ਟੌਮ ਹੌਲੈਂਡ ਨੇ ਸ਼ਰਾਬ ਛੱਡਣ ਤੋਂ ਬਾਅਦ ਆਪਣੀ ਸਫਲਤਾ ਤੇ ਵਧੇਰੇ ਆਤਮ-ਵਿਸ਼ਵਾਸ ਬਾਰੇ ਖੁੱਲ੍ਹ ਕੇ ਕੀਤੀ ਗੱਲ

ਲਾਸ ਏਂਜਲਸ (ਏਜੰਸੀ) - ਹਾਲੀਵੁੱਡ ਸਟਾਰ ਟੌਮ ਹੌਲੈਂਡ ਦਾ ਕਹਿਣਾ ਹੈ ਕਿ ਸ਼ਰਾਬ ਛੱਡਣ ਨਾਲ ਉਹ ਹੁਣ ਇੱਕ ਵਿਅਕਤੀ ਵਜੋਂ ਵਧੇਰੇ ਆਤਮ-ਵਿਸ਼ਵਾਸੀ ਮਹਿਸੂਸ ਕਰਦੇ ਹਨ। ਉਨ੍ਹਾਂ ਦੱਸਿਆ ਕਿ ਸ਼ਰਾਬ ਉਨ੍ਹਾਂ ਦੇ ਪੇਸ਼ੇਵਰ ਜ਼ਿੰਦਗੀ ਵਿੱਚ ਰੁਕਾਵਟ ਬਣ ਰਹੀ ਸੀ। ਹੌਲੈਂਡ ਨੇ ਜਨਵਰੀ 2022 ਵਿੱਚ "ਡਰਾਈ ਜਨਵਰੀ" ਚੁਣੌਤੀ ਤੋਂ ਬਾਅਦ ਸ਼ਰਾਬ ਛੱਡਣ ਦਾ ਫੈਸਲਾ ਕੀਤਾ ਸੀ, ਜਿਸ ਨਾਲ ਉਨ੍ਹਾਂ ਨੂੰ ਅਹਿਸਾਸ ਹੋਇਆ ਕਿ ਸ਼ਰਾਬ ਉਨ੍ਹਾਂ ਨੂੰ ਕਿਵੇਂ ਪ੍ਰਭਾਵਿਤ ਕਰ ਰਹੀ ਸੀ। ਉਨ੍ਹਾਂ ਨੇ BERO ਨਾਮ ਦਾ ਇੱਕ non-alcoholic ਬੀਅਰ ਬ੍ਰਾਂਡ ਵੀ ਲਾਂਚ ਕੀਤਾ ਹੈ।

ਇਕ ਇੰਟਰਵਿਊ ਦੌਰਾਨ "ਮੈਂ ਪਿਛਲੇ 4 ਸਾਲਾਂ ਵਿੱਚ ਮੈਂ ਬਹੁਤ ਖੁਸ਼ਕਿਸਮਤ ਰਿਹਾ ਹਾਂ ਕਿ ਮੇਰਾ ਕਰੀਅਰ ਸੱਚਮੁੱਚ ਬਹੁਤ ਹੀ ਵਧੀਆ ਤਰੀਕੇ ਨਾਲ ਅੱਗੇ ਵੱਧ ਰਿਹਾ ਹੈ, ਜੇਕਰ ਮੈਂ ਅਜੇ ਵੀ ਸ਼ਰਾਬ ਪੀ ਰਿਹਾ ਹੁੰਦਾ ਤਾਂ ਸ਼ਾਇਦ ਇਹ ਸਫਲਤਾ ਨਾ ਮਿਲਦੀ। ਹੁਣ ਮੈਂ ਹਰ ਰੋਜ਼ ਸਾਫ਼ ਦਿਮਾਗ ਅਤੇ ਤਾਜ਼ਗੀ ਨਾਲ ਉੱਠਦਾ ਹਾਂ, ਜਿਸ ਨਾਲ ਮੇਰਾ ਆਤਮ-ਵਿਸ਼ਵਾਸ ਵਧਿਆ ਹੈ।"

ਅਦਾਕਾਰ ਨੇ ਸ਼ਰਾਬ ਨੂੰ "ਇੱਕ ਬਹੁਤ ਹੀ ਖ਼ਤਰਨਾਕ ਚੀਜ਼" ਦੱਸਿਆ ਅਤੇ ਖੁਸ਼ੀ ਜ਼ਾਹਰ ਕੀਤੀ ਕਿ ਅੱਜ-ਕੱਲ੍ਹ ਦੇ ਨੌਜਵਾਨ ਸ਼ਰਾਬ ਤੋਂ ਦੂਰ ਹੋ ਰਹੇ ਹਨ ਅਤੇ ਵਿਕਲਪਾਂ ਦੀ ਭਾਲ ਕਰ ਰਹੇ ਹਨ। ਮੈਨੂੰ ਲੱਗਦਾ ਹੈ ਕਿ ਇਸ ਨਾਲ ਇੱਕ ਸੁਰੱਖਿਅਤ ਵਾਤਾਵਰਣ ਬਣਦਾ ਹੈ।" ਹੌਲੈਂਡ ਨੇ ਆਪਣੇ ਦੋਸਤਾਂ ਨਾਲ ਹਾਲ ਹੀ ਵਿੱਚ ਹੋਈ ਮੁਲਾਕਾਤ ਨੂੰ ਯਾਦ ਦੱਸਿਆ ਕਿ ਉਨ੍ਹਾਂ ਨੇ ਵੀ "ਸ਼ਰਾਬ ਪੀਣੀ" ਘੱਟ ਕਰ ਦਿੱਤੀ ਹੈ। ਪਹਿਲਾਂ ਅਸੀਂ ਦੇਰ ਰਾਤ 1 ਵਜੇ ਤੱਕ ਸ਼ਰਾਬ ਪੀਂਦੇ ਰਹਿੰਦੇ ਸੀ ਅਤੇ ਅਗਲੇ ਦਿਨ ਸਾਨੂੰ ਸਾਰਿਆਂ ਨੂੰ ਹੈਂਗਓਵਰ ਦੀ ਲੋੜ ਹੁੰਦੀ ਸੀ ਪਰ ਹੁਣ ਅਜਿਹਾ ਨਹੀਂ ਹੈ। ਹੁਣ ਸਾਰੇ ਇੱਕ-ਦੂਜੇ ਦੇ ਸਾਥ ਦਾ ਸਹੀ ਅਰਥਾਂ ਵਿੱਚ ਅਨੰਦ ਲੈਂਦੇ ਹਨ।