ਰਾਧਿਕਾ ਆਪਟੇ ਨੇ ਮੈਟਰਨਿਟੀ ਫੋਟੋਸ਼ੂਟ ਦੀਆਂ ਤਸਵੀਰਾਂ ਕੀਤੀਆਂ ਸਾਂਝੀਆਂ

ਮੁੰਬਈ- ਰਾਧਿਕਾ ਆਪਟੇ ਵਿਆਹ ਦੇ 12 ਸਾਲ ਬਾਅਦ ਮਾਂ ਬਣ ਗਈ ਹੈ। ਅਦਾਕਾਰਾ ਨੇ ਹਾਲ ਹੀ 'ਚ ਆਪਣੀ ਧੀ ਨੂੰ Breast Feeding  ਕਰਵਾਉਂਦੇ ਹੋਏ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਪੋਸਟ ਕੀਤੀ ਸੀ।

ਹੁਣ ਅਦਾਕਾਰਾ ਦੇ ਮੈਟਰਨਿਟੀ ਫੋਟੋਸ਼ੂਟ ਨੇ ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਰਾਧਿਕਾ ਆਪਟੇ ਨੇ ਆਪਣੇ ਬੇਬੀ ਬੰਪ ਨੂੰ ਫਲਾਂਟ ਕਰਦਿਆਂ ਕੁਝ ਤਸਵੀਰਾਂ ਪੋਸਟ ਕੀਤੀਆਂ ਹਨ ਅਤੇ ਆਪਣੇ ਸਫਰ ਬਾਰੇ ਕੁਝ ਵੱਡੇ ਖੁਲਾਸੇ ਕੀਤੇ ਹਨ। ਰਾਧਿਕਾ ਆਪਟੇ ਦੇ ਮੈਟਰਨਿਟੀ ਫੋਟੋਸ਼ੂਟ 'ਚ ਕਾਫੀ ਬੋਲਡ ਨਜ਼ਰ ਆ ਰਹੀ ਹੈ। ਇਸ ਫੋਟੋਸ਼ੂਟ 'ਚ ਉਸ ਦੇ 3 ਲੁੱਕ ਨਜ਼ਰ ਆਏ।

ਡਿਲੀਵਰੀ ਤੋਂ ਬਾਅਦ ਰਾਧਿਕਾ ਨੇ ਸਾਂਝੀਆਂ ਕੀਤੀਆਂ ਤਸਵੀਰਾਂ
ਫਰਸਟ ਲੁੱਕ ਦੀ ਗੱਲ ਕਰੀਏ ਤਾਂ ਰਾਧਿਕਾ ਆਪਟੇ ਗਲੈਮਰਸ ਨੈੱਟ ਡਰੈੱਸ ਪਾ ਕੇ ਫੋਟੋ ਖਿਚਵਾਉਂਦੀ ਨਜ਼ਰ ਆ ਰਹੀ ਹੈ ਅਤੇ ਉਸ ਦੇ ਐਕਸਪ੍ਰੈਸ਼ਨ ਕਾਫੀ ਤਿੱਖੇ ਨਜ਼ਰ ਆ ਰਹੇ ਹਨ। ਦੂਜੀ ਤਸਵੀਰ 'ਚ ਰਾਧਿਕਾ ਹੌਟ ਬ੍ਰਾਊਨ ਰੰਗ ਦੀ ਡਰੈੱਸ 'ਚ ਨਜ਼ਰ ਆ ਰਹੀ ਹੈ।

ਆਖਰੀ ਲੁੱਕ ਦੀ ਗੱਲ ਕਰੀਏ ਤਾਂ ਅਦਾਕਾਰਾ ਨੂੰ ਸਫੇਦ ਪਹਿਰਾਵੇ 'ਚ ਦੇਖਿਆ ਜਾ ਸਕਦਾ ਹੈ, ਡਰੈੱਸ 'ਚ ਬੇਬੀ ਬੰਪ ਏਰੀਏ 'ਤੇ ਕੱਟ ਹੈ ਅਤੇ ਅਦਾਕਾਰਾ ਇਸ ਨੂੰ ਫਲਾਂਟ ਕਰ ਰਹੀ ਹੈ।

ਇਹ ਤਸਵੀਰਾਂ ਜਿੰਨੀਆਂ ਜ਼ਬਰਦਸਤ ਹਨ, ਹੁਣ ਉਨ੍ਹਾਂ ਨੂੰ ਸ਼ੇਅਰ ਕਰਕੇ ਰਾਧਿਕਾ ਆਪਟੇ ਨੇ ਲੋਕਾਂ ਨੂੰ ਓਨਾ ਹੀ ਸ਼ਕਤੀਸ਼ਾਲੀ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ।

ਮਾਂ ਬਣਨ ਤੋਂ ਇਕ ਹਫਤਾ ਪਹਿਲਾਂ ਕਰਵਾਇਆ ਸੀ ਫੋਟੋਸ਼ੂਟ 
ਅਦਾਕਾਰਾ ਨੇ ਕਿਹਾ, 'ਮੈਂ ਬੱਚੇ ਨੂੰ ਜਨਮ ਦੇਣ ਤੋਂ ਇਕ ਹਫ਼ਤਾ ਪਹਿਲਾਂ ਇਹ ਫੋਟੋਸ਼ੂਟ ਕਰਵਾਇਆ ਸੀ। ਸੱਚ ਤਾਂ ਇਹ ਹੈ ਕਿ ਉਸ ਸਮੇਂ ਮੈਨੂੰ ਆਪਣੀ ਦਿੱਖ ਨੂੰ ਸਵੀਕਾਰ ਕਰਨ ਲਈ ਬਹੁਤ ਸੰਘਰਸ਼ ਕਰਨਾ ਪਿਆ ਸੀ।

ਮੈਂ ਆਪਣਾ ਭਾਰ ਇੰਨਾ ਵਧਦਾ ਕਦੇ ਨਹੀਂ ਦੇਖਿਆ ਸੀ। ਮੇਰਾ ਸਰੀਰ ਸੁੱਜਿਆ ਹੋਇਆ ਸੀ, ਮੇਰੇ ਪੇਟ 'ਚ ਬਹੁਤ ਦਰਦ ਸੀ ਅਤੇ ਨੀਂਦ ਦੀ ਕਮੀ ਨੇ ਹਰ ਚੀਜ਼ ਬਾਰੇ ਮੇਰਾ ਨਜ਼ਰੀਆ ਵਿਗਾੜ ਦਿੱਤਾ ਸੀ।