ਕੁਸ਼ਾਲ ਟੰਡਨ ਨੂੰ ਆਈ ਸੁਸ਼ਾਂਤ ਦੀ ਯਾਦ, ਅੰਕਿਤਾ ਨੂੰ ਟੈਗ ਕਰਦੇ ਹੋਏ ਲਿਖਿਆ ਭਾਵੁਕ ਮੈਸੇਜ

ਮੁੰਬਈ: ਟੀ.ਵੀ. ਰਿਐਲਿਟੀ ਸ਼ੋਅ ਬਿਗ ਬੋਸ ’ਚ ਨਜ਼ਰ ਆ ਚੁੱਕੇ ਕੁਸ਼ਾਲ ਟੰਡਨ ਕਈ ਹਿੱਟ ਸ਼ੋਅ ’ਚ ਕੰਮ ਕਰ ਚੁੱਕੇ ਹਨ। ਸ਼ੋਅ ’ਚ ਗੌਹਰ ਖ਼ਾਨ ਦੇ ਨਾਲ ਉਨ੍ਹਾਂ ਦਾ ਰਿਸ਼ਤਾ ਕਾਫ਼ੀ ਚਰਚਾ ’ਚ ਰਿਹਾ ਸੀ। ਹਾਲ ਹੀ ’ਚ ਕੁਸ਼ਾਲ ਨੇ ਉਦੈਪੁਰ ’ਚ ਆਪਣਾ ਜਨਮਦਿਨ ਮਨਾਇਆ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੇ ਖ਼ਾਸ ਦੋਸਤ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਯਾਦ ਕਰਕੇ ਹੋਏ ਉਨ੍ਹਾਂ ਦੀ ਪੋਸਟ ਸਾਂਝੀ ਕੀਤੀ ਹੈ। ਇਸ ’ਚ ਉਨ੍ਹਾਂ ਨੇ ਟੀ.ਵੀ. ਅਦਾਕਾਰ ਅਤੇ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਯਾਦ ਕਰਦੇ ਹੋਏ ਉਨ੍ਹਾਂ ਦੀ ਇਕ ਪੋਸਟ ਸਾਂਝੀ ਕੀਤੀ ਹੈ। ਇਸ ’ਚ ਉਨ੍ਹਾਂ ਨੇ ਟੀ.ਵੀ. ਅਦਾਕਾਰਾ ਅਤੇ ਸੁਸ਼ਾਂਤ ਦੀ ਸਾਬਕਾ ਪ੍ਰੇਮਿਕਾ ਰਹਿ ਚੁੱਕੀ ਅੰਕਿਤਾ ਲੋਖੰਡੇ ਨੂੰ ਵੀ ਟੈਗ ਕੀਤਾ ਹੈ। ਕੁਸ਼ਾਲ ਦੀ ਇਸ ਪੋਸਟ ਨੇ ਇਕ ਵਾਰ ਫਿਰ ਸਭ ਨੂੰ ਭਾਵੁਕ ਕਰ ਦਿੱਤਾ ਹੈ। 

ਕੁਸ਼ਾਲ ਟੰਡਨ ਨੇ ਸੁਸ਼ਾਂਤ ਨੂੰ ਕੀਤਾ ਯਾਦ
ਕੁਸ਼ਾਲ ਵੱਲੋਂ ਸਾਂਝੀ ਕੀਤੀ ਗਈ ਇਹ ਵੀਡੀਓ ਸੁਸ਼ਾਂਤ ਦੇ ਇਕ ਗਾਣੇ ਦੀ ਹੈ। ਇਸ ਨੂੰ ਸਾਂਝਾ ਕਰਦੇ ਹੋਏ ਉਨ੍ਹਾਂ ਨੇ ਅਕਿੰਤਾ ਨੂੰ ਟੈਗ ਕੀਤਾ ਅਤੇ ਲਿਖਿਆ ਕਿ ਅੰਕਿਤਾ ਇਹ ਤੁਹਾਡੇ ਲਈ, ਸਾਡਾ ਏਂਜਲ ਦੋਸਤ। ਵੀਡੀਓ ’ਚ ਇਕ ਸ਼ਖ਼ਸ ਬਾਂਸਰੀ ਵਜਾਉਂਦੇ ਹੋਏ ਦਿਖਾਈ ਦੇ ਰਿਹਾ ਹੈ ਅਤੇ ਬਾਂਸਰੀ ਦੀ ਧੁਨ ’ਚ ਉਹ ਸੁਸ਼ਾਂਤ ਦੀ ਫ਼ਿਲਮ ‘ਐੱਮ.ਐੱਸ. ਧੋਨੀ: ਦਿ ਅਨਟੋਲਡ ਸਟੋਰੀ’ ਦਾ ਗਾਣਾ ‘ਕੌਣ ਤੁਝ’ ਵਜਾ ਰਿਹਾ ਹੈ। 

ਅੰਕਿਤਾ ਨੇ ਕੁਸ਼ਾਲ ਦੀ ਸਟੋਰੀ ਕੀਤੀ ਸਾਂਝੀ
ਉੱਧਰ ਅੰਕਿਤਾ ਨੇ ਵੀ ਕੁਸ਼ਾਲ ਦੀ ਇਸ ਸਟੋਰੀ ਨੂੰ ਆਪਣੇ ਇੰਸਟਾਗ੍ਰਾਮ ’ਤੇ ਸਾਂਝਾ ਕੀਤਾ ਹੈ। ਸਟੋਰੀ ਸਾਂਝੀ ਕਰਦੇ ਹੋਏ ਅੰਕਿਤਾ ਨੇ ‘Awwwwww’ ਵੀ ਲਿਖਿਆ। ਸੁਸ਼ਾਂਤ ਦੇ ਪ੍ਰਸ਼ੰਸਕ ਕੁਸ਼ਾਲ ਅਤੇ ਅੰਕਿਤਾ ਦੀ ਇਸ ਲਈ ਖ਼ੂਬ ਤਾਰੀਫ਼ ਕਰ ਰਹੇ ਹਨ ਅਤੇ ਸੁਸ਼ਾਂਤ ਨੂੰ ਯਾਦ ਕਰ ਰਹੇ ਹਨ। ਇਹ ਵੀਡੀਓ ਕਾਫ਼ੀ ਤੇਜ਼ੀ ਨਾਲ ਵਾਇਰਲ ਵੀ ਹੋ ਰਹੀ ਹੈ। 

ਸੁਸ਼ਾਂਤ ਅਤੇ ਅੰਕਿਤਾ 6 ਸਾਲ ਰਹੇ ਇਕੱਠੇ
ਦੱਸ ਦੇਈਏ ਕਿ ਸੁਸ਼ਾਂਤ ਅਤੇ ਅੰਕਿਤਾ ਪਹਿਲੀ ਵਾਰ ਟੀ.ਵੀ. ਸ਼ੋਅ ‘ਪਵਿੱਤਰ ਰਿਸ਼ਤਾ’ ਦੇ ਸੈੱਟ ’ਤੇ ਮਿਲੇ ਸਨ। ਜਿਥੇ ਉਨ੍ਹਾਂ ਦੋਵਾਂ ਨੂੰ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਅਤੇ ਕਰੀਬ 6 ਸਾਲ ਇਕੱਠੇ ਰਹਿਣ ਤੋਂ ਬਾਅਦ ਦੋਵਾਂ ਦਾ ਬ੍ਰੇਕਅੱਪ ਹੋ ਗਿਆ।