ਅਦਾਕਾਰ ਵਿੱਕੀ ਕੌਸ਼ਲ ਪੁੱਜੇ ਜੈਪੁਰ, ਫੈਨਜ਼ ਨਾਲ ਕੀਤਾ ਡਾਂਸ, ਵੀਡੀਓ ਕੀਤੀ ਸ਼ੇਅਰ
Friday, Jul 12, 2024 - 12:22 PM (IST)
ਮੁੰਬਈ- ਵਿੱਕੀ ਕੌਸ਼ਲ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫ਼ਿਲਮ ਬੈਡ ਨਿਊਜ਼ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਇਹ ਫ਼ਿਲਮ 19 ਜੁਲਾਈ ਨੂੰ ਸਿਨੇਮਾਘਰਾਂ 'ਚ ਦਸਤਕ ਦੇਣ ਜਾ ਰਹੀ ਹੈ ਅਤੇ ਇਸ ਤੋਂ ਪਹਿਲਾਂ ਵਿੱਕੀ ਕੌਸ਼ਲ ਫ਼ਿਲਮ ਦਾ ਜ਼ੋਰਦਾਰ ਪ੍ਰਚਾਰ ਕਰਦੇ ਨਜ਼ਰ ਆ ਰਹੇ ਹਨ। ਜੈਪੁਰ 'ਚ ਉਨ੍ਹਾਂ ਨੇ ਰਾਜਸਥਾਨ ਦੇ ਲੋਕਾਂ ਨਾਲ ਖੂਬ ਮਸਤੀ ਕੀਤੀ, ਉਥੇ ਖਾਣੇ ਦਾ ਆਨੰਦ ਲਿਆ। ਇਸ ਤੋਂ ਇਲਾਵਾ ਉਹ ਲੋਕ ਨਾਚ 'ਤੇ ਵੀ ਪੇਸ਼ਕਾਰੀ ਕਰ ਚੁੱਕੇ ਹਨ।
ਵਿੱਕੀ ਕੌਸ਼ਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਤਸਵੀਰ ਅਤੇ ਵੀਡੀਓ ਸ਼ੇਅਰ ਕੀਤੀ ਹੈ। ਕੈਪਸ਼ਨ 'ਚ ਉਸ ਨੇ ਲਿਖਿਆ, ਇੱਕ ਦਿਨ ਜੈਪੁਰ 'ਚ ਪਹਿਲੀ ਤਸਵੀਰ 'ਚ ਉਹ ਆਪਣੇ ਪ੍ਰਸ਼ੰਸਕਾਂ ਨਾਲ ਘਿਰੇ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ 'ਚ ਉਸ ਦੇ ਸਿਰ 'ਤੇ ਰਾਜਸਥਾਨੀ ਪੱਗ ਦਿਖਾਈ ਦੇ ਰਹੀ ਹੈ ਅਤੇ ਗਲੇ 'ਚ ਫੁੱਲਾਂ ਦੀ ਮਾਲਾ ਪਾਈ ਹੋਈ ਹੈ। ਇਸ ਪੋਸਟ 'ਚ ਪਹਿਲੀ ਤਸਵੀਰ ਤੋਂ ਬਾਅਦ ਦੂਜੀ ਵੀਡੀਓ ਹੈ, ਜਿਸ 'ਚ ਉਹ ਬੰਦੂਕ ਨਾਲ ਗੁਬਾਰੇ ਫਾੜਦੇ ਹੋਏ ਨਜ਼ਰ ਆ ਰਹੇ ਹਨ। ਤੀਜੀ ਤਸਵੀਰ 'ਚ ਉਹ ਆਪਣੇ ਕੋ-ਸਟਾਰਸ ਅਤੇ ਪ੍ਰਸ਼ੰਸਕਾਂ ਨਾਲ ਘਿਰੇ ਹੋਏ ਹਨ।
ਇੱਕ ਚੌਥਾ ਵੀਡੀਓ ਹੈ ਜਿਸ 'ਚ ਉਹ ਸਪਾਈਡਰ ਮੈਨ ਦੀ ਪੋਸ਼ਾਕ ਪਹਿਨੇ ਇੱਕ ਵਿਅਕਤੀ ਨਾਲ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਤੋਂ ਇਲਾਵਾ ਅਗਲੀ ਵੀਡੀਓ 'ਚ ਉਹ ਸਟੇਜ ਦੇ ਨੇੜੇ ਮਹਿਲਾ ਸਮਰਥਕਾਂ ਦੀਆਂ ਸ਼ੁਭਕਾਮਨਾਵਾਂ ਕਬੂਲ ਕਰਦੇ ਨਜ਼ਰ ਆ ਰਹੇ ਹਨ। ਅਗਲੀ ਵੀਡੀਓ 'ਚ ਉਹ ਰਾਜਸਥਾਨੀ ਲੋਕ ਕਲਾਕਾਰਾਂ ਨਾਲ ਡਾਂਸ ਕਰਦੇ ਹੋਏ ਵੱਖਰੇ ਅੰਦਾਜ਼ 'ਚ ਨਜ਼ਰ ਆਏ।
ਵਿੱਕੀ ਕੌਸ਼ਲ ਇਨ੍ਹੀਂ ਦਿਨੀਂ ਆਉਣ ਵਾਲੀ ਫ਼ਿਲਮ 'ਬੈਡ ਨਿਊਜ਼' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਦਰਅਸਲ ਇਸ ਫ਼ਿਲਮ ਦਾ ਗੀਤ 'ਤੌਬਾ ਤੌਬਾ' ਰਿਲੀਜ਼ ਹੋਇਆ ਹੈ, ਜਿਸ 'ਚ ਵਿੱਕੀ ਕੌਸ਼ਲ ਦੇ ਹੁੱਕ ਸਟੈਪ ਨੂੰ ਕਾਫੀ ਪਸੰਦ ਕੀਤਾ ਗਿਆ ਹੈ। ਰਿਤਿਕ ਰੋਸ਼ਨ ਤੋਂ ਲੈ ਕੇ ਸਲਮਾਨ ਖਾਨ ਤੱਕ ਸਾਰਿਆਂ ਨੇ ਅਦਾਕਾਰ ਦੀ ਤਾਰੀਫ ਕੀਤੀ।
ਵਿੱਕੀ ਕੌਸ਼ਲ ਦੇ ਇਸ ਗੀਤ 'ਤੇ ਸੰਨੀ ਦਿਓਲ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਸੀ, ਜਿਸ ਕਾਰਨ ਇਹ ਹੋਰ ਵੀ ਲਾਈਮਲਾਈਟ 'ਚ ਆ ਗਿਆ ਸੀ। ਜੇਕਰ ਅਸੀਂ ਬੈਡ ਨਿਊਜ਼ ਦੀ ਗੱਲ ਕਰੀਏ ਤਾਂ ਇਹ ਇੱਕ ਆਫਬੀਟ ਫ਼ਿਲਮ ਹੈ ਜਿਸ ਦੇ ਟ੍ਰੇਲਰ ਨੇ ਫ਼ਿਲਮ ਨੂੰ ਦੇਖਣ ਲਈ ਦਰਸ਼ਕਾਂ 'ਚ ਉਤਸੁਕਤਾ ਵਧਾ ਦਿੱਤੀ ਹੈ।
