ਕਰੀਨਾ ਕਪੂਰ ਖਾਨ ਨੇ ਪਤੀ ਸੈਫ ਅਲੀ ਖਾਨ ਲਈ ਸਾਂਝਾ ਕੀਤਾ ਖਾਸ ਪੱਤਰ, ਆਖ''ਤੀ ਵੱਡੀ ਗੱਲ

ਨਵੀਂ ਦਿੱਲੀ- ਬਾਲੀਵੁੱਡ ਦੀ ਪਸੰਦੀਦਾ ਜੋੜੀ ਕਰੀਨਾ ਕਪੂਰ ਖਾਨ ਅਤੇ ਸੈਫ ਅਲੀ ਖਾਨ ਹਮੇਸ਼ਾ ਚਰਚਾ ਵਿੱਚ ਰਹਿੰਦੇ ਹਨ। ਅੱਜ ਕਰੀਨਾ ਕਪੂਰ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪਤੀ ਸੈਫ ਅਲੀ ਖਾਨ ਲਈ ਇੱਕ ਖਾਸ ਪੱਤਰ ਲਿਖਿਆ ਹੈ, ਜਿਸ ਨੇ ਸਾਰਿਆਂ ਦਾ ਧਿਆਨ ਖਿੱਚਿਆ ਹੈ। ਕਰੀਨਾ ਨੇ ਇਹ ਪੱਤਰ ਆਪਣੇ ਇੰਸਟਾਗ੍ਰਾਮ ਸਟੋਰੀ 'ਤੇ ਸ਼ੇਅਰ ਕਰਕੇ ਆਪਣੇ ਦਿਲ ਦੀ ਗੱਲ ਲਿਖੀ ਹੈ। ਇਹ ਲੈਟਰ ਪੜ੍ਹਨ ਵਾਲਿਆਂ ਨੂੰ ਵੀ ਕਾਫੀ ਹੈਰਾਨੀ ਹੋਈ ਹੈ।
ਕਰੀਨਾ ਨੇ ਲੈਟਰ ਵਿੱਚ ਕੀ ਲਿਖਿਆ?
ਕਰੀਨਾ ਕਪੂਰ ਨੇ ਆਪਣੇ ਪਤੀ ਸੈਫ ਲਈ ਆਪਣੇ ਦਿਲ ਦੀ ਗੱਲ ਲਿਖੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਇੱਕ ਮਾਂ ਦੇ ਰੂਪ ਵਿੱਚ ਆਪਣੀ ਸਥਿਤੀ ਨੂੰ ਬਿਆਨ ਕੀਤਾ ਹੈ। ਕਰੀਨਾ ਨੇ ਲਿਖਿਆ: "ਹਾਇ ਸੈਫ, ਮੈਂ ਤਾਂ ਬੱਸ ਇੱਕ ਮਾਂ ਹਾਂ, ਜੋ ਆਪਣੇ ਪਤੀ ਦੇ ਸਾਹਮਣੇ ਖੜ੍ਹੀ ਹੈ ਅਤੇ ਕੁਝ ਕਹਿਣਾ ਚਾਹੁੰਦੀ ਹੈ।" "ਪਰ ਹੁਣ ਯਾਦ ਨਹੀਂ ਕੀ ਕਹਿਣਾ ਸੀ, ਕਿਉਂਕਿ ਸਾਡੇ ਬੱਚੇ ਸਾਨੂੰ 175 ਵਾਰ ਟੋਕ ਚੁੱਕੇ ਹਨ।"

ਕਰੀਨਾ ਅਤੇ ਸੈਫ ਦਾ ਪਰਿਵਾਰ
ਕਰੀਨਾ ਕਪੂਰ ਅਤੇ ਸੈਫ ਅਲੀ ਖਾਨ ਦੀ ਜੋੜੀ ਬਾਲੀਵੁੱਡ ਦੀਆਂ ਪਸੰਦੀਦਾ ਜੋੜੀਆਂ ਵਿੱਚੋਂ ਇੱਕ ਹੈ। ਦੋਵਾਂ ਨੇ 16 ਅਕਤੂਬਰ 2012 ਨੂੰ ਕੋਰਟ ਮੈਰਿਜ ਕੀਤੀ ਸੀ, ਜਿਸ ਤੋਂ ਬਾਅਦ ਇੱਕ ਵੱਡਾ ਰਿਸੈਪਸ਼ਨ ਆਯੋਜਿਤ ਕੀਤਾ ਗਿਆ ਸੀ। ਵਿਆਹ ਤੋਂ ਪਹਿਲਾਂ ਦੋਵੇਂ ਲਗਭਗ ਪੰਜ ਸਾਲ ਤੱਕ ਰਿਲੇਸ਼ਨਸ਼ਿਪ ਵਿੱਚ ਰਹੇ ਸਨ। ਇਸ ਜੋੜੇ ਦੇ ਦੋ ਬੇਟੇ ਹਨ: ਤੈਮੂਰ ਅਲੀ ਖਾਨ, ਜਿਸਦਾ ਜਨਮ ਦਸੰਬਰ 2016 ਵਿੱਚ ਹੋਇਆ ਸੀ, ਅਤੇ ਜਹਾਂਗੀਰ ਅਲੀ ਖਾਨ (ਜੇਹ), ਜਿਸਦਾ ਜਨਮ ਫਰਵਰੀ 2021 ਵਿੱਚ ਹੋਇਆ ਸੀ। 
ਕਰੀਨਾ ਦਾ ਆਉਣ ਵਾਲਾ ਪ੍ਰੋਜੈਕਟ
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਕਰੀਨਾ ਜਲਦ ਹੀ ਮੇਘਨਾ ਗੁਲਜ਼ਾਰ ਦੀ ਆਗਾਮੀ ਕ੍ਰਾਈਮ-ਡਰਾਮਾ ਥ੍ਰਿਲਰ ਫਿਲਮ 'ਦਾਇਰਾ' ਵਿੱਚ ਨਜ਼ਰ ਆਵੇਗੀ। ਇਸ ਫਿਲਮ ਵਿੱਚ ਉਨ੍ਹਾਂ ਦੇ ਨਾਲ ਪ੍ਰਿਥਵੀਰਾਜ ਸੁਕੁਮਾਰਨ ਮੁੱਖ ਭੂਮਿਕਾ ਵਿੱਚ ਹਨ। ਫਿਲਮ 'ਦਾਇਰਾ' ਅਪਰਾਧ, ਸਜ਼ਾ ਅਤੇ ਨਿਆਂ ਦੇ ਵਿਚਕਾਰ ਸੰਘਰਸ਼ ਨੂੰ ਦਰਸਾਉਂਦੀ ਹੈ ਅਤੇ ਸਮਾਜ ਦੀਆਂ ਜਟਿਲਤਾਵਾਂ 'ਤੇ ਰੌਸ਼ਨੀ ਪਾਉਂਦੀ ਹੈ।