ਸੁਸ਼ਾਂਤ ਮਾਮਲੇ ''ਚ ਅਕਸ਼ੈ ਕੁਮਾਰ ਨੇ ਤੋੜੀ ਚੁਪੀ, ਸਾਫ਼ ਸ਼ਬਦਾਂ ''ਚ ਆਖੀਆਂ ਇਹ ਗੱਲਾਂ

ਮੁੰਬਈ (ਬਿਊਰੋ) : ਏਮਜ਼ ਦੇ ਡਾਕਟਰਾਂ ਦੇ ਇਕ ਪੈਨਲ ਨੇ ਸੀ. ਬੀ. ਆਈ. ਨੂੰ ਆਪਣੀ ਰਾਏ ਦਿੰਦੇ ਹੋਏ ਕਿਹਾ, ਸੁਸ਼ਾਂਤ ਸਿੰਘ ਰਾਜਪੂਤ ਮਾਰਿਆ ਨਹੀਂ ਗਿਆ, ਇਹ ਖ਼ੁਦਕੁਸ਼ੀ ਦਾ ਮਾਮਲਾ ਹੈ। ਉਥੇ ਹੀ ਸੁਸ਼ਾਂਤ ਦੀ ਮੌਤ ਉਸ ਸਮੇਂ ਤੋਂ ਲੈ ਕੇ ਹੁਣ ਤੱਕ ਬਾਲੀਵੁੱਡ ਨੂੰ ਲੈ ਕੇ ਆਮ ਲੋਕਾਂ ਵਿਚ ਬਹੁਤ ਗੁੱਸਾ ਹੈ, ਹੁਣ ਤੱਕ ਕਈ ਫ਼ਿਲਮਾਂ ਦੀ ਸੋਸ਼ਲ ਮੀਡੀਆ 'ਤੇ ਚਰਚਾ ਹੋ ਰਹੀ ਹੈ। ਇਸ ਪੂਰੇ ਮਾਮਲੇ 'ਤੇ ਅਕਸ਼ੈ ਕੁਮਾਰ ਨੇ ਆਪਣੇ ਟਵਿੱਟਰ ਹੈਂਡਲ ਤੋਂ ਇਕ ਵੀਡੀਓ ਜਾਰੀ ਕੀਤਾ ਹੈ, ਜਿਸ 'ਚ ਉਨ੍ਹਾਂ ਨੇ ਦਰਸ਼ਕਾਂ ਦੇ ਸਾਹਮਣੇ ਆਪਣਾ ਦਿਲ ਖੁੱਲ੍ਹਿਆ ਹੈ। ਅਕਸ਼ੈ ਨੇ ਕਿਹਾ, 'ਮੈਂ ਦਿਲ 'ਤੇ ਹੱਥ ਰੱਖਦਾ ਹਾਂ ਅਤੇ ਕਹਿੰਦਾ ਹਾਂ ਕਿ ਮੈਂ ਤੁਹਾਡੇ ਨਾਲ ਝੂਠ ਕਿਉਂ ਬੋਲਾਂ, ਇਸ ਗੱਲ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਕਿ ਬਾਲੀਵੁੱਡ 'ਚ ਨਸ਼ਿਆਂ ਦੀ ਸਮੱਸਿਆ ਹੈ ਪਰ ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਪੂਰੀ ਉਦਯੋਗ ਇਸ ਕਾਰਨ ਬਦਨਾਮ ਹੋਣੀ ਚਾਹੀਦੀ ਹੈ।”

Bahot dino se mann mein kuch baat thi lekin samajh nahi aa raha tha kya kahoon, kisse kahoon. Aaj socha aap logon se share kar loon, so here goes... #DirectDilSe 🙏🏻 pic.twitter.com/nelm9UFLof

— Akshay Kumar (@akshaykumar) October 3, 2020

ਅਕਸ਼ੈ ਕੁਮਾਰ ਨੇ ਆਪਣੀ ਵੀਡੀਓ ਦੀ ਸ਼ੁਰੂਆਤ 'ਚ ਕਿਹਾ- ਕਈ ਦਿਨਾਂ ਤੋਂ ਮਨ 'ਚ ਕੁਝ ਅਜਿਹਾ ਸੀ ਪਰ ਸਮਝ ਨਹੀਂ ਆ ਰਿਹਾ ਸੀ ਕਿ ਕੀ ਕਹਿਣਾ ਹੈ। ਕਿਸ ਨੂੰ ਕਹਿਣਾ ਹੈ, ਅੱਜ ਸੋਚਿਆ ਮੈਨੂੰ ਆਪਣਾ ਦਿਲ ਤੁਹਾਨੂੰ ਦੱਸਣਾ ਚਾਹੀਦਾ ਹੈ। ਮੈਂ ਅੱਜ ਤੁਹਾਡੇ ਨਾਲ ਭਾਰੀ ਦਿਲ ਨਾਲ ਗੱਲ ਕਰ ਰਿਹਾ ਹਾਂ। ਸਾਨੂੰ ਤਾਰੇ ਕਿਹਾ ਜਾ ਸਕਦਾ ਹੈ ਪਰ ਤੁਸੀਂ ਲੋਕਾਂ ਨੇ ਸਾਨੂੰ ਤਾਰੇ ਬਣਾ ਦਿੱਤਾ ਹੈ।'

I am thankful for a home that is filled with the sounds of life that make me feel safe, and that fill my life with love. Let’s all fill our lives with these sounds in a @Lodha home. Kyunki, #JeenaIssiKoKehteHain.
Know more: https://t.co/2k3DRXorw6 #BuildingABetterLife pic.twitter.com/bbAhUPpnnu

— Akshay Kumar (@akshaykumar) October 3, 2020

ਅਸੀਂ ਸਿਰਫ਼ ਇਕ ਫ਼ਿਲਮ ਉਦਯੋਗ ਨਹੀਂ ਹਾਂ ਸਗੋਂ ਫ਼ਿਲਮਾਂ, ਸੱਭਿਆਚਾਰ ਦੁਆਰਾ, ਕਦਰਾਂ-ਕੀਮਤਾਂ ਨੂੰ ਦੁਨੀਆਂ ਦੇ ਹਰ ਕੋਨੇ ਤੱਕ ਪਹੁੰਚਾਇਆ ਗਿਆ ਹੈ। ਸਿਨੇਮਾ ਨੇ ਅਕਸਰ ਉਹ ਦਿਖਾਇਆ, ਜੋ ਤੁਸੀਂ ਮਹਿਸੂਸ ਕੀਤਾ ਹੈ। ਭਾਵੇਂ ਇਹ ਗੁੱਸੇ 'ਚ ਆਏ ਨੌਜਵਾਨ ਨਾਲ ਕ੍ਰੋਧ ਹੈ ਜਾਂ ਭ੍ਰਿਸ਼ਟਾਚਾਰ, ਗਰੀਬੀ, ਬੇਰੁਜ਼ਗਾਰੀ, ਹਿੰਦੀ ਸਿਨੇਮਾ ਨੇ ਸਮਾਜ ਦੇ ਹਰ ਵਿਸ਼ੇ ਨੂੰ ਆਪਣੇ ਢੰਗ ਨਾਲ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਹੈ ਪਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਕਈ ਤਰ੍ਹਾਂ ਦੇ ਮੁੱਦੇ ਸਾਹਮਣੇ ਆਏ, ਇਨ੍ਹਾਂ ਮੁੱਦਿਆਂ ਨੇ ਤੁਹਾਨੂੰ ਵੀ ਦਰਦ ਦਿੱਤਾ, ਇਸ ਨੇ ਸਾਨੂੰ ਤਕਲੀਫ਼ ਵੀ ਦਿੱਤੀ ਹੈ। ਇਨ੍ਹਾਂ ਮੁੱਦਿਆਂ ਨੇ ਸਾਨੂੰ ਆਪਣੇ ਖ਼ੁਦ ਦੇ ਗਰੀਵਨ 'ਚ ਝਾਤ ਪਾਈ ਹੈ। ਇੱਥੇ ਬਹੁਤ ਸਾਰੀਆਂ ਚੀਜ਼ਾਂ ਹਨ ਜੋ ਸਾਡੀ ਫ਼ਿਲਮ ਇੰਡਸਟਰੀ ਨੂੰ ਠੀਕ ਕਰਨ ਦੀ ਜ਼ਰੂਰਤ ਹੈ।