ਦਿੱਲੀ ’ਚ ‘120 ਬਹਾਦੁਰ’ ਦੇ ਮੇਕਰਸ ਰੇਜਾਂਗ ਲਾਅ ਸ਼ਹੀਦ ਪਰਿਵਾਰਾਂ ਲਈ ਰੱਖਣਗੇ ਸਪੈਸ਼ਲ ਸਕ੍ਰੀਨਿੰਗ

ਮੁੰਬਈ- ਫਿਲਮ ‘120 ਬਹਾਦੁਰ’ ਦੀ ਦੁਨੀਆ ਭਰ ਵਿਚ ਰਿਲੀਜ ਤੋਂ ਪਹਿਲਾਂ ਐਕਸਲ ਐਂਟਰਟੇਨਮੈਂਟ ਅਤੇ ਟ੍ਰਇਗਰ ਹੈਪੀ ਸਟੂਡੀਓਜ਼ ਦਿੱਲੀ ਵਿਚ ਦੋ ਖਾਸ ਸਕ੍ਰੀਨਿੰਗਸ ਕਰਨਗੇ। ਪਹਿਲੀ ਸਕ੍ਰੀਨਿੰਗ ਫੌਜ ਦੇ ਵੱਡੇ ਅਧਿਕਾਰੀਆਂ ਲਈ ਹੋਵੇਗੀ। ਇਸ ਤੋਂ ਬਾਅਦ ਦੂਜੀ ਸਕ੍ਰੀਨਿੰਗ ਉਨ੍ਹਾਂ ਫੌਜੀਆਂ ਲਈ ਹੋਵੇਗੀ, ਜੋ ਲੜਾਈ ਵਿਚ ਜਿਊਂਦੇ ਬਚੇ ਨਿਹਾਲ ਸਿੰਘ ਅਤੇ ਰਾਮ ਚੰਦਰ ਯਾਦਵ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ।

ਇਸ ਦੇ ਨਾਲ ਹੀ ਲੜਾਈ ਵਿਚ ਸ਼ਹੀਦ ਹੋਏ ਹੋਰ ਜਵਾਨਾਂ ਦੇ ਪਰਿਵਾਰਾਂ ਨੂੰ ਵੀ ਇਸ ਸਕ੍ਰੀਨਿੰਗ ਵਿਚ ਬੁਲਾਇਆ ਜਾਵੇਗਾ। ਪ੍ਰੋਡਿਊਸਰ ਰਿਤੇਸ਼ ਸਿਧਵਾਨੀ ਅਤੇ ਫਰਹਾਨ ਅਖਤਰ ਅਤੇ ਡਾਇਰੈਕਟਰ ਰਜਨੀਸ਼ ‘ਰੇਜੀ’ ਘਈ, ਦੋਵਾਂ ਈਵੈਂਟਸ ਵਿਚ ਮੌਜੂਦ ਰਹਿਣਗੇ।

ਇਸ ਤੋਂ ਬਾਅਦ ਮੇਕਰਸ ਸ਼ਹੀਦਾਂ ਦੇ ਪਰਿਵਾਰਾਂ ਨੂੰ ਮਿਲਣਗੇ। ਇਹੀ ਪਲ ਇਸ ਫਿਲਮ ਦੇ ਅਸਲੀ ਮਕਸਦ ਦੀ ਸਭ ਤੋਂ ਵੱਡੀ ਵਜ੍ਹਾ ਹੈ। ਪਰਿਵਾਰਾਂ ਲਈ ਰੱਖੀ ਗਈ ਸਕ੍ਰੀਨਿੰਗ ਦਾ ਮਕਸਦ ਉਨ੍ਹਾਂ ਦੀ ਵਿਰਾਸਤ ਨੂੰ ਸਨਮਾਨ ਦੇਣਾ ਅਤੇ ਉਨ੍ਹਾਂ ਕੁਰਬਾਨੀਆਂ ਨੂੰ ਸਵੀਕਾਰ ਕਰਨਾ ਹੈ, ਜੋ ਪੀੜ੍ਹੀਆਂ ਪਹਿਲਾਂ ਦਿੱਤੀਆਂ ਗਈਆਂ ਸਨ ।