ਇੰਦਰਾ ਗਾਂਧੀ ਦੇ ਰੂਪ 'ਚ ਲਾਰਾ ਦੱਤਾ ਨੂੰ ਦੇਖ ਹੈਰਾਨ ਹੋਏ ਪ੍ਰਸ਼ੰਸਕ, ਕਿਹਾ-'ਮੇਕਅਪ ਕਲਾਕਾਰ ਨੂੰ ਮਿਲਣਾ ਚਾਹੀਦਾ ਅਵਾਰਡ
08/04/2021 3:28:50 PM
ਮੁੰਬਈ : ਬਾਲੀਵੁੱਡ ਅਦਾਕਾਰਾ ਅਕਸ਼ੈ ਕੁਮਾਰ ਦੀ ਮਲਟੀਸਟਾਰਰ ਫਿਲਮ 'ਬੈਲ ਬੌਟਮ' ਇਸ ਸਮੇਂ ਕਾਫੀ ਚਰਚਾ 'ਚ ਹੈ। ਫਿਲਮ ਦਾ ਟ੍ਰੇਲਰ ਮੰਗਲਵਾਰ ਦੇਰ ਰਾਤ ਰਿਲੀਜ਼ ਕੀਤਾ ਗਿਆ, ਜੋ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਵਾਇਰਲ ਹੋ ਰਿਹਾ ਹੈ। ਪ੍ਰਸ਼ੰਸਕਾਂ ਨੇ ਟ੍ਰੇਲਰ ਨੂੰ ਬਹੁਤ ਪਸੰਦ ਕੀਤਾ ਹੈ, ਇਸ ਲਈ ਹੁਣ ਉਹ ਸਿਰਫ਼ ਫਿਲਮ ਦੇ ਰਿਲੀਜ਼ ਹੋਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਇਸ ਦੌਰਾਨ ਟ੍ਰੇਲਰ ਵਿਚ ਨਜ਼ਰ ਆਈ ਲਾਰਾ ਦੱਤਾ ਦੀ ਝਲਕ ਨੇ ਵੀ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਦਰਅਸਲ ਲਾਰਾ ਦੱਤਾ ਫਿਲਮ 'ਬੈੱਲ ਬੌਟਮ' ਵਿਚ ਮਰਹੂਮ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਲੁੱਕ ਵਿਚ ਨਜ਼ਰ ਆ ਰਹੀ ਹੈ। ਇਸ ਭੂਮਿਕਾ ਲਈ ਅਦਾਕਾਰਾ ਦੁਆਰਾ ਕੀਤਾ ਗਿਆ ਮੇਕਅਪ ਅਤੇ ਪਰਿਵਰਤਨ ਸ਼ਲਾਘਾਯੋਗ ਹੈ। ਲਾਰਾ ਨੇ ਆਪਣੀ ਭੂਮਿਕਾ ਨੂੰ ਨਿਭਾਉਣ ਲਈ ਸਖ਼ਤ ਮਿਹਨਤ ਕੀਤੀ ਹੈ। ਇਹ ਉਸਦੇ ਲੁੱਕ ਤੋਂ ਸਪੱਸ਼ਟ ਤੌਰ 'ਤੇ ਦੇਖਿਆ ਜਾ ਸਕਦਾ ਹੈ। ਕਾਲੇ ਵਾਲਾਂ ਦੇ ਵਿਚਕਾਰ ਕੁਝ ਚਿੱਟੇ ਰੰਗ ਦੀ ਪੱਟੀ, ਸਾੜੀ ਪਾਉਣ ਦਾ ਉਹੀ ਅੰਦਾਜ਼, ਚਿਹਰੇ 'ਤੇ ਉਹੀ ਵਿਰਾਮ ... ਅਦਾਕਾਰਾ ਇਸ ਲੁੱਕ ਵਿਚ ਬਿਲਕੁਲ ਇੰਦਰਾ ਗਾਂਧੀ ਵਰਗੀ ਲੱਗਦੀ ਹੈ।
ਲਾਰਾ ਦੱਤਾ ਦਾ ਮੇਕਅਪ ਦੇਖਣ ਤੋਂ ਬਾਅਦ ਉਨ੍ਹਾਂ ਦੇ ਮੇਕਅਪ ਕਲਾਕਾਰ ਦੀ ਵੀ ਸੋਸ਼ਲ ਮੀਡੀਆ 'ਤੇ ਖੂਬ ਤਾਰੀਫ ਹੋ ਰਹੀ ਹੈ। ਲੋਕ ਮੇਕਅਪ ਕਲਾਕਾਰ ਨੂੰ ਰਾਸ਼ਟਰੀ ਪੁਰਸਕਾਰ ਦੇਣ ਦੀ ਮੰਗ ਕਰ ਰਹੇ ਹਨ। ਲਾਰਾ ਦੱਤਾ ਦੀ ਫੋਟੋ ਸੋਸ਼ਲ ਮੀਡੀਆ 'ਤੇ ਕਾਫੀ ਟ੍ਰੈਂਡ ਕਰ ਰਹੀ ਹੈ। ਲੋਕਾਂ ਕਈ ਤਰ੍ਹਾਂ ਨਾਲ ਇਸ 'ਤੇ ਕੁਮੈਂਟਸ ਕੀਤੇ।
ਇਕ ਯੂਜ਼ਰ ਨੇ ਲਿਖਿਆ,'ਜਦੋਂ ਮੈਂ ਟ੍ਰੇਲਰ ਦੇਖਿਆ ਮੈਨੂੰ ਲੱਗਾ ਲਾਰਾ ਦੱਤਾ ਕਿਤੇ ਦਿਸੀ ਨਹੀਂ। ਜਦੋਂ ਮੈਂ ਗੂਗਲ ਕੀਤਾ ਤਾਂ ਪਤਾ ਲੱਗਾ ਕਿ ਇੰਦਰਾ ਜੀ ਹੀ ਲਾਰਾ ਦੱਤਾ ਹੈ।
'ਬੈੱਲ ਬੌਟਮ' ਕੋਰੋਨਾ ਪੀਰੀਅਡ ਤੋਂ ਬਾਅਦ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਣ ਵਾਲੀ ਪਹਿਲੀ ਬਿਗ ਬਜਟ ਫਿਲਮ ਹੈ। ਇਹ ਫਿਲਮ 3 ਡੀ ਵਿਚ ਵੀ ਰਿਲੀਜ਼ ਹੋਵੇਗੀ। ਇਸ ਫਿਲਮ ਦੀ ਰਿਲੀਜ਼ ਡੇਟ 'ਚ ਕਈ ਬਦਲਾਅ ਤੋਂ ਬਾਅਦ ਹੁਣ ਇਸ ਦੀ ਫਾਈਨਲ ਰਿਲੀਜ਼ ਡੇਟ ਦਾ ਖੁਲਾਸਾ ਹੋਇਆ ਹੈ। ਇਹ ਫਿਲਮ 19 ਅਗਸਤ ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਣ ਵਾਲੀ ਹੈ। ਇਸ ਦੇ ਨਾਲ ਹੀ ਫਿਲਮ ਵਿਚ ਅਕਸ਼ੈ ਕੁਮਾਰ ਤੋਂ ਇਲਾਵਾ ਵਾਣੀ ਕਪੂਰ, ਹੁਮਾ ਕੁਰੈਸ਼ੀ, ਲਾਰਾ ਦੱਤਾ, ਜੈਕੀ ਭਗਨਾਨੀ ਅਹਿਮ ਭੂਮਿਕਾਵਾਂ ਵਿਚ ਨਜ਼ਰ ਆਉਣ ਵਾਲੇ ਹਨ।
