ਫਿਰ ਗਮ ''ਚ ਡੁੱਬੀ ਫਿਲਮ ਇੰਡਸਟਰੀ, ਜਸਵਿੰਦਰ ਭੱਲਾ ਤੋਂ ਬਾਅਦ ਗੁਆਇਆ ਇਕ ਹੋਰ ਚਮਕਦਾ ਸਿਤਾਰਾ

ਐਂਟਰਟੇਨਮੈਂਟ ਡੈਸਕ- ਫਿਲਮੀਂ ਦੁਨੀਆ ਤੋਂ ਆਏ ਦਿਨ ਮੰਦਭਾਗੀ ਖ਼ਬਰਾਂ ਸਾਹਮਣੇ ਆ ਰਹੀਆਂ ਹਨ। ਹਾਲੇ ਪ੍ਰਸ਼ੰਸਕ ਮਸ਼ਹੂਰ ਪੰਜਾਬੀ ਕਾਮੇਡੀਅਮ ਅਤੇ ਅਦਾਕਾਰ ਜਸਵਿੰਦਰ ਭੱਲਾ ਦੇ ਦੇਹਾਂਤ 'ਤੇ ਉਭਰੇ ਨਹੀਂ ਹਨ ਕਿ ਹੁਣ ਮਨੋਰੰਜਨ ਜਗਤ ਦੇ ਮਸ਼ਹੂਰ ਅਦਾਕਾਰ ਦਾ ਦੇਹਾਂਤ ਹੋ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਆ ਰਹੀ ਹੈ। ਸੀਨੀਅਰ ਕੰਨੜ ਅਦਾਕਾਰ ਦਿਨੇਸ਼ ਮੰਗਲੁਰੂ ਦਾ ਦੇਹਾਂਤ ਹੋ ਗਿਆ ਹੈ। ਉਨ੍ਹਾਂ ਨੇ ਅੱਜ ਉਡੂਪੀ ਜ਼ਿਲ੍ਹੇ ਦੇ ਕੁੰਡਾਪੁਰਾ ਸਥਿਤ ਆਪਣੇ ਘਰ 'ਤੇ ਆਖਰੀ ਸਾਹ ਲਿਆ। ਅਦਾਕਾਰ ਦੀ ਮੌਤ ਤੋਂ ਬਾਅਦ ਮਨੋਰੰਜਨ ਜਗਤ ਤੇ ਕੰਨੜ ਫਿਲਮ ਇੰਡਸਟਰੀ ਵਿੱਚ ਸੋਗ ਦਾ ਮਾਹੌਲ ਹੈ।

ਇੱਕ ਕਲਾ ਨਿਰਦੇਸ਼ਕ ਵਜੋਂ ਸ਼ੁਰੂਆਤ ਕੀਤੀ
ਦਿਨੇਸ਼ ਮੰਗਲੁਰੂ ਆਪਣੀਆਂ ਮਜ਼ਬੂਤ ​​ਅਤੇ ਯਾਦਗਾਰੀ ਸਹਾਇਕ ਅਤੇ ਨਕਾਰਾਤਮਕ ਭੂਮਿਕਾਵਾਂ ਲਈ ਜਾਣੇ ਜਾਂਦੇ ਹਨ। ਪਰਦੇ 'ਤੇ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ, ਉਨ੍ਹਾਂ ਨੇ ਕੰਨੜ ਦਰਸ਼ਕਾਂ ਵਿੱਚ ਇੱਕ ਵੱਡੀ ਛਾਪ ਛੱਡੀ ਅਤੇ ਪ੍ਰਸਿੱਧੀ ਪ੍ਰਾਪਤ ਕੀਤੀ। ਮੂਲ ਰੂਪ ਵਿੱਚ ਮੰਗਲੁਰੂ ਤੋਂ ਦਿਨੇਸ਼ ਨੇ ਥੀਏਟਰ ਵਿੱਚ ਆਪਣੇ ਡੂੰਘੇ ਪਿਛੋਕੜ ਨਾਲ ਫਿਲਮਾਂ ਵਿੱਚ ਪ੍ਰਵੇਸ਼ ਕੀਤਾ। ਉਨ੍ਹਾਂ ਨੇ ਆਪਣੇ ਕਰੀਅਰ ਦੇ ਸ਼ੁਰੂ ਵਿੱਚ ਇੱਕ ਕਲਾ ਨਿਰਦੇਸ਼ਕ ਵਜੋਂ ਵੀ ਕੰਮ ਕੀਤਾ।
'KGF' ਸਮੇਤ ਕਈ ਫਿਲਮਾਂ ਵਿੱਚ ਯਾਦਗਾਰੀ ਭੂਮਿਕਾਵਾਂ ਨਿਭਾਈਆਂ
ਦਿਨੇਸ਼ ਨੇ ਆਪਣੇ ਕਰੀਅਰ ਵਿੱਚ ਕਈ ਸੁਪਰਹਿੱਟ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਪਰ ਸੁਪਰਸਟਾਰ ਯਸ਼ ਦੀ 'KGF' ਵਿੱਚ ਬੰਬੇ ਡੌਨ ਦੀ ਸ਼ਾਨਦਾਰ ਭੂਮਿਕਾ ਤੋਂ ਬਾਅਦ, ਦਿਨੇਸ਼ ਦੀ ਪਛਾਣ ਹੋਰ ਵੀ ਮਜ਼ਬੂਤ ​​ਹੋ ਗਈ। ਆਪਣੇ ਕਰੀਅਰ ਵਿੱਚ, ਉਨ੍ਹਾਂ ਨੇ 'ਉਲੀਗੇਦਾਵਰੂ ਕੰਦੰਠੇ', 'ਰਾਣਾ ਵਿਕਰਮਾ', 'ਅੰਬਾਰੀ', 'ਸਵਾਰੀ', 'ਇੰਥੀ ਨੀਨਾ ਪ੍ਰੀਥੀਆ', 'ਆ ਦਿਨਾਗਲੂ', 'ਸਲੱਮ ਬਾਲਾ', 'ਦੁਰਗਾ', 'ਸਮਾਇਲ', 'ਅਤਿਥੀ', 'ਪ੍ਰੇਮਾ' 'ਨਾਗਮੰਡਲਾ' ਅਤੇ 'ਸ਼ੁਭਮ' ਵਰਗੀਆਂ ਕਈ ਯਾਦਗਾਰ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਇਸ ਤੋਂ ਇਲਾਵਾ ਉਹ 'ਨੰਬਰ 73' ਅਤੇ 'ਸ਼ਾਂਤੀਨਿਵਾਸ' ਵਰਗੀਆਂ ਫਿਲਮਾਂ 'ਚ ਆਰਟ ਡਾਇਰੈਕਟਰ ਵਜੋਂ ਵੀ ਕੰਮ ਕਰ ਚੁੱਕੇ ਹਨ।