7 ਸਰਜਰੀਆਂ ਮਗਰੋਂ ਵੀ ਨਹੀਂ ਡੋਲਿਆ ਚੰਦਰਪ੍ਰਕਾਸ਼ ਦਾ ਹੌਂਸਲਾ, KBC 16 ਨੂੰ ਮਿਲਿਆ ਪਹਿਲਾ ਕਰੋੜਪਤੀ

ਐਂਟਰਟੇਨਮੈਂਟ ਡੈਸਕ : ਕੌਣ ਬਣੇਗਾ ਕਰੋੜਪਤੀ 16 ਇੱਕ ਰਿਐਲਿਟੀ ਸ਼ੋਅ ਹੈ, ਜਿਸ ਨੂੰ ਹਰ ਪੀੜ੍ਹੀ ਦੇ ਲੋਕ ਪਸੰਦ ਕਰਦੇ ਹਨ। ਇਸ ਸੀਜ਼ਨ ਦਾ ਟੈਲੀਕਾਸਟ 12 ਅਗਸਤ, 2024 ਤੋਂ ਸ਼ੁਰੂ ਹੋਇਆ ਸੀ, ਜਿਸ ਨੂੰ ਇਸ ਵਾਰ ਵੀ ਅਮਿਤਾਭ ਬੱਚਨ ਹੋਸਟ ਕਰ ਰਹੇ ਹਨ। ਹਰ ਐਪੀਸੋਡ ਬਹੁਤ ਦਿਲਚਸਪ ਅਤੇ ਮਜ਼ੇਦਾਰ ਹੁੰਦਾ ਹੈ ਕਿਉਂਕਿ ਕਈ ਵਾਰ ਬਿੱਗ ਬੀ ਜੋ ਵੀ ਦਰਸ਼ਕਾਂ ਨਾਲ ਗੱਲ ਕਰਦੇ ਹਨ, ਉਸ ਨੂੰ ਬਹੁਤ ਪਸੰਦ ਕੀਤਾ ਜਾਂਦਾ ਹੈ। ਇਸ ਦੀਆਂ ਛੋਟੀਆਂ-ਛੋਟੀਆਂ ਕਲਿੱਪਿੰਗਜ਼ ਵੀ ਇੰਟਰਨੈੱਟ 'ਤੇ ਵਾਇਰਲ ਹੁੰਦੀਆਂ ਹਨ।

ਕੀ ਹੈ ਚੰਦਰ ਪ੍ਰਕਾਸ਼ ਦੀ ਉਮਰ
ਹੁਣ ਆਖਿਰਕਾਰ ਸ਼ੋਅ ਨੂੰ ਆਪਣਾ ਪਹਿਲਾ ਕਰੋੜਪਤੀ ਮਿਲ ਗਿਆ ਹੈ। ਸੋਨੀ ਲਿਵ ਨੇ ਇਸ ਦਾ ਇੱਕ ਪ੍ਰੋਮੋ ਸ਼ੇਅਰ ਕੀਤਾ ਹੈ। ਜੰਮੂ-ਕਸ਼ਮੀਰ ਦੇ ਰਹਿਣ ਵਾਲੇ 22 ਸਾਲਾ ਚੰਦਰ ਪ੍ਰਕਾਸ਼ ਨੇ ਇਸ ਕੁਇਜ਼ ਸ਼ੋਅ 'ਚ 1 ਕਰੋੜ ਰੁਪਏ ਦੀ ਵੱਡੀ ਰਕਮ ਜਿੱਤੀ ਹੈ। ਹੌਟ ਸੀਟ 'ਤੇ ਬੈਠੇ ਚੰਦਰ ਪ੍ਰਕਾਸ਼ ਦੇ ਦਿਲ ਦੀ ਧੜਕਣ ਉਦੋਂ ਤੇਜ਼ ਹੋ ਗਈ ਜਦੋਂ ਉਸ ਨੇ ਇਕ ਤੋਂ ਬਾਅਦ ਇਕ ਸਾਰੇ ਸਵਾਲਾਂ ਦੇ ਸਹੀ ਜਵਾਬ ਦੇ ਕੇ 1 ਕਰੋੜ ਰੁਪਏ ਦੀ ਰਕਮ ਜਿੱਤ ਲਈ। ਇਸ ਤੋਂ ਬਾਅਦ ਉਸ ਲਈ 7 ਕਰੋੜ ਰੁਪਏ ਦਾ ਜੈਕਪਾਟ ਪ੍ਰਸ਼ਨ ਵੀ ਖੁੱਲ੍ਹਿਆ।

ਇਹ ਖ਼ਬਰ ਵੀ ਪੜ੍ਹੋ - ਕੰਗਨਾ ਰਣੌਤ 'ਤੇ ਰਾਜਾ ਵੜਿੰਗ ਦਾ ਵੱਡਾ ਬਿਆਨ, ਸ਼ਰੇਆਮ ਆਖ ਦਿੱਤੀਆਂ ਇਹ ਗੱਲਾਂ

ਕਿੰਨੀ ਜਿੱਤੀ ਰਕਮ?
ਹਾਲਾਂਕਿ, ਪ੍ਰਕਾਸ਼ 7 ਕਰੋੜ ਰੁਪਏ ਬਣਾਉਂਦਾ ਬਣਾਉਂਦਾ ਰਹਿ ਗਿਆ ਕਿਉਂਕਿ ਉਹ ਇਸ ਸਵਾਲ ਦਾ ਸਹੀ ਜਵਾਬ ਨਹੀਂ ਦੇ ਸਕਿਆ। ਉਸ ਦੀ ਪ੍ਰਤਿਭਾ ਨੂੰ ਦੇਖ ਕੇ ਬਿੱਗ ਬੀ ਬਹੁਤ ਪ੍ਰਭਾਵਿਤ ਹੋਏ ਅਤੇ ਉਸ ਨੂੰ ਜੱਫੀ ਪਾ ਲਈ। ਚੰਦਰ ਪ੍ਰਕਾਸ਼ ਨੇ ਇੱਕ ਕਰੋੜ ਦੀ ਇਨਾਮੀ ਰਾਸ਼ੀ ਅਤੇ ਇੱਕ ਕਾਰ ਵੀ ਜਿੱਤੀ।

ਆਓ ਜਾਣਦੇ ਹਾਂ ਉਹ ਸਵਾਲ ਕੀ ਸੀ ਅਤੇ ਇਸਦਾ ਸਹੀ ਜਵਾਬ। ਸਵਾਲ ਇਹ ਸੀ - 1587 'ਚ ਉੱਤਰੀ ਅਮਰੀਕਾ 'ਚ ਅੰਗਰੇਜ਼ ਮਾਪਿਆਂ ਦੇ ਘਰ ਪੈਦਾ ਹੋਇਆ ਪਹਿਲਾ ਬੱਚਾ ਕੌਣ ਸੀ, ਜਿਸ ਦਾ ਨਾਂ ਦਰਜ ਸੀ?

ਇਹ ਖ਼ਬਰ ਵੀ ਪੜ੍ਹੋ - Ammy Virk ਨੇ ਹੱਥ ਜੋੜ ਕੇ Gurdas Maan ਤੋਂ ਮੰਗੀ ਮੁਆਫ਼ੀ, ਜਾਣੋ ਕੀ ਹੈ ਮਾਮਲਾ

ਇਸ 'ਚ ਆਪਸ਼ਨ ਸਨ।

A) ਵਰਜੀਨੀਆ ਡੇਅਰ
B) ਵਰਜੀਨੀਆ ਹਾਲ
C) ਵਰਜੀਨੀਆ ਕੌਫੀ
D) ਵਰਜੀਨੀਆ ਸਿੰਕ

ਸਹੀ ਜਵਾਬ ਵਰਜੀਨੀਆ ਡੇਅਰ ਹੈ। ਚੰਦਰ ਪ੍ਰਕਾਸ਼ ਆਪਣੀ ਜਿੱਤ ਤੋਂ ਬਹੁਤ ਖੁਸ਼ ਹਨ। ਉਸ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਦੱਸ ਦੇਈਏ ਕਿ ਚੰਦਰ ਪ੍ਰਕਾਸ਼ UPSC ਦੇ ਉਮੀਦਵਾਰ ਹਨ। ਆਪਣੀ ਸਿਹਤ ਨੂੰ ਲੈ ਕੇ ਆਪਣੀ ਜ਼ਿੰਦਗੀ 'ਚ ਬਹੁਤ ਸੰਘਰਸ਼ ਕੀਤਾ ਹੈ। ਉਸ ਦੇ ਜਨਮ ਤੋਂ ਇਕ ਦਿਨ ਬਾਅਦ ਉਸ ਦੀ ਸਰਜਰੀ ਕਰਨੀ ਪਈ। ਹੁਣ ਤੱਕ ਉਸ ਦੀਆਂ 7 ਸਰਜਰੀਆਂ ਹੋ ਚੁੱਕੀਆਂ ਹਨ ਅਤੇ ਡਾਕਟਰ ਨੇ ਉਸ ਨੂੰ ਅਗਲੀ ਸਰਜਰੀ ਕਰਵਾਉਣ ਲਈ ਕਿਹਾ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।