ਅੱਲੂ ਅਰਜੁਨ ਸਟਾਰਰ ‘ਰਾਕਾ’ ਦਾ ਸਿਗਨੇਚਰ ਮੂਵ ਹੋਵੇਗਾ ਖ਼ਾਸ

ਮੁੰਬਈ- ਅੱਲੂ ਅਰਜੁਨ ਸਟਾਰਰ ਫ਼ਿਲਮ ‘ਰਾਕਾ’ ਨੂੰ ਲੈ ਕੇ ਹਰ ਦਿਨ ਨਵੀਂ ਚਰਚਾ ਸਾਹਮਣੇ ਆ ਰਹੀ ਹੈ। ਹੁਣ ਫ਼ਿਲਮ ਨਾਲ ਜੁੜੀ ਇਕ ਦਿਲਚਸਪ ਜਾਣਕਾਰੀ ਨੇ ਫੈਨਜ਼ ਦੀ ਉਤਸੁਕਤਾ ਹੋਰ ਵਧਾ ਦਿੱਤੀ ਹੈ। ਅੱਲੂ ਅਰਜੁਨ ਦੇ ਦਮਦਾਰ ਸਕ੍ਰੀਨ ਪ੍ਰੈਜ਼ੇਂਸ ਅਤੇ ਉਨ੍ਹਾਂ ਦੇ ਆਈਕਾਨਿਕ ਸਟਾਈਲ ਨੂੰ ਦੇਖਦੇ ਹੋਏ ਮੇਕਰਸ ਇਸ ਵਾਰ ਵੀ ਕੁਝ ਵੱਡਾ ਪਲਾਨ ਕਰਦੇ ਨਜ਼ਰ ਆ ਰਹੇ ਹਨ। ਖਾਸ ਤੌਰ ’ਤੇ ਫ਼ਿਲਮ ਦੇ ਸਿਗਨੇਚਰ ਮੂਵ ਨੂੰ ਲੈ ਕੇ ਟੀਮ ਕਾਫੀ ਅਲਰਟ ਦੱਸੀ ਜਾ ਰਹੀ ਹੈ, ਤਾਂ ਜੋ ਇਸ ਨੂੰ ਸਹੀ ਤਰੀਕੇ ਨਾਲ ਪੇਸ਼ ਕੀਤਾ ਜਾ ਸਕੇ ਅਤੇ ਇਸ ਦੀ ਖਾਸ ਪਛਾਣ ਬਰਕਰਾਰ ਰਹੇ।

ਇੰਡਸਟਰੀ ਇਨਸਾਈਡਰਸ ਮੁਤਾਬਕ ਮੇਕਰਸ ਅਤੇ ‘ਏ.ਏ.’ ਦੀ ਟੀਮ ‘ਰਾਕਾ’ ਦੇ ਸਿਗਨੇਚਰ ਮੂਵ ਦੇ ਰਾਈਟਸ ਆਪਣੇ ਕੋਲ ਰੱਖਣ ਦੀ ਯੋਜਨਾ ਬਣਾ ਰਹੀ ਹੈ। ਅੱਲੂ ਅਰਜੁਨ ਦੀ ਜ਼ਬਰਦਸਤ ਫੈਨ ਫਾਲੋਇੰਗ ਅਤੇ ਪੁਸ਼ਪਾ ਦੇ ਆਈਕਾਨਿਕ ਮੂਵ ‘ਝੁਕੇਗਾ ਨਹੀਂ ਸਾਲਾ’ ਦੇ ਰਿਕਾਰਡ ਨੂੰ ਦੇਖਦੇ ਹੋਏ ਮੇਕਰਸ ਇਹ ਯਕੀਨੀ ਕਰਨਾ ਚਾਹੁੰਦੇ ਹਨ ਕਿ ‘ਰਾਕਾ’ ਦੇ ਸਿਗਨੇਚਰ ਸਟੈਪ ਦੇ ਰਾਈਟਸ ਸੁਰੱਖਿਅਤ ਰਹਿਣ ਅਤੇ ਉਸ ਦਾ ਕਿਸੇ ਤਰ੍ਹਾਂ ਦਾ ਕਮਰਸ਼ੀਅਲ ਗਲਤ ਇਸਤੇਮਾਲ ਨਾ ਹੋਵੇ। ਫ਼ਿਲਮ ‘ਪੁਸ਼ਪਾ’ ਦਾ ‘ਝੁਕੇਗਾ ਨਹੀਂ ਸਾਲਾ’ ਗਲੋਬਲ ਟ੍ਰੈਂਡ ਬਣ ਗਿਆ ਸੀ, ਜਿਸ ਨੂੰ ਦੁਨੀਆ ਭਰ ਦੇ ਨੇਤਾਵਾਂ, ਕ੍ਰਿਕਟਰਾਂ ਅਤੇ ਫੈਨਜ਼ ਨੇ ਰੀਕ੍ਰਿਏਟ ਕੀਤਾ ਸੀ। ਇਹ ਯਕੀਨਨ ਅੱਲੂ ਅਰਜੁਨ ਦੇ ਆਨ-ਸਕ੍ਰੀਨ ਓਰਾ ਦੇ ਪ੍ਰਭਾਵ ਨੂੰ ਸਾਬਿਤ ਕਰਦਾ ਹੈ, ਜੋ ਹੁਣ ‘ਰਾਕਾ’ ਨਾਲ ਇਕ ਬਿਲਕੁਲ ਨਵੇਂ ਲੈਵਲ ’ਤੇ ਪੁੱਜ ਗਿਆ ਹੈ।