ਕੇ. ਆਰ. ਕੇ. ਨੇ ਆਪਣੇ ਨਾਂ ਤੋਂ ਹਟਾਇਆ ਖ਼ਾਨ, ਨਾਲ ਜੋੜਿਆ ਪਤਨੀ ਦਾ ਸਰਨੇਮ

ਮੁੰਬਈ (ਬਿਊਰੋ)– ਖ਼ੁਦ ਨੂੰ ਕ੍ਰਿਟਿਕਸ ਦਾ ਬਾਦਸ਼ਾਹ ਸਮਝਣ ਵਾਲੇ ਕਮਾਲ ਰਾਸ਼ਿਦ ਖ਼ਾਨ (ਕੇ. ਆਰ. ਕੇ.) ਨੇ ਟਵਿਟਰ ’ਤੇ ਆਪਣਾ ਨਾਂ ਬਦਲ ਲਿਆ ਹੈ। ਕੇ. ਆਰ. ਕੇ. ਨੇ ਇਹ ਫ਼ੈਸਲਾ ਲਿਆ ਹੈ ਕਿ ਹੁਣ ਉਹ ਆਪਣੇ ਨਾਂ ਪਿੱਛੇ ਖ਼ਾਨ ਸਰਨੇਮ ਨਹੀਂ ਲਗਾਉਣਗੇ। ਖ਼ਾਨ ਦੀ ਜਗ੍ਹਾ ਹੁਣ ਕੇ. ਆਰ. ਕੇ. ਆਪਣੀ ਪਤਨੀ ਦਾ ਸਰਨੇਮ ਕੁਮਾਰ ਲਗਾਉਣਗੇ।

ਅਸਲ ’ਚ 20 ਅਗਸਤ ਨੂੰ ਕੇ. ਆਰ. ਕੇ. ਨੇ ਟਵਿਟਰ ’ਤੇ ਆਪਣਾ ਨਾਂ ਬਦਲਦਿਆਂ ਟਵੀਟ ਕੀਤਾ ਕਿ ਉਹ ਆਪਣੇ ਨਾਂ ਤੋਂ ਖ਼ਾਨ ਸਰਨੇਮ ਹਟਾ ਰਹੇ ਹਨ। ਹਾਲਾਂਕਿ ਉਨ੍ਹਾਂ ਨੇ ਇਸ ਪਿੱਛੇ ਦੀ ਵਜ੍ਹਾ ਨਹੀਂ ਦੱਸੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਦੀ ਯਾਦ 'ਚ ਇਸ ਕਲਾਕਾਰ ਨੇ ਬਣਾਏ ਟਰੈਕਟਰ-5911 ਦੇ ਮਾਡਲ, ਦਿੱਤੀ ਸ਼ਰਧਾਂਜਲੀ

ਕੇ. ਆਰ. ਕੇ. ਨੇ ਟਵੀਟ ਕਰਦਿਆਂ ਲਿਖਿਆ, ‘‘ਅੱਜ ਮੈਂ ਇਹ ਫ਼ੈਸਲਾ ਲਿਆ ਹੈ ਕਿ ਮੈਂ ਆਪਣੇ ਨਾਂ ਤੋਂ ਖ਼ਾਨ ਸਰਨੇਮ ਹਟਾ ਰਿਹਾ ਹਾਂ। ਮੇਰੀ ਪਤਨੀ ਦਾ ਨਾਂ ਅਨੀਤਾ ਕੁਮਾਰ ਹੈ, ਇਸ ਲਈ ਹੁਣ ਤੋਂ ਮੇਰਾ ਨਾਂ ਕਮਾਲ ਰਾਸ਼ਿਦ ਕੁਮਾਰ ਰਹੇਗਾ।’’

ਕੇ. ਆਰ. ਕੇ. ਦੇ ਟਵੀਟ ਨੂੰ ਦੇਖ ਕੇ ਪ੍ਰਸ਼ੰਸਕ ਉਸ ਨੂੰ ਟਰੋਲ ਕਰ ਰਹੇ ਹਨ। ਹਾਲਾਂਕਿ ਸੋਸ਼ਲ ਮੀਡੀਆ ’ਤੇ ਯੂਜ਼ਰਸ ਇਹ ਜ਼ਰੂਰ ਜਾਣਨਾ ਚਾਹੁੰਦੇ ਹਨ ਕਿ ਕੇ. ਆਰ. ਕੇ. ਨੇ ਅਜਿਹਾ ਕਿਉਂ ਕੀਤਾ ਹੈ?

ਸੋਸ਼ਲ ਮੀਡੀਆ ’ਤੇ ਇਕ ਯੂਜ਼ਰ ਨੇ ਲਿਖਿਆ, ‘‘ਇਹ ਬਹੁਤ ਹੀ ਬੋਲਡ ਫ਼ੈਸਲਾ ਹੈ। ਭਾਰਤ ’ਚ ਆਮ ਤੌਰ ’ਤੇ ਵਿਆਹ ਤੋਂ ਬਾਅਦ ਔਰਤਾਂ ਪਤੀ ਦਾ ਸਰਨੇਮ ਲਗਾਉਂਦੀਆਂ ਹਨ ਪਰ ਤੁਸੀਂ ਸਮਾਜ ’ਚ ਬਦਲਾਅ ਲਿਆ ਰਹੇ ਹੋ।’’

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।