ਕੋਰੋਨਾ ਦੀ ਚਪੇਟ 'ਚ ਆਏ 'ਕਸੌਟੀ ਜ਼ਿੰਦਗੀ ਕੇ' ਫੇਮ ਪਾਰਥ ਸਮਥਾਨ
07/12/2020 7:21:30 PM
ਮੁੰਬਈ(ਬਿਊਰੋ) : ਕੋਰੋਨਾ ਵਾਇਰਸ ਦੇ ਲਗਾਤਾਰ ਮਾਮਲੇ ਵੱਧਦੇ ਜਾ ਰਹੇ ਹਨ ਤੇ ਹੁਣ ਕੋਰੋਨਾ ਵਾਇਰਸ ਟੀ ਵੀ ਤੇ ਫ਼ਿਲਮ ਕਲਾਕਾਰਾਂ ਨੂੰ ਆਪਣੀ ਚਪੇਟ 'ਚ ਲੈ ਰਿਹਾ ਹੈ। ਹਾਲ ਹੀ 'ਚ ਕੋਰੋਨਾ ਨੇ 'ਕਸੌਟੀ ਜ਼ਿੰਦਗੀ ਕੇ' ਫੇਮ ਪਾਰਥ ਸਮਥਾਨ ਨੂੰ ਆਪਣਾ ਸ਼ਿਕਾਰ ਬਣਾਇਆ ਹੈ ਤੇ ਉਹਨਾਂ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਈ ਹੈ।
ਪਾਰਥ ਸਮਥਾਨ ਦੇ ਪਾਜ਼ੇਟਿਵ ਆਉਣ ਦੇ ਨਾਲ-ਨਾਲ ਇਕ ਵਾਰ ਫਿਰ ਟੀ ਵੀ ਇੰਡਸਟਰੀ ਨੂੰ ਵੱਡਾ ਝਟਕਾ ਲੱਗਾ ਹੈ। ਫੈਨਜ਼ ਇਹ ਖਬਰਾਂ ਸੁਣ ਕੇ ਕਾਫੀ ਸ਼ੌਕਡ ਨਜ਼ਰ ਆ ਰਹੇ ਹਨ।ਦੱਸ ਦਈਏ ਕਿ ਬੀਤੀ ਰਾਤ ਅਮਿਤਾਭ ਬੱਚਨ ਤੇ ਅਭਿਸ਼ੇਕ ਬੱਚਨ ਕੋਰੋਨਾ ਪਾਜ਼ੇਟਿਵ ਆਏ ਸਨ।
ਪਾਰਥ 'ਕਸੌਟੀ ਜ਼ਿੰਦਗੀ ਕੇ' ਸੀਰੀਅਲ 'ਚ ਅਨੁਰਾਗ ਬਾਸੂ ਦੇ ਕਿਰਦਾਰ ਨਾਲ ਮਸ਼ਹੂਰ ਹਨ ਤੇ ਕੁਝ ਦਿਨ ਪਹਿਲਾਂ ਹੀ ਮੁੜ ਤੋਂ ਸੀਰੀਅਲ ਦੀ ਸ਼ੂਟਿੰਗ ਸ਼ੁਰੂ ਹੋਈ ਸੀ ਤੇ ਹੁਣ ਪਾਰਥ ਦੇ ਪਾਜ਼ੇਟਿਵ ਆਉਣ ਨਾਲ ਹੁਣ ਫਿਰ ਤੋਂ ਸ਼ੂਟਿੰਗ ਰੁੱਕ ਸਕਦੀ ਹੈ।