ਹਸਪਤਾਲ ’ਚ ਦਾਖ਼ਲ ਹੋਈ ਅਰਜੁਨ ਕਪੂਰ ਦੀ ਭੈਣ, ਮਿਲਣ ਪਹੁੰਚੇ ਜਾਨ੍ਹਵੀ ਤੇ ਬੋਨੀ ਕਪੂਰ

ਮੁੰਬਈ (ਬਿਊਰੋ)– ਪ੍ਰੋਡਿਊਸਰ ਬੋਨੀ ਕਪੂਰ ਦੀ ਵੱਡੀ ਬੇਟੀ ਅੰਸ਼ੁਲਾ ਕਪੂਰ ਦੀ ਸ਼ਨੀਵਾਰ ਨੂੰ ਹਸਪਤਾਲ ’ਚ ਦਾਖ਼ਲ ਹੋਣ ਦੀ ਖ਼ਬਰ ਹੈ। ਅੰਸ਼ੁਲਾ ਨੂੰ ਮੁੰਬਈ ਦੇ ਹਿੰਦੂਜਾ ਹਸਪਤਾਲ ’ਚ ਦਾਖ਼ਲ ਕਰਵਾਇਆ ਗਿਆ ਹੈ। ਐਤਵਾਰ ਨੂੰ ਬੋਨੀ ਕਪੂਰ ਤੇ ਜਾਨ੍ਹਵੀ ਕਪੂਰ ਨੂੰ ਵੀ ਹਸਪਤਾਲ ਦੇ ਬਾਹਰ ਦੇਖਿਆ ਗਿਆ ਸੀ।

ਖ਼ਬਰਾਂ ਮੁਤਾਬਕ ਅੰਸ਼ੁਲਾ ਨੇ ਆਪਣਾ ਬਲੱਡ ਪ੍ਰੈਸ਼ਰ ਤੇ ਸ਼ੁਗਰ ਲੈਵਲ ਚੈੱਕ ਕਰਵਾਉਣਾ ਸੀ। ਇਹ ਇਕ ਰੁਟੀਨ ਚੈੱਕਅੱਪ ਹੈ ਤੇ ਉਸ ਨੂੰ ਅੱਜ ਜਾਂ ਕੱਲ ਛੁੱਟੀ ਦੇ ਦਿੱਤੀ ਜਾਵੇਗੀ।

ਅੰਸ਼ੁਲਾ ਦੀ ਛੋਟੀ ਭੈਣ ਤੇ ਅਦਾਕਾਰਾ ਜਾਨ੍ਹਵੀ ਕਪੂਰ ਉਸ ਨੂੰ ਮਿਲਣ ਹਸਪਤਾਲ ਪਹੁੰਚੀ। ਇਸ ਦੌਰਾਨ ਉਹ ਸਾਦੇ ਲੁੱਕ ’ਚ ਸੀ। ਉਸ ਨੇ ਟੀ-ਸ਼ਰਟ ਤੇ ਟਰੈਕ ਪੈਂਟ ਪਹਿਨ ਰੱਖੀ ਸੀ।

ਉਥੇ ਬਾਅਦ ’ਚ ਬੋਨੀ ਕਪੂਰ ਨੂੰ ਵੀ ਹਸਪਤਾਲ ਦੇ ਬਾਹਰ ਦੇਖਿਆ ਗਿਆ। ਉਹ ਸਫੈਦ ਰੰਗ ਦੇ ਕੁੜਤੇ-ਪਜਾਮੇ ’ਚ ਨਜ਼ਰ ਆਏ। ਉਨ੍ਹਾਂ ਨੇ ਬਲੈਕ ਮਾਸਕ ਲਗਾਇਆ ਹੋਇਆ ਸੀ।

ਦੱਸਣਯੋਗ ਹੈ ਕਿ ਅੰਸ਼ੁਲਾ ਕਪੂਰ ਬੋਨੀ ਤੇ ਉਸ ਦੀ ਪਹਿਲੀ ਪਤਨੀ ਮੋਨਾ ਕਪੂਰ ਦੀ ਬੇਟੀ ਹੈ। ਉਹ ਅਰਜੁਨ ਕਪੂਰ ਦੀ ਭੈਣ ਹੈ। ਅਰਜੁਨ ਨਾਲ ਅੰਸ਼ੁਲਾ ਦੀ ਬਾਂਡਿੰਗ ਸ਼ਾਨਦਾਰ ਹੈ।

ਅੰਸ਼ੁਲਾ ਤੇ ਅਰਜੁਨ ਦਾ ਆਨਲਾਈਨ ਸੈਲੇਬ੍ਰਿਟੀਜ਼ ਫੰਡਰੇਜ਼ਿੰਗ ਪਲੇਟਫਾਰਮ Fankind ਇਸ ਮਹਾਮਾਰੀ ਦੇ ਦੌਰ ’ਚ ਬਹੁਤ ਲੋਕਾਂ ਦੀ ਮਦਦ ਕਰ ਰਿਹਾ ਹੈ। ਉਨ੍ਹਾਂ ਨੇ 1 ਕਰੋੜ ਰੁਪਏ ਇਕੱਠੇ ਕਰਕੇ ਲਗਭਗ 30 ਹਜ਼ਾਰ ਲੋਕਾਂ ਤੇ ਪਰਿਵਾਰਾਂ ਦੀ ਮਦਦ ਕੀਤੀ ਹੈ।

ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਦੱਸੋ।