ਬਾਲੀਵੁੱਡ ''ਚ ਦਿਲਜੀਤ ਦੋਸਾਂਝ ਦਾ ਕ੍ਰੇਜ਼, ਕੰਸਰਟ ''ਚ ਕਾਰਤਿਕ ਤੇ ਨੇਹਾ ਨੇ ਪੰਜਾਬੀ ਗੀਤਾਂ ''ਤੇ ਪਾਇਆ ਭੰਗੜਾ (ਵੀਡੀਓ)
12/11/2022 12:10:20 PM
ਜਲੰਧਰ (ਬਿਊਰੋ) : ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਸ਼ੁੱਕਰਵਾਰ ਨੂੰ ਮੁੰਬਈ 'ਚ ਇੱਕ ਬੈਂਗ ਸੰਗੀਤ ਸਮਾਰੋਹ ਦਾ ਆਯੋਜਨ ਕੀਤਾ। ਇਸ ਕੰਸਰਟ 'ਚ ਲੋਕਾਂ ਤੋਂ ਲੈ ਕੇ ਫ਼ਿਲਮੀ ਹਸਤੀਆਂ ਤੱਕ ਸਾਰਿਆਂ ਨੇ ਪੂਰਾ ਆਨੰਦ ਮਾਣਿਆ। ਸੋਸ਼ਲ ਮੀਡੀਆ 'ਤੇ ਦਿਲਜੀਤ ਦੋਸਾਂਝ ਦੇ ਕੰਸਰਟ ਦੀਆਂ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ, ਜਿਸ 'ਚ ਕਾਰਤਿਕ ਆਰੀਅਨ, ਤਮੰਨਾ ਭਾਟੀਆ ਅਤੇ ਨੇਹਾ ਧੂਪੀਆ ਵਰਗੇ ਬਾਲੀਵੁੱਡ ਸਿਤਾਰੇ ਨਜ਼ਰ ਆ ਰਹੇ ਹਨ।
ਫਿਲਮੀ ਹਸਤੀਆਂ ਨੇ ਲਾਈਆਂ ਰੌਣਕਾਂ
ਦਿਲਜੀਤ ਦੋਸਾਂਝ ਨੇ ਆਪਣੇ 'ਬੋਰਨ ਟੂ ਸ਼ਾਈਨ' ਟੂਰ ਦੇ ਤਹਿਤ ਮੁੰਬਈ 'ਚ ਇਸ ਕੰਸਰਟ ਦਾ ਆਯੋਜਨ ਕੀਤਾ ਸੀ। ਆਮ ਲੋਕਾਂ ਤੋਂ ਲੈ ਕੇ ਬਾਲੀਵੁੱਡ ਦੇ ਮਸ਼ਹੂਰ ਸਿਤਾਰੇ ਵੀ ਇੱਥੇ ਆਨੰਦ ਲੈਣ ਪਹੁੰਚੇ। ਸਾਰੇ ਸੈਲੇਬਸ ਆਪਣੇ ਸਟਾਈਲਿਸ਼ ਬੈਸਟ 'ਚ ਕੰਸਰਟ ਲਈ ਪਹੁੰਚੇ ਸਨ। ਤਮੰਨਾ ਭਾਟੀਆ ਨੇ ਅਦਾਕਾਰ ਵਿਜੇ ਵਰਮਾ ਨਾਲ ਐਂਟਰੀ ਲਈ ਹੈ।
ਕਾਰਤਿਕ ਆਰੀਅਨ ਤੇ ਨੇਹਾ ਧੂਪੀਆ ਦਾ ਡਾਂਸ ਵਾਇਰਲ
ਇਸ ਦੇ ਨਾਲ ਹੀ ਕਾਰਤਿਕ ਆਰੀਅਨ ਜਲਦਬਾਜ਼ੀ 'ਚ ਸ਼ੋਅ 'ਚ ਆ ਕੇ ਖ਼ੂਬ ਮਸਤੀ ਕਰਦੇ ਨਜ਼ਰ ਆਏ। ਇਸ ਦੌਰਾਨ ਅਦਾਕਾਰ ਨੇ ਕਾਲੇ ਰੰਗ ਦੇ ਕੱਪੜੇ ਪਾਏ ਹੋਏ ਸਨ। ਕਾਰਤਿਕ ਦੀ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਧਮਾਲ ਮਚਾ ਰਹੀ ਹੈ, ਜਿਸ 'ਚ ਕੰਸਰਟ 'ਚ ਫਰੈਡੀ ਐਕਟਰ ਨੇ ਦਿਲਜੀਤ ਦੇ ਗੀਤ 'ਸੌਦਾ ਖਰਾ-ਖਰਾ' 'ਤੇ ਧਮਾਕੇਦਾਰ ਡਾਂਸ ਕੀਤਾ।
#KartikAaryan vibing on Diljit dosanjh's concert 🔥 pic.twitter.com/P9Ni2U8nQs
— Raysa 🐢 (@Kartikfied) December 10, 2022
ਅਦਾਕਾਰਾ ਨੇਹਾ ਧੂਪੀਆ ਆਪਣੇ ਪਤੀ ਅੰਗਦ ਬੇਦੀ ਨਾਲ ਦਿਲਜੀਤ ਦੇ ਸ਼ੋਅ ਦਾ ਆਨੰਦ ਲੈਣ ਪਹੁੰਚੀ ਸੀ। ਨੇਹਾ ਧੂਪੀਆ ਨੇ ਇੰਸਟਾਗ੍ਰਾਮ 'ਤੇ ਕੰਸਰਟ ਦੀਆਂ ਕਈ ਵੀਡੀਓਜ਼ ਸ਼ੇਅਰ ਕੀਤੀਆਂ ਹਨ। ਇਕ ਵੀਡੀਓ 'ਚ ਇਹ ਜੋੜੀ 'ਡੂ ਯੂ ਨੋ' ਗੀਤ 'ਤੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ।
ਦਿਲਜੀਤ ਦੀ ਅਗਲੀ ਫ਼ਿਲਮ
ਦੱਸ ਦੇਈਏ ਕਿ ਦਿਲਜੀਤ ਦੋਸਾਂਝ ਅਗਲੀ ਵਾਰ ਇਮਤਿਆਜ਼ ਅਲੀ ਦੀ ਫ਼ਿਲਮ 'ਚਮਕੀਲਾ' 'ਚ ਨਜ਼ਰ ਆਉਣਗੇ। ਇਸ ਫ਼ਿਲਮ 'ਚ ਦਿਲਜੀਤ ਮੁੱਖ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। ਇਹ ਫ਼ਿਲਮ ਇੱਕ ਭਾਰਤੀ ਗਾਇਕ ਅਮਰ ਸਿੰਘ ਚਮਕੀਲਾ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ 1988 'ਚ ਆਪਣੀ ਪਤਨੀ ਸਮੇਤ ਮਾਰਿਆ ਗਿਆ ਸੀ। ਇਸ ਫ਼ਿਲਮ 'ਚ ਪਰਿਣੀਤੀ ਚੋਪੜਾ ਵੀ ਦਿਲਜੀਤ ਦੇ ਨਾਲ ਮੁੱਖ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ।
ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਜ਼ਰੂਰ ਦਿਓ।
