"ਹੰਕਾਰ: ਦਿ ਰੋਅਰ" ਦਾ ਟ੍ਰੇਲਰ ਰਿਲੀਜ਼

ਮੁੰਬਈ (ਏਜੰਸੀ)- ਜੀਓਹੌਟਸਟਾਰ ਨੇ ਆਪਣੀ ਨਵੀਂ ਡਰਾਮਾ ਸੀਰੀਜ "ਹੁੰਕਾਰ: ਦਿ ਰੋਅਰ" ਦਾ ਟ੍ਰੇਲਰ ਰਿਲੀਜ਼ ਕੀਤਾ ਹੈ। ਬਿਰਲਾ ਸਟੂਡੀਓਜ਼ ਅਤੇ ਐਪਲਾਜ਼ ਐਂਟਰਟੇਨਮੈਂਟ ਦੁਆਰਾ, ਪਰਪਲ ਪੇਬਲ ਪਿਕਚਰਜ਼ ਅਤੇ ਮੰਗਤਾ ਫਿਲਮਜ਼ ਦੇ ਸਹਿਯੋਗ ਨਾਲ ਬਣੀ ਇਸ ਸੀਰੀਜ਼ ਦੀ ਪ੍ਰਿਯੰਕਾ ਚੋਪੜਾ ਜੋਨਾਸ ਕਾਰਜਕਾਰੀ ਨਿਰਮਾਤਾ ਹੈ। ਸੀਰੀਜ਼ ਦੀ ਕਹਾਣੀ ਮੀਨੂ (ਅਨੀਤਾ ਪੱਡਾ) ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਇੱਕ ਦੋਸ਼ ਤੋਂ ਬਾਅਦ, ਪਾਵਰ, ਵਿਸ਼ਵਾਸ ਅਤੇ ਸਮਾਜਿਕ ਧਾਰਨਾਵਾਂ ਦੀਆਂ ਗੁੰਝਲਾਂ ਦੇ ਵਿਚਕਾਰ ਸੱਚਾਈ ਲੱਭਣ ਲਈ ਸੰਘਰਸ਼ ਕਰਦੀ ਹੈ। 

ਟ੍ਰੇਲਰ ਵਿੱਚ ਪੁਲਸ ਜਾਂਚ ਤੋਂ ਲੈ ਕੇ ਅਦਾਲਤ ਅਤੇ ਮੀਡੀਆ ਟ੍ਰਾਇਲ ਤੱਕ ਦੀਆਂ ਘਟਨਾਵਾਂ ਦਿਖਾਈਆਂ ਗਈਆਂ ਹਨ, ਜਿੱਥੇ ਹਰ ਮੋੜ 'ਤੇ ਕਹਾਣੀ ਵਿੱਚ ਨਵੇਂ ਸਵਾਲ ਅਤੇ ਰਹੱਸ ਸਾਹਮਣੇ ਆਉਂਦੇ ਹਨ। ਇਸ ਸੀਰੀਜ਼ ਵਿੱਚ ਫਾਤਿਮਾ ਸ਼ੇਖ, ਮੁਹੰਮਦ ਜ਼ੀਸ਼ਾਨ ਅਯੂਬ, ਅਰਜੁਨ ਮਾਥੁਰ, ਰਘੁਬੀਰ ਯਾਦਵ ਅਤੇ ਰਾਮ ਕਪੂਰ ਵੀ ਹਨ। ਇਸਦਾ ਨਿਰਦੇਸ਼ਨ ਕਰਨ ਡੀ. ਕਪਾੜੀਆ, ਨਿਤਿਆ ਮਹਿਰਾ ਅਤੇ ਹੀਰਾਜ਼ ਮਾਰਫਤੀਆ ਦੁਆਰਾ ਕੀਤਾ ਗਿਆ ਹੈ। ਪ੍ਰਿਯੰਕਾ ਚੋਪੜਾ ਜੋਨਾਸ ਨੇ ਕਿਹਾ ਕਿ ਉਹ ਅਜਿਹੀਆਂ ਕਹਾਣੀਆਂ ਦਾ ਸਮਰਥਨ ਕਰਨਾ ਚਾਹੁੰਦੀ ਹੈ ਜਿਨ੍ਹਾਂ ਵਿੱਚ ਸਮਾਜਿਕ ਸੰਦੇਸ਼ ਹੋਵੇ। ਉਨ੍ਹਾਂ ਅੱਗੇ ਕਿਹਾ ਕਿ ਪਰਪਲ ਪੇਬਲ ਪਿਕਚਰਜ਼ ਦਾ ਉਦੇਸ਼ ਨਿਡਰ ਫਿਲਮ ਨਿਰਮਾਤਾਵਾਂ ਲਈ ਇੱਕ ਪਲੇਟਫਾਰਮ ਪ੍ਰਦਾਨ ਕਰਨਾ ਹੈ। "ਹੁੰਕਾਰ: ਦਿ ਰੋਅਰ" 25 ਸਤੰਬਰ ਤੋਂ ਜੀਓਹੌਟਸਟਾਰ 'ਤੇ ਵਿਸ਼ੇਸ਼ ਤੌਰ 'ਤੇ ਸਟ੍ਰੀਮ ਹੋਵੇਗੀ।