ਗੋਲਾ ਨੂੰ ਇਕੱਲਾ ਛੱਡ ਕਮਰੇ ''ਚ ਵੀਡੀਓ ਬਣਾਉਂਦੀ ਦਿਖੀ ਭਾਰਤੀ ਸਿੰਘ ਦੀ ਮੇਡ, ਕਾਮੇਡੀਅਨ ਬੋਲੀ...

ਮੁੰਬਈ- ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਉਨ੍ਹਾਂ ਦੇ ਪਤੀ ਹਰਸ਼ ਲਿੰਬਾਚੀਆ ਨੇ ਇਸ ਸਾਲ ਅਪ੍ਰੈਲ 'ਚ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ। ਭਾਰਤੀ ਅਤੇ ਹਰਸ਼ ਇਕ ਪਿਆਰੇ ਜਿਹੇ ਪੁੱਤ ਦੇ ਮਾਤਾ-ਪਿਤਾ ਬਣੇ। ਪੁੱਤਰ ਦੇ ਜਨਮ ਤੋਂ ਬਾਅਦ ਭਾਰਤੀ ਵਰਕ ਕਮਿਟਮੈਂਟ ਦੇ ਚੱਲਦੇ ਵਾਪਸ ਕੰਮ 'ਤੇ ਪਰਤ ਗਈ।

ਕਾਮੇਡੀਅਨ ਨੇ ਆਪਣੇ ਨਿਊਬਾਰਨ ਬੇਬੀ ਦੀ ਦੇਖਭਾਲ ਦੇ ਲਈ ਸੁਜਾਤਾ ਨਾਂ ਦੀ ਨੈਨੀ ਰੱਖੀ ਪਰ ਉਸ ਦੀ ਮੇਡ ਬੱਚੇ ਨੂੰ ਇਕੱਲਾ ਛੱਡ ਵੀਡੀਓ ਬਣਾਉਣ 'ਚ ਰੁੱਝੀ ਰਹਿੰਦੀ ਹੈ। ਇਸ ਦੌਰਾਨ ਇਕ ਵੀਡੀਓ ਭਾਰਤੀ ਨੇ ਇੰਸਟਾ ਅਕਾਊਂਟ 'ਤੇ ਸਾਂਝੀ ਕੀਤੀ। ਵੀਡੀਓ 'ਚ ਭਾਰਤੀ ਆਪਣੀ ਮੇਡ ਦੀ ਪੋਲ-ਪੱਟੀ ਖੋਲ੍ਹਦੀ ਹੋਈ ਨਜ਼ਰ ਆ ਰਹੀ ਹੈ।

ਵੀਡੀਓ 'ਚ ਤੁਸੀਂ ਦੇਖੋਗੇ ਕਿ ਭਾਰਤੀ ਦੀ ਮੇਡ ਬੱਚੇ ਨੂੰ ਇਕੱਲਾ ਕਮਰੇ 'ਚ ਤਿਆਰ ਹੋ ਕੋ ਕੈਮਰੇ ਦੇ ਸਾਹਮਣੇ ਰੀਲ ਬਣਾ ਰਹੀ ਹੈ। ਜਿਵੇਂ ਹੀ ਭਾਰਤੀ ਕਮਰੇ 'ਚ ਆਉਂਦੀ ਹੈ। ਉਹ ਮੇਡ ਦੀ ਇਸ ਹਰਕਤ ਨੂੰ ਦੇਖ ਹੈਰਾਨ ਹੋ ਜਾਂਦੀ ਹੈ।

ਵੀਡੀਓ ਨੂੰ ਸਾਂਝੀ ਕਰਕੇ ਭਾਰਤੀ ਸਿੰਘ ਨੇ ਲਿਖਿਆ-'ਸਮਝ 'ਚ ਨਹੀਂ ਆ ਰਿਹਾ ਹੈ ਕਿ ਮੈਂ ਇਸ ਨੂੰ ਕੰਮ 'ਤੇ ਰੱਖਿਆ ਹੈ ਜਾਂ ਇਸ ਨੇ ਮੈਨੂੰ। ਇਹ ਮੇਰੀ ਜ਼ਿੰਦਗੀ ਹੈ'। 

ਇਸ ਦੇ ਨਾਲ ਹੀ ਭਾਰਤੀ ਨੇ ਹੈਸ਼ਟੈਗ 'ਚ ਸੁਜਾਤਾ ਨਾਂ ਦੀ ਵਰਤੋਂ ਕੀਤੀ। ਇਸ ਵੀਡੀਓ 'ਚ ਪ੍ਰਸ਼ੰਸਕ ਕੁਮੈਂਟ ਕਰ ਰਹੇ ਹਨ। 

ਭਾਰਤੀ ਅਤੇ ਹਰਸ਼ ਜਨਮ ਤੋਂ ਬਾਅਦ ਤੋਂ ਹੀ ਪੁੱਤਰ ਨੂੰ ਪਿਆਰ ਨਾਲ ਗੋਲਾ ਬੁਲਾਉਂਦੇ ਹਨ ਪਰ ਹਾਲ ਹੀ 'ਚ ਇਕ ਵੀਡੀਓ 'ਚ ਭਾਰਤੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਪੁੱਤਰ ਦਾ ਨਾਂ ਲਕਸ਼ ਰੱਖਿਆ ਹੈ। ਬੀਤੇ ਦਿਨ ਹੀ ਭਾਰਤੀ ਨੇ ਪਤੀ ਅਤੇ ਪੁੱਤਰ ਦੇ ਨਾਲ ਇਕ ਤਸਵੀਰ ਸਾਂਝੀ ਕੀਤੀ ਸੀ।