ਬੈਡਮਿੰਟਨ ਚੈਂਪੀਅਨ ਪੀਵੀ ਸਿੰਧੂ ਨਾਲ ਪਸੀਨਾ ਵਹਾਉਂਦੀ ਦਿਸੀ ਦੀਪਿਕਾ ਪਾਦੂਕੋਣ, ਤਸਵੀਰਾਂ ਵਾਇਰਲ
09/22/2021 9:58:02 AM
ਮੁੰਬਈ (ਬਿਊਰੋ) - ਜੇ ਤੁਸੀਂ ਇਹ ਜਾਣਨਾ ਚਾਹੁੰਦੇ ਹੋ ਕਿ ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਆਪਣੀ ਲਾਈਫ ਇੱਕ ਰੈਗੂਲਰ ਡੇਅ ਨੂੰ ਕਿਵੇਂ ਸਪੈਂਡ ਕਰਦੀ ਹੈ ਤਾਂ ਤੁਹਾਡੇ ਲਈ ਇੱਥੇ ਕੁਝ ਖ਼ਾਸ ਹੈ। ਦੀਪਿਕਾ ਪਾਦੂਕੋਣ ਨੇ ਮੰਗਲਵਾਰ ਵਾਲੇ ਦਿਨ ਦਾ ਜ਼ਿਆਦਾਤਰ ਹਿੱਸਾ ਬੈਡਮਿੰਟਨ ਚੈਂਪੀਅਨ ਪੀਵੀ ਸਿੰਧੂ ਨਾਲ ਬੈਡਮਿੰਟਨ ਖੇਡਣ ਅਤੇ "ਕੈਲੋਰੀ ਬਰਨਿੰਗ" 'ਚ ਬਿਤਾਇਆ।
ਦੀਪਿਕਾ ਨੇ ਆਪਣੇ ਬੈਡਮਿੰਟਨ ਸੈਸ਼ਨ ਦੀਆਂ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਅਤੇ ਲਿਖਿਆ, "ਮੇਰੀ ਜ਼ਿੰਦਗੀ ਦਾ ਇੱਕ ਰੈਗੂਲਰ ਦਿਨ... ਪੀਵੀ ਸਿੰਧੂ ਨਾਲ ਕੈਲੋਰੀਸ ਬਰਨ ਕਰਕੇ ਬਿਤਾਇਆ ਗਿਆ।"
ਤਸਵੀਰਾਂ 'ਚ ਦੀਪਿਕਾ ਪਾਦੂਕੋਣ ਤੇ ਬੈਡਮਿੰਟਨ ਖਿਡਾਰੀ ਪੀਵੀ ਸਿੰਧੂ ਨੂੰ ਇਕੱਠੇ ਹੱਸਦੇ ਹੋਏ ਤੇ ਬੈਡਮਿੰਟਨ ਖੇਡ ਪਸੀਨਾ ਵਹਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਦੀਪਿਕਾ ਪਾਦੂਕੋਣ ਵੀ ਬੈਡਮਿੰਟਨ ਨਾਲ ਇੱਕ ਤੋਂ ਵੱਧ ਤਰੀਕਿਆਂ ਨਾਲ ਜੁੜੀ ਹੋਈ ਹੈ।
ਦੀਪਿਕਾ ਨੇ ਨੈਸ਼ਨਲ ਲੈਵਲ ਦੀਆਂ ਚੈਂਪੀਅਨਸ਼ਿਪਸ ਵੀ ਖੇਡੀਆਂ ਹਨ। ਦੀਪਿਕਾ ਦੇ ਪਿਤਾ ਪ੍ਰਕਾਸ਼ ਪਾਦੂਕੋਣ ਇੱਕ ਮਸ਼ਹੂਰ ਬੈਡਮਿੰਟਨ ਖਿਡਾਰੀ ਹਨ, ਜਿਨ੍ਹਾਂ ਨੇ 1980 'ਚ ਲੰਡਨ ਦੇ ਵੈਂਬਲੇ ਅਰੇਨਾ 'ਚ ਆਲ ਇੰਗਲੈਂਡ ਬੈਡਮਿੰਟਨ ਚੈਂਪੀਅਨਸ਼ਿਪ ਜਿੱਤੀ ਸੀ।
ਇਨ੍ਹਾਂ ਤਸਵੀਰਾਂ ਤੋਂ ਹੁਣ ਇਹ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਕਿ ਦੀਪਿਕਾ ਪਾਦੂਕੋਣ, ਬੈਡਮਿੰਟਨ ਖਿਡਾਰੀ ਪੀਵੀ ਸਿੰਧੂ ਦੀ ਬਾਇਓਪਿਕ ਕਰਨ ਵਾਲੀ ਹੈ। ਜੇਕਰ ਅਜਿਹਾ ਹੀ ਹੁੰਦਾ ਹੈ ਤਾਂ ਇਹ ਫ਼ਿਲਮ ਆਪਣੇ ਆਪ 'ਚ ਕਾਫ਼ੀ ਵੱਡੀ ਫ਼ਿਲਮ ਹੋਵੇਗੀ।
ਇਸ ਮਹੀਨੇ ਦੇ ਸ਼ੁਰੂ 'ਚ ਦੀਪਿਕਾ ਪਾਦੂਕੋਣ ਅਤੇ ਉਨ੍ਹਾਂ ਦੇ ਪਤੀ ਰਣਵੀਰ ਸਿੰਘ ਨੇ ਪੀਵੀ ਸਿੰਧੂ ਨਾਲ ਡਿਨਰ ਕੀਤਾ ਸੀ। ਜਿਸ ਨੇ ਇਸ ਸਾਲ ਟੋਕੀਓ ਓਲੰਪਿਕ 'ਚ ਮਹਿਲਾ ਸਿੰਗਲ ਬੈਡਮਿੰਟਨ 'ਚ ਕਾਂਸੇ ਦਾ ਤਗਮਾ ਅਤੇ 2016 ਰੀਓ ਓਲੰਪਿਕ 'ਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ।
ਨੋਟ - ਦੀਪਿਕਾ ਪਾਦੂਕੋਣ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
