਢਾਕੜੇ, ਸੰਪਾਦਕ ਆਸ਼ੀਸ਼ ਮਹਾਤਰੇ, ਗੀਤਕਾਰ ਸ਼ਕੀਲ ਆਜ਼ਮੀ ਅਤੇ ਸਾਊਂਡ ਡਿਜ਼ਾਈਨਰ ਅਨਮੋਲ ਭਾਵੇ ਸ਼ਾਮਲ ਹਨ।