ਪੰਜਾਬ ਤੋਂ ਕੈਨੇਡਾ ਤੱਕ ਏਪੀ ਢਿੱਲੋਂ ਦੀ ਧੱਕ, ਰੈਪਰ ਬਾਦਸ਼ਾਹ ਤੋਂ ਵੀ ਜ਼ਿਆਦਾ ਅਮੀਰ ਹੈ ਢਿੱਲੋਂ

ਜਲੰਧਰ (ਬਿਊਰੋ) - ਮਸ਼ਹੂਰ ਗਾਇਕ, ਲੇਖਕ ਅਤੇ ਰੈਪਰ ਏਪੀ ਢਿੱਲੋਂ ਕਰੋੜਾਂ ਦੀ ਜਾਇਦਾਦ ਦੇ ਮਾਲਕ ਹਨ। ਏਪੀ ਢਿੱਲੋਂ ਦੀ ਨੈੱਟ ਵਰਥ ਤੁਹਾਡੀ ਹੋਸ਼ ਉਡਾ ਦੇਵੇਗੀ। ਖ਼ਬਰਾਂ ਮੁਤਾਬਕ ਉਹ ਬਾਲੀਵੁੱਡ ਦੇ ਮਸ਼ਹੂਰ ਰੈਪਰ ਬਾਦਸ਼ਾਹ ਤੋਂ ਵੀ ਜ਼ਿਆਦਾ ਅਮੀਰ ਹਨ।

ਰਿਪੋਰਟਾਂ ਦੀ ਮੰਨੀਏ ਤਾਂ ਏਪੀ ਢਿੱਲੋਂ 83 ਕਰੋੜ ਰੁਪਏ ਦੀ ਜਾਇਦਾਦ ਦੇ ਮਾਲਕ ਹਨ। ਏਪੀ ਢਿੱਲੋਂ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਾਲ 2019 'ਚ ਕੀਤੀ ਸੀ। ਖ਼ਬਰਾਂ ਹਨ ਕਿ ਏਪੀ ਢਿੱਲੋਂ ਇੱਕ ਪਰਫਾਰਮੈਂਸ ਲਈ ਲਗਭਗ 10 ਲੱਖ ਰੁਪਏ ਚਾਰਜ ਕਰਦੇ ਹਨ। ਉਨ੍ਹਾਂ ਦੀ ਮਹੀਨਾਵਾਰ ਕਮਾਈ 40 ਲੱਖ ਰੁਪਏ ਦੇ ਕਰੀਬ ਹੈ। ਉਹ ਸਾਲਾਨਾ 36 ਕਰੋੜ ਰੁਪਏ ਕਮਾਉਂਦੇ ਹਨ।

ਦੱਸ ਦੇਈਏ ਕਿ ਏਪੀ ਢਿੱਲੋਂ ਦੀ ਕੈਨੇਡਾ 'ਚ ਵੀ ਸ਼ਾਨਦਾਰ ਜਾਇਦਾਦ ਹੈ। ਇਸ ਜਾਇਦਾਦ ਦੀ ਕੀਮਤ ਕਰੋੜਾਂ 'ਚ ਹੈ। ਉਨ੍ਹਾਂ ਦਾ ਪੰਜਾਬ 'ਚ ਆਲੀਸ਼ਾਨ ਘਰ ਵੀ ਹੈ। ਉਨ੍ਹਾਂ ਕੋਲ ਕਾਰਾਂ ਦਾ ਵੀ ਵੱਡਾ ਕਲੈਕਸ਼ਨ ਹੈ। ਗਾਇਕ ਅਤੇ ਰੈਪਰ ਕੋਲ ਇੱਕ ਮਰਸੀਡੀਜ਼ ਬੈਂਜ਼ ਵੀ ਹੈ, ਜਿਸ ਦੀ ਕੀਮਤ ਲਗਭਗ 42 ਲੱਖ ਰੁਪਏ ਦੱਸੀ ਜਾਂਦੀ ਹੈ। ਜਦੋਂਕਿ ਢਿੱਲੋਂ ਦੀ BMW ਦੀ ਕੀਮਤ ਕਰੀਬ 41 ਲੱਖ ਰੁਪਏ ਹੈ। ਏਪੀ ‘ਬ੍ਰਾਊਨ ਮੁੰਡੇ’ ਗੀਤ ਕਰਕੇ ਮਸ਼ਹੂਰ ਹੋਏ ਸੀ। ਏਪੀ ਦੀ ਨਾ ਸਿਰਫ਼ ਭਾਰਤ 'ਚ ਬਹੁਤ ਵੱਡੀ ਫੈਨ ਫਾਲੋਇੰਗ ਹੈ, ਬਲਕਿ ਕੈਨੇਡਾ 'ਚ ਵੀ ਉਨ੍ਹਾਂ ਦੀ ਬਹੁਤ ਪ੍ਰਸਿੱਧੀ ਹੈ।

ਜੇਕਰ ਪੰਜਾਬ 'ਚ ਜੰਮੇ ਬਾਦਸ਼ਾਹ ਦੀ ਗੱਲ ਕਰੀਏ ਤਾਂ ਰੈਪਰ ਦੀ ਕਾਫੀ ਫੈਨ ਫਾਲੋਇੰਗ ਹੈ। ਬਾਦਸ਼ਾਹ ਨੇ ਆਪਣੇ ਕਰੀਅਰ ‘ਚ ਕਈ ਐਵਾਰਡ ਜਿੱਤੇ ਹਨ। ਉਸ ਦੀ ਕੁੱਲ ਜਾਇਦਾਦ ਦੀ ਗੱਲ ਕਰੀਏ ਤਾਂ ਇਹ 41.3 ਕਰੋੜ ਰੁਪਏ ਹੈ। ਅਜਿਹੀ ਸਥਿਤੀ 'ਚ ਏਪੀ ਢਿੱਲੋਂ ਕੁੱਲ ਜਾਇਦਾਦ ਦੇ ਮਾਮਲੇ 'ਚ ਬਾਦਸ਼ਾਹ ਤੋਂ ਬਹੁਤ ਅੱਗੇ ਹਨ।

ਦੱਸਣਯੋਗ ਹੈ ਕਿ ਹਾਲ ਹੀ 'ਚ ਏਪੀ ਢਿੱਲੋਂ ਦੇ ਘਰ ਦੇ ਬਾਹਰ ਫਾਇਰਿੰਗ ਦੀਆਂ ਖ਼ਬਰਾਂ ਨੇ ਕਾਫੀ ਸੁਰਖੀਆਂ ਬਟੋਰੀਆਂ। ਕੈਨੇਡਾ ‘ਚ ਢਿੱਲੋਂ ਦੇ ਘਰ ‘ਤੇ ਗੋਲੀਬਾਰੀ ਦੀ ਖ਼ਬਰ ਨੇ ਸਭ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਸਲਮਾਨ ਖ਼ਾਨ ਦੇ ਘਰ ਦੇ ਬਾਹਰ ਗੋਲੀਬਾਰੀ ਕਰਨ ਵਾਲੇ ਲਾਰੇਂਸ ਬਿਸ਼ਨੋਈ ਗੈਂਗ ਨੇ ਏਪੀ ਦੇ ਘਰ 'ਤੇ ਹੋਈ ਘਟਨਾ ਦੀ ਜ਼ਿੰਮੇਵਾਰੀ ਲਈ ਹੈ।