ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ''ਚ ਹੋਵੇਗਾ ''ਡੋਰਥੀ'' ਦਾ ਵਰਲਡ ਪ੍ਰੀਮੀਅਰ

ਮੁੰਬਈ (ਏਜੰਸੀ)- ਲੇਖਕ-ਨਿਰਦੇਸ਼ਕ ਕਾਰਤਿਕ ਸੁੱਬਰਾਜ ਦੀ ਬਹੁਤ ਉਡੀਕੀ ਜਾ ਰਹੀ ਤਾਮਿਲ ਫਿਲਮ 'ਡੋਰਥੀ' ਦਾ ਵਰਲਡ ਪ੍ਰੀਮੀਅਰ 2026 ਟੋਰਾਂਟੋ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ (TIFF) ਦੇ ਵੱਕਾਰੀ ਸੈਂਟਰਪੀਸ ਸੈਕਸ਼ਨ ਵਿੱਚ ਹੋਵੇਗਾ। ਇਸ ਤੋਂ ਬਾਅਦ ਇਹ ਫਿਲਮ 25 ਸਤੰਬਰ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਇਹ ਫਿਲਮ ਜੀਓ ਸਟੂਡੀਓਜ਼ ਅਤੇ ਸਿੱਖਿਆ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਬਣਾਈ ਗਈ ਹੈ। 

ਕਾਰਤਿਕ ਸੁੱਬਰਾਜ ਦੁਆਰਾ ਨਿਰਦੇਸ਼ਤ, 'ਡੋਰਥੀ' ਉਨ੍ਹਾਂ ਦੀ 10ਵੀਂ ਫੀਚਰ ਫਿਲਮ ਹੈ। ਫਿਲਮ ਦਾ ਸੰਗੀਤ ਪ੍ਰਸਿੱਧ ਸੰਗੀਤਕਾਰ ਇਲਿਆਰਾਜਾ ਦੁਆਰਾ ਤਿਆਰ ਕੀਤਾ ਗਿਆ ਹੈ, ਜੋ ਉਨ੍ਹਾਂ ਦੇ ਕਰੀਅਰ ਵਿੱਚ ਉਨ੍ਹਾਂ ਦੀ 1540ਵੀਂ ਫਿਲਮ ਹੈ। ਫਿਲਮ ਵਿੱਚ ਸਨਥ, ਰਿਸ਼ੀਕਾਂਤ ਅਤੇ ਕੀਰਤੀ ਸੁਰੇਸ਼ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਸਦਾ ਨਿਰਮਾਣ ਜਯੋਤੀ ਦੇਸ਼ਪਾਂਡੇ, ਗੁਨੀਤ ਮੋਂਗਾ ਕਪੂਰ ਅਤੇ ਅਚਿਨ ਜੈਨ ਦੁਆਰਾ ਧੰਮਮ ਫਿਲਮਜ਼ ਦੇ ਸਹਿਯੋਗ ਨਾਲ ਕੀਤਾ ਗਿਆ ਹੈ। ਫੈਸਟੀਵਲ ਪ੍ਰੀਮੀਅਰ ਤੋਂ ਪਹਿਲਾਂ ਰਿਲੀਜ਼ ਕੀਤਾ ਗਿਆ ਟਾਈਟਲ ਪੋਸਟਰ ਭਾਰਤੀ ਹਾਈਵੇ ਟਰੱਕ ਆਰਟ ਤੋਂ ਪ੍ਰੇਰਿਤ ਹੈ, ਜੋ ਫਿਲਮ ਦੇ ਭਾਵਨਾਤਮਕ ਸਫ਼ਰ ਅਤੇ ਸੱਭਿਆਚਾਰਕ ਪਿਛੋਕੜ ਦੀ ਝਲਕ ਪੇਸ਼ ਕਰਦਾ ਹੈ। ਕਾਰਤਿਕ ਸੁਬਾਰਾਜ ਨੇ ਕਿਹਾ ਕਿ "ਡੋਰਥੀ" ਇੱਕ ਅਜਿਹੀ ਕਹਾਣੀ ਹੈ ਜਿਸਨੂੰ ਉਹ ਲੰਬੇ ਸਮੇਂ ਤੋਂ ਦਰਸ਼ਕਾਂ ਤੱਕ ਪਹੁੰਚਾਉਣਾ ਚਾਹੁੰਦੇ ਸੀ। ਉਨ੍ਹਾਂ ਦੇ ਅਨੁਸਾਰ, ਫਿਲਮ ਮਨੁੱਖੀ ਦ੍ਰਿਸ਼ਟੀਕੋਣ ਤੋਂ ਦੋਸਤੀ, ਪਿਆਰ, ਪਛਾਣ, ਜਾਤ, ਮਰਦਾਨਗੀ ਅਤੇ ਹਮਦਰਦੀ ਦੇ ਵਿਸ਼ਿਆਂ ਦੀ ਪੜਚੋਲ ਕਰਦੀ ਹੈ।