ਭਾਰਤੀ ਵੈਕਸੀਨ ’ਤੇ ਚੇਤਨ ਭਗਤ ਨੇ ਚੁੱਕੇ ਸਵਾਲ, ਕੰਗਨਾ ਰਣੌਤ ਨੇ ਦਿੱਤਾ ਤਿੱਖਾ ਜਵਾਬ

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਹਰ ਦਿਨ ਕਿਸੇ ਵਿਵਾਦ ਦਾ ਹਿੱਸਾ ਬਣੀ ਰਹਿੰਦੀ ਹੈ। ਉਹ ਸੋਸ਼ਲ ਮੀਡੀਆ ’ਤੇ ਵੀ ਬਹੁਤ ਸਰਗਰਮ ਹੈ ਤੇ ਦੇਸ਼ ’ਚ ਚੱਲ ਰਹੇ ਹਰ ਇਕ ਮੁੱਦੇ ’ਤੇ ਖੁੱਲ੍ਹ ਕੇ ਆਪਣੇ ਵਿਚਾਰ ਪ੍ਰਗਟ ਕਰਦੀ ਹੈ। ਇਸ ਦੇ ਨਾਲ ਹੀ ਕੰਗਨਾ ਨੇ ਚੇਤਨ ਭਗਤ ਨੂੰ ਨਿਸ਼ਾਨਾ ਬਣਾਇਆ ਹੈ। ਚੇਤਨ ਦੇ ਟਵੀਟਸ ’ਤੇ ਪ੍ਰਤੀਕਿਰਿਆ ਦਿੰਦਿਆਂ ਕੰਗਨਾ ਨੇ ਕਿਹਾ ਕਿ ਦੇਸ਼ ਸਾਡੇ ਸਾਰਿਆਂ ਦਾ ਹੈ ਤੇ ਤੁਸੀਂ ਇਸ ਨੂੰ ਨਫ਼ਰਤ ਕਰਨਾ ਬੰਦ ਕਰੋ।

ਦਰਅਸਲ ਚੇਤਨ ਭਗਤ ਨੇ ਦੇਸ਼ ’ਚ ਬਣੇ ਕੋਵਿਡ ਟੀਕੇ ਬਾਰੇ ਸਵਾਲ ਖੜ੍ਹੇ ਕੀਤੇ ਸਨ। ਇਸ ਦੇ ਨਾਲ ਹੀ ਉਸ ਨੇ ਵਿਦੇਸ਼ੀ ਟੀਕੇ ਫਾਈਜ਼ਰ ਤੇ ਮਾਡਰਨਾ ਦੀ ਵੀ ਪ੍ਰਸ਼ੰਸਾ ਕੀਤੀ। ਕੰਗਨਾ ਨੂੰ ਚੇਤਨ ਭਗਤ ਦੀ ਇਹੀ ਚੀਜ਼ ਪਸੰਦ ਨਹੀਂ ਸੀ ਤੇ ਉਸ ਨੇ ਚੇਤਨ ਦੀ ਕਲਾਸ ਲਾਉਣੀ ਸ਼ੁਰੂ ਕੀਤੀ ਤੇ ਇਥੋਂ ਤਕ ਕਹਿ ਦਿੱਤਾ ਕਿ ਉਸ ਨੂੰ ਦੇਸ਼ ਨਾਲ ਨਫ਼ਰਤ ਹੈ।

ਇਹ ਖ਼ਬਰ ਵੀ ਪੜ੍ਹੋ : 67 ਸਾਲਾਂ ਦੇ ਫ਼ਿਲਮੀ ਸਫਰ ’ਚ ਰਿਸ਼ੀ ਕਪੂਰ ਨੇ ਦਿੱਤੀਆਂ ਇਕ ਤੋਂ ਇਕ ਹੱਟ ਕੇ ਫ਼ਿਲਮਾਂ, ਜਾਣੋ ਜ਼ਿੰਦਗੀ ਦਾ ਸਫਰ

ਕੰਗਨਾ ਨੇ ਚੇਤਨ ਭਗਤ ਦੇ ਇਸ ਟਵੀਟ ਦਾ ਜਵਾਬ ਦਿੰਦਿਆਂ ਲਿਖਿਆ, ‘ਕਿਸ ਨੇ ਕਿਹਾ ਕਿ ਉਹ ਸਰਵੋਤਮ ਹਨ? ਮੇਰੇ ਬਹੁਤ ਸਾਰੇ ਦੋਸਤਾਂ ਨੂੰ ਫਾਈਜ਼ਰ ਟੀਕਾ ਲਗਾਇਆ ਗਿਆ ਹੈ ਤੇ ਇਸ ਨੂੰ ਲਗਾਉਣ ਤੋਂ ਬਾਅਦ ਉਸ ਦਾ ਬੁਖਾਰ ਤੇ ਸਰੀਰ ਦਾ ਦਰਦ ਹੋਰ ਵੀ ਵੱਧ ਗਿਆ। ਤੁਸੀਂ ਸਾਰੇ ਭਾਰਤ ਨਾਲ ਨਫ਼ਰਤ ਕਰਨਾ ਕਦੋਂ ਬੰਦ ਕਰੋਗੇ? ਭਾਰਤ ’ਚ ਬਣ ਰਹੇ ਟੀਕੇ ਦੀ ਪੂਰੀ ਦੁਨੀਆ ’ਚ ਮੰਗ ਹੈ ਤੇ ਇਸ ਸਮੇਂ ਸਵੈ-ਨਿਰਭਰ ਰਹਿਣ ਦਾ ਅਰਥ ਹੈ ਤੁਹਾਡੀ ਆਰਥਿਕਤਾ ਨੂੰ ਹੁਲਾਰਾ।’

Who said they are best? I have friends who took #Pfizer and suffered worse fevers/body aches, when will you all stop hating India / Indian, our own vaccines are much in demand across the world and right now to be #AatmanirbharBharat means boost in our economy, stop being a pest. https://t.co/yy9bYeyeWx

— Kangana Ranaut (@KanganaTeam) April 28, 2021

ਦੱਸਣਯੋਗ ਹੈ ਕਿ ਚੇਤਨ ਨੇ ਆਪਣੇ ਟਵੀਟ ’ਚ ਲਿਖਿਆ ਸੀ ਕਿ ਫਾਈਜ਼ਰ ਤੇ ਮਾਡਰਨਾ ਸਭ ਤੋਂ ਵਧੀਆ ਟੀਕੇ ਹਨ ਤੇ ਪਿਛਲੇ ਸਾਲ ਦਸੰਬਰ ’ਚ ਇਹ ਟੀਕੇ ਲਗਾਏ ਗਏ ਹਨ ਪਰ ਉਹ ਅਜੇ ਭਾਰਤ ’ਚ ਕਿਉਂ ਨਹੀਂ ਹਨ? ਕੀ ਅਸੀਂ ਚੰਗੀ ਚੀਜ਼ ਲੈਣ ਦੇ ਹੱਕਦਾਰ ਨਹੀਂ? ਕੀ ਅਸੀਂ ਵਿਦੇਸ਼ਾਂ ਤੋਂ ਰੱਖਿਆ ਉਪਕਰਨ ਨਹੀਂ ਖਰੀਦਦੇ? ਸਿਰਫ ਇਥੋਂ ਦਾ ਟੀਕਾ ਲਗਾਉਣਾ ਹੀ ਮਹੱਤਵਪੂਰਨ ਕਿਉਂ ਹੈ?’

Pfizer and Moderna are the best vaccines. They have been out since Dec-2020. Why don't we have them in India yet? Do we not deserve the best? Don't we buy defense equipment from abroad? Is this not a war like situation? Why does the vaccine have to be made here and only here?

— Chetan Bhagat (@chetan_bhagat) April 28, 2021

ਨੋਟ– ਚੇਤਨ ਭਗਤ ਤੇ ਕੰਗਨਾ ਰਣੌਤ ਦੇ ਇਨ੍ਹਾਂ ਟਵੀਟਸ ਨੂੰ ਤੁਸੀਂ ਕਿਵੇਂ ਦੇਖਦੇ ਹੋ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।