40 ਸਾਲਾਂ ਦੀ ਹੋਈ ਨੀਰੂ ਬਾਜਵਾ, ਜਨਮਦਿਨ ’ਤੇ ਤਸਵੀਰਾਂ ਸਾਂਝੀਆਂ ਕਰਕੇ ਲਿਖਿਆ ਇਹ ਸੁਨੇਹਾ
08/26/2021 11:27:20 AM
ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਅਦਾਕਾਰਾ ਨੀਰੂ ਬਾਜਵਾ ਅੱਜ 40 ਸਾਲਾਂ ਦੀ ਹੋ ਗਈ ਹੈ। ਨੀਰੂ ਬਾਜਵਾ ਦਾ ਜਨਮ 26 ਅਗਸਤ, 1980 ਨੂੰ ਹੋਇਆ। ਨੀਰੂ ਬਾਜਵਾ ਨੇ ਆਪਣੇ ਜਨਮਦਿਨ ਮੌਕੇ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ ਨਾਲ ਨੀਰੂ ਬਾਜਵਾ ਨੇ ਇਕ ਖ਼ਾਸ ਕੈਪਸ਼ਨ ਲਿਖੀ ਹੈ। ਨੀਰੂ ਬਾਜਵਾ ਨੇ ਲਿਖਿਆ, ‘ਮੈਂ ਅੱਜ 40 ਸਾਲਾਂ ਦੀ ਹੋ ਗਈ ਹਾਂ। ਮੈਂ ਇਹ ਗੱਲ ਮਾਣ ਨਾਲ ਕਹਿ ਸਕਦੀ ਹਾਂ ਕਿ ਇਹ ਮੇਰੇ ਲੋਕ ਹਨ, ਮੇਰੀ ਟੀਮ ਹਨ ਤੇ ਮੇਰਾ ਸਹਾਰਾ ਹਨ। ਮੇਰੇ ਪ੍ਰਸ਼ੰਸਕ ਵੀ, ਜਿਨ੍ਹਾਂ ਨੇ ਮੈਨੂੰ ਬਣਾਇਆ ਤੇ ਸਮਰਥਨ ਕੀਤਾ।’
ਨੀਰੂ ਨੇ ਅੱਗੇ ਲਿਖਿਆ, ‘ਤੁਹਾਡਾ ਸਾਰਿਆਂ ਦਾ ਇੰਨੇ ਪਿਆਰ ਲਈ ਧੰਨਵਾਦ। ਧੰਨਵਾਦ ਮੈਨੂੰ ਕੁਝ ਵੱਖਰਾ ਕਰਨ ਦੀ ਹਿੰਮਤ ਦੇਣ ਲਈ। ਮੈਂ ਹਰ ਦਿਨ ਆਪਣੇ ਆਪ ਨੂੰ ਇੰਨੀ ਖੁਸ਼ਕਿਸਮਤ ਮੰਨਦਿਆਂ ਬੇਹੱਦ ਖ਼ੁਸ਼ ਹੁੰਦੀ ਹਾਂ।’
ਦੱਸ ਦੇਈਏ ਕਿ ਨੀਰੂ ਬਾਜਵਾ ਨੇ ਇਸ ਪੋਸਟ ’ਚ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਵੱਖ-ਵੱਖ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ’ਤੇ ਰਾਣਾ ਰਣਬੀਰ, ਮਿਸ ਪੂਜਾ, ਰੁਬੀਨਾ ਬਾਜਵਾ, ਨਿਸ਼ਾ ਬਾਨੋ ਤੇ ਸੋਨਮ ਬਾਜਵਾ ਸਮੇਤ ਕਈ ਸਿਤਾਰੇ ਵਧਾਈਆਂ ਦੇ ਰਹੇ ਹਨ।
ਨੋਟ– ਨੀਰੂ ਬਾਜਵਾ ਦੀ ਇਸ ਪੋਸਟ ’ਤੇ ਤੁਸੀਂ ਕੀ ਕਹਿਣਾ ਚਾਹੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
