'ਬਿੱਗ ਬੌਸ' ਦੇ ਘਰ 'ਚੋਂ ਇਨ੍ਹਾਂ ਕਲਾਕਾਰਾਂ ਨੇ ਹਰ ਹਫ਼ਤੇ ਕੀਤੀ ਮੋਟੀ ਕਮਾਈ, ਕਈਆਂ ਨੇ ਕਮਾਏ ਕਰੋੜਾਂ

ਮੁੰਬਈ (ਬਿਊਰੋ) - 'ਬਿੱਗ ਬੌਸ' ਟੀ. ਵੀ. ਦਾ ਸਭ ਤੋਂ ਮਸ਼ਹੂਰ ਅਤੇ ਵਿਵਾਦਤ ਰਿਐਲਿਟੀ ਸ਼ੋਅ ਹੈ। ਇਸ 'ਚ ਆਉਣ ਵਾਲੇ ਹਰ ਪ੍ਰਤੀਯੋਗੀ ਲਈ ਪ੍ਰਸ਼ੰਸਕ ਬਹੁਤ ਉਤਸ਼ਾਹਿਤ ਹੁੰਦੇ ਹਨ। ਸ਼ੋਅ ਸ਼ੁਰੂ ਹੋਣ ਤੋਂ ਕਈ ਦਿਨ ਪਹਿਲਾਂ ਹੀ ਇਹ ਸੋਸ਼ਲ ਮੀਡੀਆ 'ਤੇ ਟਰੈਂਡ ਕਰਨਾ ਸ਼ੁਰੂ ਕਰ ਦਿੰਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸ਼ੋਅ ਦੇ ਹਰ ਪ੍ਰਤੀਯੋਗੀ ਨੂੰ ਉਨ੍ਹਾਂ ਦੀ ਪ੍ਰਸਿੱਧੀ ਦੇ ਅਨੁਸਾਰ ਪੈਸੇ ਦਿੱਤੇ ਜਾਂਦੇ ਹਨ। ਅੱਜ ਅਸੀਂ ਨਾਲ ਸ਼ੋਅ ਨਾਲ ਜੁੜੇ ਉਨ੍ਹਾਂ ਸਿਤਾਰਿਆਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਨੂੰ ਸ਼ੋਅ 'ਚ ਸ਼ਾਮਲ ਹੋਣ ਲਈ ਹੁਣ ਤੱਕ ਬਹੁਤ ਵੱਡੀ ਰਕਮ ਦਿੱਤੀ ਗਈ ਹੈ।

ਰਸ਼ਮੀ ਦੇਸਾਈ (ਬਿੱਗ ਬੌਸ ਸੀਜ਼ਨ 13) 
ਇੱਕ ਰਿਪੋਰਟ ਅਨੁਸਾਰ, ਰਸ਼ਮੀ ਦੇਸਾਈ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਮਹਿਲਾ ਪ੍ਰਤੀਯੋਗੀ ਸੀ। ਉਸ ਨੂੰ ਹਰ ਹਫ਼ਤੇ 15 ਲੱਖ ਰੁਪਏ ਦਿੱਤੇ ਜਾਂਦੇ ਸਨ।

ਸ਼੍ਰੀ ਮੁਖੀ (ਬਿੱਗ ਬੌਸ ਸੀਜ਼ਨ 3)
ਸ਼੍ਰੀ ਮੁਖੀ ਜੋ ਬਿੱਗ ਬੌਸ ਸੀਜ਼ਨ 3 ਦੇ ਸਭ ਤੋਂ ਮਸ਼ਹੂਰ ਚਿਹਰਿਆਂ ਵਿੱਚੋਂ ਇੱਕ ਸੀ, ਨੂੰ ਇੱਕ ਦਿਨ 'ਚ 1 ਲੱਖ ਰੁਪਏ ਮਿਲਦੇ ਸਨ। ਉਹ 100 ਦਿਨਾਂ ਤੱਕ ਘਰ 'ਚ ਰਹੀ, ਘਰ 'ਚ ਉਸਦਾ ਪੂਰਾ ਕਾਰਜਕਾਲ 1 ਕਰੋੜ ਰੁਪਏ ਸੀ।

ਦੇਵੋਲੀਨਾ ਭੱਟਾਚਾਰਜੀ (ਬਿੱਗ ਬੌਸ ਸੀਜ਼ਨ 13)
ਦੇਵੋਲੀਨਾ ਇੱਕ ਮਸ਼ਹੂਰ ਟੀ. ਵੀ. ਅਦਾਕਾਰਾ ਵੀ ਹੈ ਅਤੇ ਉਸ ਨੂੰ ਇਸ ਸ਼ੋਅ 'ਚ ਆਉਣ ਲਈ ਹਰ ਹਫ਼ਤੇ 12 ਲੱਖ ਰੁਪਏ ਦਿੱਤੇ ਗਏ ਸਨ।

ਬਾਨੀ ਜੇ (ਬਿੱਗ ਬੌਸ ਸੀਜ਼ਨ 10)
ਸੀਜਨ ਦੇ ਦੂਜੇ ਉਪ ਜੇਤੂ ਰਹੇ ਵੀਜੇ ਬਾਨੀ ਨੂੰ ਸ਼ੋਅ 'ਚ ਆਉਣ ਲਈ 1.5 ਕਰੋੜ ਰੁਪਏ ਮਿਲੇ ਸਨ।

ਤਨੀਸ਼ਾ ਮੁਖਰਜੀ (ਬਿੱਗ ਬੌਸ ਸੀਜ਼ਨ 7) 
ਕਾਜੋਲ ਦੀ ਛੋਟੀ ਭੈਣ ਤਨੀਸ਼ਾ ਮੁਖਰਜੀ ਨੂੰ ਕਥਿਤ ਤੌਰ 'ਤੇ ਹਰ ਹਫ਼ਤੇ 7.5 ਲੱਖ ਰੁਪਏ ਦਿੱਤੇ ਗਏ ਸਨ।

ਕਰਿਸ਼ਮਾ ਤੰਨਾ (ਬਿੱਗ ਬੌਸ ਸੀਜ਼ਨ 8) 
ਉਪੇਨ ਪਟੇਲ ਨਾਲ ਆਪਣੇ ਲਿੰਕ-ਅਪ ਲਈ ਸੁਰਖੀਆਂ 'ਚ ਆਉਣ ਵਾਲੀ ਕਰਿਸ਼ਮਾ ਤੰਨਾ ਨੂੰ ਹਰ ਹਫ਼ਤੇ 10 ਲੱਖ ਰੁਪਏ ਮਿਲਦੇ ਸਨ।

ਸ਼ਵੇਤਾ ਤਿਵਾੜੀ (ਬਿੱਗ ਬੌਸ ਸੀਜ਼ਨ 4) 
ਖਬਰਾਂ ਅਨੁਸਾਰ, 'ਬਿੱਗ ਬੌਸ' ਸੀਜ਼ਨ 4 ਦੀ ਜੇਤੂ ਅਦਾਕਾਰਾ ਸ਼ਵੇਤਾ ਤਿਵਾੜੀ ਹਰ ਹਫ਼ਤੇ 5 ਲੱਖ ਰੁਪਏ ਲੈਂਦੀ ਸੀ।

ਰੁਬੀਨਾ ਦਿਲਾਇਕ (ਬਿਗ ਬੌਸ ਸੀਜ਼ਨ 14) 
ਕਲਰਸ ਟੀ. ਵੀ. ਦਾ ਮਸ਼ਹੂਰ ਚਿਹਰਾ ਰੁਬੀਨਾ ਦਿਲਾਇਕ 'ਬਿੱਗ ਬੌਸ 14' ਦੀ ਜੇਤੂ ਰਹਿ ਚੁੱਕੀ ਹੈ। ਦੱਸ ਦੇਈਏ ਕਿ ਉਸ ਨੂੰ ਸ਼ੋਅ 'ਚ ਆਉਣ ਲਈ ਹਰ ਹਫ਼ਤੇ 5 ਲੱਖ ਰੁਪਏ ਦਿੱਤੇ ਜਾਂਦੇ ਸਨ।

ਰਿਮੀ ਸੇਨ (ਬਿੱਗ ਬੌਸ ਸੀਜ਼ਨ 9)
'ਧੂਮ' ਫੇਮ ਅਦਾਕਾਰਾ ਸੀਜ਼ਨ 9 ਦੀ ਸਭ ਤੋਂ ਵੱਧ ਪੈਸੇ ਲੈਣ ਵਾਲੀ ਪ੍ਰਤੀਯੋਗੀ ਸੀ। ਉਸ ਨੂੰ ਘਰ 'ਚ ਰਹਿਣ ਲਈ 2 ਕਰੋੜ ਰੁਪਏ ਦਿੱਤੇ ਗਏ ਸਨ।

ਹਿਨਾ ਖ਼ਾਨ (ਬਿੱਗ ਬੌਸ ਸੀਜ਼ਨ 11)
ਸਟਾਰ ਪਲੱਸ ਸੀਰੀਅਲ 'ਯੇ ਰਿਸ਼ਤਾ ਕਯਾ ਕਹਿਲਾਤਾ ਹੈ' ਦੀ ਮਸ਼ਹੂਰ ਅਦਾਕਾਰਾ ਹਿਨਾ ਖ਼ਾਨ ਆਪਣੇ ਸੀਜ਼ਨ 'ਚ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਪ੍ਰਤੀਯੋਗੀ ਸੀ। ਉਸ ਨੂੰ 'ਬਿੱਗ ਬੌਸ 14' 'ਚ ਆਉਣ ਲਈ ਹਰ ਹਫ਼ਤੇ 8 ਲੱਖ ਰੁਪਏ ਦਿੱਤੇ ਗਏ ਸਨ।

ਦੀਪਿਕਾ ਕੱਕੜ ਇਬਰਾਹਿਮ (ਬਿੱਗ ਬੌਸ ਸੀਜ਼ਨ 12) 
'ਸਸੁਰਾਲ ਸਿਮਰ ਕਾ' ਫੇਮ ਅਦਾਕਾਰਾ ਦੀਪਿਕਾ ਕੱਕੜ ਸੀਜ਼ਨ 12 ਦੀ ਜੇਤੂ ਰਹੀ ਹੈ। ਉਸ ਨੂੰ ਹਰ ਹਫ਼ਤੇ 15 ਲੱਖ ਰੁਪਏ ਦਿੱਤੇ ਗਏ ਸਨ।