ਰਿਹਾਅ ਹੁੰਦਿਆਂ ਹੀ ਸ਼ਾਹਰੁਖ ਖ਼ਾਨ ਦੇ ਪੁੱਤਰ ਆਰੀਅਨ ਨੇ ਕੀਤਾ ਇਹ ਕੰਮ

ਮੁੰਬਈ (ਬਿਊਰੋ)– ਡਰੱਗ ਮਾਮਲੇ ’ਚ ਗ੍ਰਿਫ਼ਤਾਰ ਹੋਏ ਸ਼ਾਹਰੁਖ ਖ਼ਾਨ ਦੇ ਬੇਟੇ ਆਰੀਅਨ ਖ਼ਾਨ ਜ਼ਮਾਨਤ ’ਤੇ ਰਿਹਾਅ ਹੋ ਕੇ ਘਰ ਵਾਪਸ ਆ ਗਏ ਹਨ। ਆਰੀਅਨ ਦੇ ਘਰ ਆਉਣ ਤੋਂ ਬਾਅਦ ਕਿੰਗ ਖ਼ਾਨ ਦੇ ਪਰਿਵਾਰ ਨੇ ਸੁੱਖ ਦਾ ਸਾਹ ਲਿਆ ਹੈ। ਇਸ ਦੌਰਾਨ ਆਰੀਅਨ ਖ਼ਾਨ ਨੇ ਘਰ ਆਉਂਦਿਆਂ ਹੀ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਇੰਸਟਾਗ੍ਰਾਮ ’ਚ ਬਦਲਾਅ ਕੀਤਾ ਹੈ। ਆਰੀਅਨ ਨੇ ਆਪਣੇ ਇੰਸਟਾਗ੍ਰਾਮ ਦੀ ਡਿਸਪਲੇ ਪਿਕਚਰ ਯਾਨੀ ਡੀ. ਪੀ. ਨੂੰ ਹਟਾ ਦਿੱਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਗਿੱਪੀ ਗਰੇਵਾਲ ਤੇ ਨੀਰੂ ਬਾਜਵਾ 5 ਨਵੰਬਰ ਨੂੰ ਲਿਆ ਰਹੇ ਨੇ ਦੀਵਾਲੀ ਦਾ ਤੋਹਫ਼ਾ ‘ਪਾਣੀ ’ਚ ਮਧਾਣੀ’

ਪਹਿਲਾਂ ਜੇ ਤੁਸੀਂ ਆਰੀਅਨ ਖ਼ਾਨ ਦਾ ਇੰਸਟਾਗ੍ਰਾਮ ਅਕਾਊਂਟ ਦੇਖਿਆ ਹੋਵੇਗਾ ਤਾਂ ਉਸ ਨੇ ਡੀ. ਪੀ. ਲਗਾ ਕੇ ਰੱਖੀ ਸੀ ਪਰ ‘ਮੰਨਤ’ ’ਤੇ ਵਾਪਸ ਆਉਣ ਤੋਂ ਬਾਅਦ ਆਰੀਅਨ ਨੇ ਡੀ. ਪੀ. ਹਟਾ ਕੇ ਉਸ ਬਲਾਕ ਨੂੰ ਖਾਲੀ ਛੱਡ ਦਿੱਤਾ ਹੈ। ਹਾਲਾਂਕਿ ਉਸ ਨੇ ਆਪਣੀ ਕੋਈ ਵੀ ਪੋਸਟ ਡਿਲੀਟ ਨਹੀਂ ਕੀਤੀ ਹੈ। ਆਰੀਅਨ ਦੀਆਂ ਸਾਰੀਆਂ ਤਸਵੀਰਾਂ ਜਿਉਂ ਦੀਆਂ ਤਿਉਂ ਹਨ।

ਦੱਸਣਯੋਗ ਹੈ ਕਿ 2 ਅਕਤੂਬਰ ਨੂੰ ਨਾਰਕੋਟਿਕਸ ਕੰਟਰੋਲ ਬਿਊਰੋ ਨੇ ਮੁੰਬਈ ਤੋਂ ਗੋਆ ਜਾਂਦੇ ਇਕ ਕਰੂਜ਼ ਸ਼ਿਪ ’ਚ ਛਾਪਾ ਮਾਰਿਆ ਤੇ ਆਰੀਅਨ ਨੂੰ ਰੇਵ ਪਾਰਟੀ ਤੋਂ ਗ੍ਰਿਫ਼ਤਾਰ ਕੀਤਾ ਸੀ, ਜਿਸ ਤੋਂ ਬਾਅਦ ਆਰੀਅਨ ਦੇ ਵਕੀਲਾਂ ਨੇ ਜ਼ਮਾਨਤ ਲਈ ਕਈ ਵਾਰ ਕੋਰਟ ਨੂੰ ਅਪੀਲ ਕੀਤੀ।

ਆਰੀਅਨ ਨੂੰ 28 ਅਕਤੂਬਰ ਨੂੰ ਜ਼ਮਾਨਤ ਮਿਲੀ। ਆਰੀਅਨ ਇਸ ਪ੍ਰਕਿਰਿਆ ਦੌਰਾਨ ਮੁੰਬਈ ਦੀ ਆਰਥਰ ਰੋਡ ਜੇਲ੍ਹ ’ਚ ਰਿਹਾ। ਹੁਣ ਆਰੀਆਨ ਨੂੰ ਜ਼ਮਾਨਤ ’ਤੇ ਰਿਹਾਅ ਕੀਤਾ ਗਿਆ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।