ਆਪਣੇ ਤੋਂ 12 ਸਾਲ ਵੱਡੀ ਮਲਾਇਕਾ ਅਰੋੜਾ ''ਤੇ ਖੁੱਲ੍ਹੇਆਮ ਪਿਆਰ ਲੁਟਾਉਂਦੇ ਹਨ ਅਰਜੁਨ ਕਪੂਰ, ਦੇਖੋ ਤਸਵੀਰਾਂ
06/26/2021 2:15:48 PM
ਮੁੰਬਈ- ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਰਜੁਨ ਕਪੂਰ ਅੱਜ 36 ਸਾਲ ਦੇ ਹੋ ਗਏ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਦੀ ਫ਼ਿਲਮ ‘ਸੰਦੀਪ ਔਰ ਪਿੰਕੀ ਫਰਾਰ’ ਨੂੰ ਦਰਸ਼ਕਾਂ ਨੇ ਖ਼ੂਬ ਪਸੰਦ ਕੀਤਾ ਹੈ।
ਅਰਜੁਨ ਆਪਣੀ ਅਦਾਕਾਰੀ ਕਾਰਨ ਇੰਡਸਟਰੀ ਵਿਚ ਵੱਖਰੀ ਪਛਾਣ ਰੱਖਦੇ ਹਨ। ਇਨ੍ਹੀਂ ਦਿਨੀਂ ਅਰਜੁਨ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਮਲਾਇਕਾ ਅਰੋੜਾ ਨੂੰ ਡੇਟ ਕਰ ਰਹੇ ਹਨ। ਦੋਵੇਂ ਅਕਸਰ ਇਕੱਠੇ ਨਜ਼ਰ ਆਉਂਦੇ ਹਨ।
ਇੱਕ ਇੰਟਰਵਿਊ 'ਚ ਮਲਾਇਕਾ ਨੇ ਅਰਜੁਨ ਦੇ ਗੁਣਾਂ ਬਾਰੇ ਵੀ ਗੱਲ ਕੀਤੀ। ਦੋਵੇਂ ਅਕਸਰ ਸੋਸ਼ਲ ਮੀਡੀਆ ਰਾਹੀਂ ਇਕ ਦੂਜੇ ਨਾਲ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ।
ਮਲਾਇਕਾ ਅਰਜੁਨ ਤੋਂ 12 ਸਾਲ ਵੱਡੀ ਹੈ ਜਿਸ ਕਾਰਨ ਉਹ ਕਈ ਵਾਰ ਟ੍ਰੋਲ ਵੀ ਹੋਈ ਹੈ। ਅਰਜੁਨ ਮਲਾਇਕਾ ਨੂੰ ਆਪਣੀ 'ਲੇਡੀ ਲੱਕ' ਮੰਨਦੇ ਹਨ। ਉਹ ਮਲਾਇਕਾ ਨੂੰ ਸਮੇਂ-ਸਮੇਂ 'ਤੇ ਕੌਮਪਲੀਮੈਂਟ ਵੀ ਦਿੰਦੇ ਹਨ।
ਮਲਾਇਕਾ ਅਤੇ ਅਰਜੁਨ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਦੇ ਵਿਆਹ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹਾਲਾਂਕਿ ਵਿਆਹ ਦੇ ਮਾਮਲੇ 'ਤੇ ਦੋਵੇਂ ਅਜੇ ਵੀ ਚੁੱਪ ਹਨ।
ਮੀਡੀਆ ਰਿਪੋਰਟਾਂ ਅਨੁਸਾਰ ਦੋਵੇਂ ਸਾਲ 2020 ਵਿਚ ਹੀ ਵਿਆਹ ਕਰਨ ਜਾ ਰਹੇ ਸਨ ਪਰ ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਅਜਿਹਾ ਨਹੀਂ ਹੋ ਸਕਿਆ।
ਮਲਾਇਕਾ ਅਰੋੜਾ ਨੇ ਇਕ ਇੰਟਰਵਿਊ ਦੌਰਾਨ ਕਿਹਾ ਸੀ ਕਿ ਅਰਜੁਨ ਮੈਨੂੰ ਚੰਗੀ ਤਰ੍ਹਾਂ ਸਮਝਦੇ ਹਨ ਅਤੇ ਮੈਨੂੰ ਹੌਂਸਲਾ ਦਿੰਦੇ ਹਨ ਅਤੇ ਸਭ ਤੋਂ ਮਹੱਤਵਪੂਰਨ ਮੈਨੂੰ ਖੁਸ਼ ਰੱਖਦੇ ਹਨ। ਸ਼ਾਇਦ ਇਸੇ ਲਈ ਮੈਂ ਉਸ ਨੂੰ ਬਰਾਬਰ ਪਸੰਦ ਕਰਦੀ ਹਾਂ।"
