ਨੀਨਾ ਗੁਪਤਾ ਨੇ ਖੋਲ੍ਹਿਆ ਫ਼ਿਲਮ ਇੰਡਸਟਰੀ ਦਾ ਕਾਲਾ ਚਿੱਠਾ, ਕਿਹਾ- ਪੈਸਿਆਂ ਲਈ ਕਰਨੇ ਪਏ ਗੰਦੇ ਰੋਲ

ਮੁੰਬਈ (ਬਿਊਰੋ) : ਸਾਲ 1982 'ਚ ਇੰਡਸਟਰੀ ਵਿਚ ਡੈਬਿਊ ਕਰਨ ਵਾਲੀ ਨੀਨਾ ਗੁਪਤਾ ਨੇ ਦੁਨੀਆਂ ਭਰ ਵਿਚ ਖੂਬ ਨਾਂ ਕਮਾਇਆ। ਇਸ ਵਿਚਾਲੇ ਖਾਸ ਗੱਲ ਇਹ ਹੈ ਕਿ 64 ਸਾਲ ਦੀ ਉਮਰ 'ਚ ਵੀ ਉਹ ਸਿਲਵਰ ਸਕ੍ਰੀਨ 'ਤੇ ਰਾਜ ਕਰ ਰਹੀ ਹੈ। ਉਨ੍ਹਾਂ 'ਬਧਾਈ ਹੋ', 'ਉਚਾਈ', 'ਸਰਦਾਰ ਕਾ ਗ੍ਰੈਂਡਸਨ', 'ਗੁੱਡਬਾਏ', 'ਲਸਟ ਸਟੋਰੀਜ਼ 2' ਸਮੇਤ ਕਈ ਫ਼ਿਲਮਾਂ 'ਚ ਵੱਖ-ਵੱਖ ਕਿਰਦਾਰ ਨਿਭਾ ਕੇ ਵਾਹੋ-ਵਾਹੀ ਖੱਟੀ। ਫਿਲਹਾਲ ਅਦਾਕਾਰਾ ਵੈੱਬ ਸੀਰੀਜ਼ 'ਪੰਚਾਇਤ 3' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਇਸ ਸੀਰੀਜ਼ 'ਚ ਉਹ ਇਕ ਵਾਰ ਫਿਰ ਪਿੰਡ ਦੀ ਮੁਖੀ ਮੰਜੂ ਦੇਵੀ ਦੇ ਕਿਰਦਾਰ ਨਿਭਾ ਰਹੀ ਹੈ। ਇਸ ਦੇ ਨਾਲ ਹੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਦਾ ਵਿਆਹ ਦਿੱਲੀ ਦੇ ਅਕਾਊਂਟੈਂਟ ਵਿਵੇਕ ਮਹਿਰਾ ਨਾਲ ਹੋਇਆ ਹੈ। ਨੀਨਾ ਦੀ ਇਕਲੌਤੀ ਧੀ ਮਸਾਬਾ ਗੁਪਤਾ ਦੇਸ਼ ਦੀ ਮਸ਼ਹੂਰ ਫੈਸ਼ਨ ਡਿਜ਼ਾਈਨਰ ਹੈ। ਇਸ ਸਭ ਦੇ ਵਿਚਕਾਰ ਨੀਨਾ ਗੁਪਤਾ ਨੇ ਇੱਕ ਇੰਟਰਵਿਊ ਵਿਚ ਖੁਲਾਸਾ ਕੀਤਾ ਕਿ ਉਸ ਨੇ ਪੈਸੇ ਲਈ ਕਈ ਗ਼ਲਤ ਕੰਮ ਕੀਤੇ ਹਨ।

ਇਹ ਖ਼ਬਰ ਵੀ ਪੜ੍ਹੋ- ਮੂਸੇਵਾਲਾ ਦੇ ਨਵੇਂ Dilemma ਗੀਤ ਦਾ ਟੀਜ਼ਰ ਰਿਲੀਜ਼, ਕਿਸੇ ਵੇਲੇ ਵੀ ਹੋ ਸਕਦੈ ਰਿਲੀਜ਼

ਪੈਸਿਆਂ ਲਈ ਕਰਨੇ ਪਏ ਗੰਦੇ ਰੋਲ
ਸ਼ੋਸ਼ਾ ਨੂੰ ਦਿੱਤੇ ਇੰਟਰਵਿਊ 'ਚ ਨੀਨਾ ਗੁਪਤਾ ਨੇ ਖ਼ੁਲਾਸਾ ਕੀਤਾ ਕਿ ਆਪਣੇ ਕਰੀਅਰ ਦੀ ਸ਼ੁਰੂਆਤ 'ਚ ਉਨ੍ਹਾਂ ਨੂੰ ਸਿਰਫ ਪੈਸੇ ਦੀ ਲੋੜ ਕਾਰਨ ਗੰਦੇ ਰੋਲ ਕਰਨੇ ਪਏ ਸਨ। ਨੀਨਾ ਨੇ ਕਿਹਾ, ''ਜ਼ਰੂਰਤ ਅਨੁਸਾਰ ਇਹ ਸਭ ਬਦਲ ਗਿਆ ਹੈ। ਪਹਿਲਾਂ ਪੈਸੇ ਦੀ ਬਹੁਤ ਲੋੜ ਹੁੰਦੀ ਸੀ ਅਤੇ ਇਸ ਨੂੰ ਹਾਸਲ ਕਰਨ ਲਈ ਬਹੁਤ ਬੁਰੇ ਕੰਮ ਕਰਨੇ ਪੈਂਦੇ ਸਨ। ਮੈਂ ਕਈ ਵਾਰ ਰੱਬ ਅੱਗੇ ਪ੍ਰਾਰਥਨਾ ਕਰਦੀ ਸੀ ਕਿ ਇਹ ਫ਼ਿਲਮ ਰਿਲੀਜ਼ ਹੀ ਨਾ ਹੋਵੇ।

ਬੁਰੇ ਆਫਰ ਨੂੰ ਆਸਾਨੀ ਨਾਲ ਦਿੰਦੀ ਹਾਂ ਠੁਕਰਾ 
ਨੀਨਾ ਗੁਪਤਾ ਨੇ ਅੱਗੇ ਖੁਲਾਸਾ ਕਰ ਦੱਸਿਆ ਕਿ ਕਿਵੇਂ ਸਮੇਂ ਦੇ ਬਦਲਾਅ ਅਤੇ ਆਪਣੇ ਕਰੀਅਰ ਵਿਚ ਉਚਾਈ ਚੜ੍ਹਨ ਲਈ, ਉਹ ਹੁਣ ਆਪਣੀ ਪਸੰਦ ਦੇ ਪ੍ਰੋਜੈਕਟਾਂ ਦਾ ਵਿਸ਼ਲੇਸ਼ਣ ਅਤੇ ਰਿਜ਼ੈਕਟ ਕਰ ਸਕਦੀ ਹੈ। ਕੁਝ ਅਜਿਹਾ ਜਿਸ ਬਾਰੇ ਉਹ ਉਸ ਸਮੇਂ ਸੋਚਣ ਦੀ ਹਿੰਮਤ ਵੀ ਨਹੀਂ ਕਰ ਸਕਦੀ ਸੀ। ਉਹ ਕਹਿੰਦੀ ਹੈ, "ਹੁਣ ਮੈਂ ਨਾਂਹ ਕਹਿ ਸਕਦੀ ਹਾਂ, ਪਹਿਲਾਂ ਕਦੇ ਨਾਂਹ ਨਹੀਂ ਕਹਿ ਸਕਦੀ ਸੀ। ਜੋ ਵੀ ਸਕ੍ਰਿਪਟ ਮੈਨੂੰ ਬਹੁਤ ਪਸੰਦ ਹੈ, ਜੋ ਰੋਲ ਮੈਨੂੰ ਬਹੁਤ ਵਧਿਆ ਲੱਗਦਾ ਹੈ, ਮੈਂ ਉਹ ਕਰਦੀ ਹਾਂ, ਜੋ ਮੈਨੂੰ ਪਸੰਦ ਨਹੀਂ ਹੈ, ਮੈਂ ਉਹ ਨਹੀਂ ਕਰਦੀ।'' 

ਇਹ ਖ਼ਬਰ ਵੀ ਪੜ੍ਹੋ- ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਦੇ ਰੈਸਟੋਰੈਂਟ SONA ਨੂੰ ਲੱਗਣ ਵਾਲਾ ਹੈ ਤਾਲਾ

ਬੋਲਡ ਅਦਾਕਾਰਾ ਦਾ ਟੈਗ ਮਿਲਣ 'ਤੇ ਨੀਨਾ ਨੇ ਆਖੀ ਇਹ ਗੱਲ
ਨੀਨਾ ਗੁਪਤਾ ਨੇ ਇੱਕ ਰਿਬੇਲ ਸਟਾਰ ਜਾਂ ਇੱਕ ਬੋਲਡ ਅਭਿਨੇਤਰੀ ਵਜੋਂ ਆਪਣੀ ਪਛਾਣ ਬਾਰੇ ਵੀ ਗੱਲ ਕੀਤੀ, ਇਸ ਅਨੁਭਵੀ ਅਭਿਨੇਤਰੀ ਨੇ ਇਸ ਸਭ ਨੂੰ ਖਾਰਜ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਅਸਲ ਵਿਚ ਕਦੇ ਵੀ ਕੋਈ ਗਲੈਮਰਸ ਭੂਮਿਕਾਵਾਂ ਨਹੀਂ ਨਿਭਾਈਆਂ, ਅਤੇ ਇਸ ਦੀ ਬਜਾਏ ਉਨ੍ਹਾਂ ਨੇ ਜ਼ਿਆਦਾਤਰ ਮਾਸੂਮ ਭੂਮਿਕਾਵਾਂ ਨਿਭਾਈਆਂ। ਨੀਨਾ ਨੇ ਅੱਗੇ ਕਿਹਾ ਕਿ ਮੀਡੀਆ ਨੇ ਉਨ੍ਹਾਂ ਦੀ ਸਿੰਗਲ ਮਾਂ ਦੀ ਪਛਾਣ ਨੂੰ ਗ਼ਲਤ ਤਰੀਕੇ ਨਾਲ ਪੇਸ਼ ਕੀਤਾ, ਜੋ ਅਜੇ ਵੀ ਇੱਕ ਕੰਮਕਾਜੀ ਸਮਾਜ ਦੇ ਨਿਯਮਾਂ ਤੋਂ ਬਾਹਰ ਹੋਣ ਦਾ ਕਲੰਕ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।