ਕਿਵੇਂ ਦਾ ਹੈ ‘ਮਨੀ ਹਾਈਸਟ’ ਦਾ ਨਵਾਂ ਸੀਜ਼ਨ, ਇਸ ਵਾਰ ਕੀ ਹੈ ਖ਼ਾਸ?

2021-09-04T10:40:03.583

ਮੁੰਬਈ (ਬਿਊਰੋ)– ‘ਮਨੀ ਹਾਈਸਟ’ ਦੇ ਪੰਜਵੇਂ ਸੀਜ਼ਨ ਦਾ ਪਹਿਲਾ ਹਿੱਸਾ ਬਿਲਕੁਲ ਉਮੀਦ ਅਨੁਸਾਰ ਹੈ। ਪਲ-ਪਲ ਰੰਗ ਬਦਲਦਾ ਹੈ, ਧੜਕਣ ਵਧਦੀ ਹੈ, ਨਵੇਂ ਰੋਮਾਂਚ ਪੈਦਾ ਹੁੰਦੇ ਹਨ ਤੇ ਅਖੀਰ ’ਚ ਹੈਰਾਨ ਕਰਦਾ ਹੈ। ਨੈੱਟਫਲਿਕਸ ਨੇ ਇਸ ਸਪੈਨਿਸ਼ ਵੈੱਬ ਸੀਰੀਜ਼ ਦੇ ਆਖਰੀ ਸੀਜ਼ਨ ਨੂੰ ਜਾਰੀ ਕੀਤਾ, ਜਿਸ ਨੇ ਵਿਸ਼ਵ ਭਰ ’ਚ ਧਮਾਕਾ ਕਰ ਦਿੱਤਾ ਹੈ। ਜੇ ਤੁਸੀਂ ‘ਮਨੀ ਹਾਈਸਟ’ ਦੇ ਚਾਰ ਸੀਜ਼ਨ ਦੇਖੇ ਹਨ ਤਾਂ ਔਸਤਨ 50-50 ਮਿੰਟ ਤੁਸੀਂ ਇਨ੍ਹਾਂ ਪੰਜ ਨਵੇਂ ਐਪੀਸੋਡਸ ਨੂੰ ਇਕ ਵਾਰ ’ਚ ਪੂਰਾ ਕੀਤੇ ਬਿਨਾਂ ਨਹੀਂ ਰਹਿ ਸਕੋਗੇ।

ਹਾਲਾਂਕਿ ਮਾਮਲਾ ਇਥੇ ਖ਼ਤਮ ਨਹੀਂ ਹੋਵੇਗਾ ਤੇ ਪੰਜਵੇਂ ਸੀਜ਼ਨ ਦਾ ਦੂਜਾ ਭਾਗ 3 ਦਸੰਬਰ ਨੂੰ ਆਵੇਗਾ। ਇਹ ਸਪੱਸ਼ਟ ਹੈ ਕਿ ਨਿਰਮਾਤਾ ਅਜੇ ਪ੍ਰਸ਼ੰਸਕਾਂ ਦੇ ਉਤਸ਼ਾਹ ਨੂੰ ਸ਼ਾਂਤ ਨਹੀਂ ਕਰਨਗੇ। ਕਹਾਣੀ ਇਹ ਹੈ ਕਿ ਇਸ ਪੈਸੇ ਦੀ ਲੁੱਟ ’ਚ 100 ਘੰਟਿਆਂ ਤੋਂ ਵੱਧ ਸਮਾਂ ਬੀਤ ਗਿਆ ਹੈ ਤੇ ਪ੍ਰੋਫੈਸਰ (ਅਲਵਾਰੋ ਮੌਰਟੇ) ਦਾ ਗੈਂਗ ਬੈਂਕ ਆਫ਼ ਸਪੇਨ ਦੇ ਅੰਦਰ ਹੈ। ਬੰਦੂਕ ਦੀ ਨੋਕ ’ਤੇ ਬੰਧਕਾਂ ਨੂੰ ਫੜਨ ਤੇ ਕਈ ਟਨ ਸੋਨਾ ਪਿਘਲਾਉਣ ਦਾ ਕੰਮ ਜਾਰੀ ਹੈ।

ਪਰ ਉਨ੍ਹਾਂ ਦੀ ਹਿੰਮਤ ਤੋਂ ਪ੍ਰੇਸ਼ਾਨ ਕਰਨਲ ਤਮਾਯੋ (ਫਰਨਾਂਡੋ ਕਯੋ) ਨੇ ਹੁਣ ਪੁਲਸ ਤੋਂ ਮਾਮਲਾ ਫ਼ੌਜ ਦੇ ਹਵਾਲੇ ਕਰ ਦਿੱਤਾ ਹੈ। ਫ਼ੌਜ ਬੁਲਾਈ ਗਈ ਹੈ। ਕੀ ਪ੍ਰੋਫੈਸਰ ਦੀ ਅੱਠ ਜਾਂ ਦੱਸ ਵਿਅਕਤੀਆਂ ਦੀ ਟੀਮ ਫ਼ੌਜ ਦਾ ਸਾਥ ਦੇ ਸਕੇਗੀ? ਮੁਸ਼ਕਿਲਾਂ ਇਸ ਲਈ ਵੀ ਵੱਧ ਗਈਆਂ ਹਨ ਕਿਉਂਕਿ ਦੂਜੇ ਪਾਸੇ ਇੰਸਪੈਕਟਰ ਅਲੀਸਿਆ ਸੀਅਰਾ (ਨਜਵਾ ਨਿਮਰੀ) ਨੇ ਪ੍ਰੋਫੈਸਰ ਦਾ ਠਿਕਾਣਾ ਲੱਭ ਲਿਆ ਹੈ ਤੇ ਉਸ ਨੂੰ ਜੰਜ਼ੀਰਾਂ ਨਾਲ ਬੰਨ੍ਹ ਦਿੱਤਾ ਹੈ। ਬੈਂਕ ਦੇ ਅੰਦਰ ਚੋਰਾਂ ਦੇ ਦੁਸ਼ਮਣ ਆਰਥਰੋ ਰੋਮਨ (ਐਨਰਿਕ ਆਰਕ) ਨੇ ਹਥਿਆਰ ਲੱਭ ਲਏ ਹਨ ਤੇ ਗਵਰਨਰ ਸਮੇਤ ਕੁਝ ਲੋਕਾਂ ਲਈ ਮੁਕਤੀ ਦਾ ਬਿਗਲ ਵਜਾਇਆ ਹੈ। ਕੁਲ ਮਿਲਾ ਕੇ ਇਕ ਜੰਗ ਸ਼ੁਰੂ ਹੋ ਗਈ ਹੈ। ਕੌਣ ਬਚੇਗਾ ਤੇ ਬੰਬ ਧਮਾਕਿਆਂ ਤੇ ਗੋਲੀਆਂ ਦੇ ਵਿਚਕਾਰ ਕਿਸ ਦੀਆਂ ਜਾਨਾਂ ਜਾਣਗੀਆਂ?

ਬੈਂਕ ਤੋਂ ਬਹੁਤ ਸਾਰੇ ਸੋਨੇ ਦੀ ਚੋਰੀ ਦੀ ਇਸ ਰੋਮਾਂਚਕ ਅਪਰਾਧ-ਕਹਾਣੀ ’ਚ ਬਹੁਤ ਭਾਵਨਾਤਮਕ ਉਥਲ-ਪੁਥਲ ਵੀ ਹੈ। ਨਵਾਂ ਪਿਆਰ, ਪੁਰਾਣਾ ਪਿਆਰ, ਨਜ਼ਦੀਕੀ ਪਿਆਰ, ਦੂਰ ਦਾ ਪਿਆਰ, ਪਿਆਰ ਦਾ ਤਿਕੋਣ, ਬਦਲਾ, ਨਫ਼ਰਤ, ਦੁਰਵਿਵਹਾਰ, ਖ਼ੂਨ ਤੇ ਪਸੀਨਾ, ਗੋਲਾ ਬਾਰੂਦ, ਟੁੱਟੇ ਸਾਹ ਤੇ ਇਸ ਸੰਸਾਰ ’ਚ ਨਵੀਂ ਜ਼ਿੰਦਗੀ ਦਾ ਆਉਣਾ ਵੀ ਇਥੇ ਦਿਖਾਈ ਦਿੰਦਾ ਹੈ। ਇਹ ਸੀਜ਼ਨ ਦਰਸ਼ਕਾਂ ਨੂੰ ਪਲ-ਪਲ ਪਲਟਦਾ ਰਹਿੰਦਾ ਹੈ ਤੇ ਹਾਲਾਤ ਤੇ ਪਾਤਰਾਂ ਤੋਂ ਇਲਾਵਾ ਕਿਸੇ ਹੋਰ ਚੀਜ਼ ਬਾਰੇ ਸੋਚਣ ਦਾ ਮੌਕਾ ਨਹੀਂ ਦਿੰਦਾ। ਨਵੇਂ ਸੀਜ਼ਨ ’ਚ ਟੋਕੀਓ (ਉਰਸੇਲਾ ਕੋਰਬੇਰੋ) ਦੇ ਪਹਿਲੇ ਪਿਆਰ/ਬੁਆਏਫ੍ਰੈਂਡ ਤੇ ਪ੍ਰੋਫੈਸਰ ਦੇ ਭਰਾ, ਬਰਲਿਨ (ਪੇਡਰੋ ਅਲੌਂਸੋ) ਦੀ ਪੰਜਵੀਂ ਪਤਨੀ ਤੇ ਪੁੱਤਰ ਦੀ ਪਿਛਲੀ ਕਹਾਣੀ ’ਚ ਸਿਰਜਣਹਾਰ/ਲੇਖਕ ਅਲੈਕਸ ਪੀਨਾ ਵੀ ਸ਼ਾਮਲ ਹਨ। ਖ਼ਾਸ ਗੱਲ ਇਹ ਹੈ ਕਿ ਹੌਲੀ-ਹੌਲੀ ਪ੍ਰੋਫੈਸਰ ਗੈਂਗ ’ਚ ਔਰਤ ਪਾਤਰ ਕੇਂਦਰ ’ਚ ਆ ਗਏ ਹਨ ਤੇ ਇਸ ਵਾਰ ਉਹ ਲਗਭਗ ਹਰ ਚੀਜ਼ ਨੂੰ ਕੰਟਰੋਲ ਕਰ ਰਹੀਆਂ ਹਨ।

ਨੋਟ- ਮਨੀ ਹਾਈਸਟ ਦਾ ਨਵਾਂ ਸੀਜ਼ਨ ਤੁਹਾਨੂੰ ਕਿਵੇਂ ਦਾ ਲੱਗਾ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।


Rahul Singh

Content Editor Rahul Singh