ਜਸਟਿਨ ਬੀਬਰ ਨੇ ਪਤਨੀ ਨਾਲ ਸਾਂਝੀਆਂ ਕੀਤੀਆਂ ਖੂਬਸੂਰਤ ਤਸਵੀਰਾਂ

ਲਾਸ ਐਂਜਲਸ- ਅਮਰੀਕੀ ਪੌਪਸਟਾਰ ਜਸਟਿਨ ਬੀਬਰ ਅਤੇ ਉਨ੍ਹਾਂ ਦੀ ਮਾਡਲ ਪਤਨੀ ਹੈਲੀ ਨੇ ਸੋਸ਼ਲ ਮੀਡੀਆ 'ਤੇ ਨਵੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਦੇ ਘਰ ਬੇਬੀ ਬੁਆਏ ਦੇ ਆਉਣ ਦੇ ਸੰਕੇਤ ਮਿਲੇ ਹਨ ਅਤੇ ਉਨ੍ਹਾਂ ਨੂੰ ਵਧਾਈਆਂ ਦੇ ਰਹੇ ਹਨ।

ਜਸਟਿਨ ਨੇ ਇੰਸਟਾਗ੍ਰਾਮ 'ਤੇ ਫੋਟੋਸ਼ੂਟ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਹਾਲਾਂਕਿ, ਲੋਕਾਂ ਦਾ ਧਿਆਨ ਦੋ ਤਸਵੀਰਾਂ ਵੱਲ ਖਿੱਚਿਆ ਗਿਆ, ਜਿਸ ਵਿੱਚ ਇਹ ਜੋੜਾ ਇੱਕ ਲਾਈਟ ਦੇ ਸਾਹਮਣੇ ਖੜ੍ਹਾ ਦਿਖਾਈ ਦੇ ਰਿਹਾ ਹੈ, ਜਿਸ 'ਚ ਨੀਲਾ ਰੰਗ ਨਜ਼ਰ ਆ ਰਿਹਾ ਹੈ। ਤਸਵੀਰਾਂ 'ਚ ਜਸਟਿਨ ਖਾਕੀ ਸ਼ਾਰਟਸ ਅਤੇ ਕਾਲੇ ਰੰਗ ਦੀ ਕਮੀਜ਼ 'ਚ ਬੇਹੱਦ ਖੂਬਸੂਰਤ ਲੱਗ ਰਹੇ ਹਨ, ਜਦਕਿ ਉਨ੍ਹਾਂ ਦੀ ਪਤਨੀ ਲਾਲ ਰੰਗ ਦੀ ਡਰੈੱਸ 'ਚ ਸ਼ਾਨਦਾਰ ਲੱਗ ਰਹੀ ਹੈ।

ਪਿਛਲੇ ਮਹੀਨੇ ਹੀ, ਜਸਟਿਨ ਨੇ ਉਸ ਦੀ ਅਤੇ ਹੈਲੀ ਨੇ ਦਿਲ ਛੂਹਣ ਵਾਲਾ ਵੀਡੀਓ ਸਾਂਝਾ ਕੀਤਾ। ਹਾਲਾਂਕਿ ਵੀਡੀਓ 'ਚ ਕੈਪਸ਼ਨ ਨਹੀਂ ਦਿੱਤਾ ਗਿਆ ਸੀ। ਫੈਨਜ਼ ਤਸਵੀਰਾਂ ਦੇਖ ਕੇ ਅੰਦਾਜ਼ਾ ਲਗਾ ਰਹੇ ਹਨ ਕਿ ਇਹ ਜੋੜਾ ਇੱਕ ਪੁੱਤਰ ਦੀ ਉਮੀਦ ਕਰ ਰਿਹਾ ਹੈ।

ਜਸਟਿਨ ਅਤੇ ਹੈਲੀ ਲੰਬੇ ਸਮੇਂ ਤੋਂ ਦੋਸਤ ਸਨ। ਉਨ੍ਹਾਂ ਨੇ 2015 ਤੋਂ 2016 ਤੱਕ ਥੋੜ੍ਹੇ ਸਮੇਂ ਲਈ ਇੱਕ ਦੂਜੇ ਨੂੰ ਡੇਟ ਕੀਤਾ, ਪਰ ਬਾਅਦ 'ਚ ਉਹ ਵੱਖ ਹੋ ਗਏ। ਸਾਲ 2018 'ਚ ਉਨ੍ਹਾਂ ਨੇ ਮੁੜ ਸੁਲ੍ਹਾ ਕੀਤੀ ਅਤੇ ਮੰਗਣੀ ਕਰ ਲਈ। ਉਸੇ ਸਾਲ ਜਸਟਿਨ ਨੇ ਮਾਡਲ ਨਾਲ ਆਪਣੇ ਵਿਆਹ ਦੀ ਪੁਸ਼ਟੀ ਕੀਤੀ।