ਅਦਾਕਾਰ ਸੂਰਿਆ ਦੀ ਆਉਣ ਵਾਲੀ ਫਿਲਮ "ਸੀਨ" 6 ਨਵੰਬਰ ਨੂੰ ਹੋਵੇਗੀ ਰਿਲੀਜ਼

ਨਵੀਂ ਦਿੱਲੀ (ਏਜੰਸੀ)- ਅਦਾਕਾਰ ਸੂਰਿਆ ਨਿਰਦੇਸ਼ਕ ਜੀਤੂ ਮਾਧਵਨ ਦੀ ਆਉਣ ਵਾਲੀ ਫਿਲਮ "ਸੀਨ" ਵਿੱਚ ਨਜ਼ਰ ਆਉਣਗੇ। ਇਹ ਫਿਲਮ 6 ਨਵੰਬਰ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ। ਜਯੋਤਿਕਾ ਅਤੇ ਸੂਰਿਆ ਦੁਆਰਾ ਨਿਰਮਿਤ ਅਤੇ ਜੈਸ਼੍ਰੀ ਦਾਮੋਦਰਨ ਦੁਆਰਾ ਸਹਿ-ਨਿਰਮਾਣ ਕੀਤੀ ਗਈ ਇਸ ਫਿਲਮ ਵਿੱਚ ਸੂਰਿਆ ਨਾਲ ਨਜ਼ਰੀਆ ਨਾਜ਼ਿਮ ਅਤੇ ਨਸਲੀਨ ਵੀ ਅਭਿਨੈ ਕਰਦੇ ਨਜ਼ਰ ਆਉਣਗੇ। ਅਦਾਕਾਰ ਨੇ ਵੀਰਵਾਰ ਨੂੰ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਫਿਲਮ ਦਾ ਪੋਸਟਰ ਸਾਂਝਾ ਕਰਕੇ ਇਹ ਐਲਾਨ ਕੀਤਾ।

ਉਨ੍ਹਾਂ ਕੈਪਸ਼ਨ ਵਿੱਚ ਲਿਖਿਆ, "ਪੇਸ਼ ਹੈ 'ਸੀਨ' ਦੀ ਇੱਕ ਝਲਕ। ਲਿੰਕ ਸਟੋਰੀ ਵਿੱਚ ਹੈ। ਮਿਲਦੇ ਹਾਂ 6 ਨਵੰਬਰ 2026 ਨੂੰ ਸਿਨੇਮਾਘਰਾਂ ਵਿੱਚ।" ਇਸ ਫਿਲਮ ਵਿੱਚ, ਅਦਾਕਾਰ ਇੱਕ ਪੁਲਸ ਅਧਿਕਾਰੀ ਦੀ ਭੂਮਿਕਾ ਵਿੱਚ ਹਨ, ਜੋ ਇੱਕ ਅਜੋਬੀ-ਗਰੀਬ  ਟੀਮ ਦੀ ਅਗਵਾਈ ਕਰਦੇ ਹੋਏ ਇਕ ਉੱਚ-ਪ੍ਰੋਫਾਈਲ ਅਪਰਾਧ ਦੀ ਜਾਂਚ ਕਰਦਾ ਹੈ। ਇਹ ਫਿਲਮ "ਝਾਗਰਮ ਸਟੂਡੀਓਜ਼" ਦੇ ਬੈਨਰ ਹੇਠ ਬਣਾਈ ਗਈ ਹੈ। ਸੂਰਿਆ ਨਿਰਦੇਸ਼ਕ ਵੇਤਰੀਮਾਰਨ ਦੀ ਫਿਲਮ "ਵਾਦੀਵਾਸਲ" ਵਿੱਚ ਵੀ ਨਜ਼ਰ ਆਉਣਗੇ, ਜਿਸਨੂੰ ਇੱਕ ਇਤਿਹਾਸਕ ਪਿੱਠਭੂਮੀ ਵਾਲੀ ਐਕਸ਼ਨ ਫਿਲਮ ਵਜੋਂ ਦਰਸਾਇਆ ਗਿਆ ਹੈ।