ਪਾਕਿਸਤਾਨ ’ਚ ਬੋਹੇਮੀਆ ਨੇ ਦਿੱਤੀ ਸਿੱਧੂ ਮੂਸੇ ਵਾਲਾ ਨੂੰ ਚੱਲਦੇ ਸ਼ੋਅ ’ਚ ਸ਼ਰਧਾਂਜਲੀ, ਵੀਡੀਓ ਹੋਈ ਵਾਇਰਲ

ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਰੈਪਰ ਬੋਹੇਮੀਆ ਇਨ੍ਹੀਂ ਦਿਨੀਂ ਪਾਕਿਸਤਾਨ ’ਚ ਹਨ। ਪਾਕਿਸਤਾਨ ’ਚ ਬੋਹੇਮੀਆ ਦਾ ਹਾਲ ਹੀ ’ਚ ਇਕ ਸ਼ੋਅ ਸੀ, ਜਿਸ ਦੀ ਇਕ ਵੀਡੀਓ ਬੇਹੱਦ ਵਾਇਰਲ ਹੋ ਰਹੀ ਹੈ।

ਇਸ ਵੀਡੀਓ ’ਚ ਬੋਹੇਮੀਆ ਸਿੱਧੂ ਮੂਸੇ ਵਾਲਾ ਨੂੰ ਚੱਲਦੇ ਸ਼ੋਅ ’ਚ ਸ਼ਰਧਾਂਜਲੀ ਦਿੰਦੇ ਨਜ਼ਰ ਆ ਰਹੇ ਹਨ। ਬੋਹੇਮੀਆ ਵੀਡੀਓ ਦੀ ਸ਼ੁਰੂਆਤ ’ਚ ਸਿੱਧੂ ਨੂੰ ਪਹਿਲੀ ਵਾਰ ਮਿਲਣ ਦਾ ਕਿੱਸਾ ਸੁਣਾਉਂਦੇ ਹਨ।

ਇਹ ਖ਼ਬਰ ਵੀ ਪੜ੍ਹੋ : ਮਾਂ ਵੈਸ਼ਣੋ ਦੇਵੀ ਦੇ ਦਰਬਾਰ ਪਹੁੰਚੇ ਸ਼ਾਹਰੁਖ ਖ਼ਾਨ, ਮੱਥਾ ਟੇਕ ਲਿਆ ਆਸ਼ੀਰਵਾਦ

ਇਸ ਤੋਂ ਬਾਅਦ ਜਦੋਂ ਉਹ ਲਾਈਵ ਸ਼ੋਅ ’ਚ ਮੌਜੂਦ ਲੋਕਾਂ ਨੂੰ ਇਹ ਦੱਸਦੇ ਹਨ ਕਿ ਜਿਸ ਨਵੇਂ ਮੁੰਡੇ ਨਾਲ ਉਨ੍ਹਾਂ ਨੇ ਗੀਤ ਕੀਤਾ ਉਹ ਕੋਈ ਹੋਰ ਨਹੀਂ, ਸਗੋਂ ਸਿੱਧੂ ਮੂਸੇ ਵਾਲਾ ਨਾਲ ‘ਸੇਮ ਬੀਫ’ ਸੀ। ਬੋਹੇਮੀਆ ਦੇ ਇਹ ਕਹਿੰਦਿਆਂ ਹੀ ਸ਼ੋਅ ’ਚ ਸਿੱਧੂ-ਸਿੱਧੂ ਹੋਣ ਲੱਗਦੀ ਹੈ।

ਇਸ ਤੋਂ ਬਾਅਦ ‘ਸੇਮ ਬੀਫ’ ਗੀਤ ਚਲਾਇਆ ਜਾਂਦਾ ਹੈ। ਖ਼ਾਸ ਗੱਲ ਇਹ ਸੀ ਕਿ ਗੀਤ ਚੱਲਣ ਮਗਰੋਂ ਬੋਹੇਮੀਆ ਆਸਮਾਨ ਵੱਲ ਦੇਖ ਕੇ ਕਹਿੰਦੇ ਹਨ ‘ਲੈ ਵਈ ਸਿੱਧੂ’। ਇਹ ਦੇਖ ਕੇ ਪ੍ਰਸ਼ੰਸਕ ਬੋਹੇਮੀਆ ਦੀ ਰੱਜ ਕੇ ਤਾਰੀਫ਼ ਕਰ ਰਹੇ ਹਨ।

ਦੱਸ ਦੇਈਏ ਕਿ ਸਿੱਧੂ ਮੂਸੇ ਵਾਲਾ ਦੀ ਪਾਕਿਸਤਾਨ ’ਚ ਚੰਗੀ ਫੈਨ ਫਾਲੋਇੰਗ ਹੈ। ਸੋਸ਼ਲ ਮੀਡੀਆ ’ਤੇ ਸਿੱਧੂ ਮੂਸੇ ਵਾਲਾ ਦੇ ਪਾਕਿਸਤਾਨ ਤੋਂ ਪ੍ਰਸ਼ੰਸਕਾਂ ਦੀਆਂ ਕਈ ਵੀਡੀਓਜ਼ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਅਜਿਹੇ ’ਚ ਬੋਹੇਮੀਆ ਨੇ ਪਾਕਿਸਤਾਨ ’ਚ ਸਿੱਧੂ-ਸਿੱਧੂ ਕਰਵਾ ਕੇ ਉਸ ਨੂੰ ਇਕ ਸੱਚੀ ਸ਼ਰਧਾਂਜਲੀ ਦਿੱਤੀ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।