ਨਰਸਿੰਗ ਸਟਾਫ਼ ਅਹੁਦਿਆਂ 'ਤੇ ਨਿਕਲੀ ਬੰਪਰ ਭਰਤੀ, ਚਾਹਵਾਨ ਉਮੀਦਵਾਰ ਕਰਨ ਅਪਲਾਈ

ਨਵੀਂ ਦਿੱਲੀ- ਉੱਤਰ ਪ੍ਰਦੇਸ਼ ਲੋਕ ਸੇਵਾ ਕਮਿਸ਼ਨ ਨੇ ਨਰਸਿੰਗ ਸਟਾਫ਼ ਭਰਤੀ 2023 ਦਾ ਨੋਟੀਫ਼ਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਭਰਤੀ ਮੁਹਿੰਮ ਜ਼ਰੀਏ ਨਰਸਿੰਗ ਸਟਾਫ਼ ਅਹੁਦੇ 'ਤੇ 2000 ਤੋਂ ਵਧੇਰੇ ਖਾਲੀ ਅਹੁਦੇ ਭਰੇ ਜਾਣਗੇ। ਯੋਗ ਮਹਿਲਾ ਅਤੇ ਪੁਰਸ਼ ਉਮੀਦਵਾਰ ਇਸ ਭਰਤੀ ਲਈ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ uppsc.up.nic.in 'ਤੇ ਜਾ ਕੇ ਅਪਲਾਈ ਕਰ ਸਕਦੇ ਹਨ। 

UPPSC ਗਰੁੱਪ ਬੀ, ਗੈਰ-ਗਜ਼ਟਿਡ ਮਹਿਲਾ ਅਤੇ ਪੁਰਸ਼ ਅਸਥਾਈ ਨਰਸਿੰਗ ਸਟਾਫ ਦੀਆਂ ਅਸਾਮੀਆਂ ਲਈ ਆਨਲਾਈਨ ਅਰਜ਼ੀ ਪ੍ਰਕਿਰਿਆ 04 ਸਤੰਬਰ ਤੋਂ ਸ਼ੁਰੂ ਹੋ ਗਈ ਹੈ ਅਤੇ ਉਮੀਦਵਾਰਾਂ ਨੂੰ 04 ਅਕਤੂਬਰ 2023 ਤੱਕ ਅਪਲਾਈ ਕਰਨ ਦਾ ਮੌਕਾ ਦਿੱਤਾ ਗਿਆ ਹੈ। ਵੈੱਬਸਾਈਟ 'ਤੇ ਜਾਰੀ ਕੀਤੀ ਗਈ ਜਾਣਕਾਰੀ ਮੁਤਾਬਕ ਸੰਸਥਾ 'ਚ ਨੌਕਰੀ ਮਿਲਣ ਤੋਂ ਬਾਅਦ ਬਿਨੈਕਾਰਾਂ ਨੂੰ ਪੋਸਟ ਦੇ ਅਧਾਰ 'ਤੇ ਤਨਖਾਹ ਪੱਧਰ 7 ਦੇ ਤਹਿਤ 44,900 ਤੋਂ 1,42,400 ਰੁਪਏ ਤੱਕ ਦੀ ਤਨਖਾਹ ਮਿਲੇਗੀ।

ਅਹੁਦੇ ਦਾ ਪੂਰਾ ਵੇਰਵਾ

ਪੁਰਸ਼- 171 ਅਹੁਦੇ
ਮਹਿਲਾ- 2069 ਅਹੁਦੇ
ਕੁੱਲ ਖਾਲੀ ਅਹੁਦੇ- 2240 ਅਹੁਦੇ

ਕੌਣ ਕਰ ਸਕਦਾ ਹੈ ਅਪਲਾਈ?

ਪੁਰਸ਼ ਉਮੀਦਵਾਰਾਂ ਨੂੰ 10+2 ਸਾਇੰਸ, ਨਰਸਿੰਗ ਡਿਪਲੋਮਾ ਜਾਂ ਨਰਸਿੰਗ 'ਚ BSC ਪਾਸ ਹੋਣਾ ਚਾਹੀਦਾ ਹੈ। ਮਹਿਲਾ ਉਮੀਦਵਾਰਾਂ ਕੋਲ ਸਾਇੰਸ, ਨਰਸਿੰਗ ਡਿਪਲੋਮਾ ਜਾਂ BSC ਨਾਲ 10+2 ਹੋਣਾ ਚਾਹੀਦਾ ਹੈ। ਉਨ੍ਹਾਂ ਕੋਲ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਜਾਂ ਸੰਸਥਾ ਤੋਂ ਨਰਸ ਜਾਂ ਮਿਡਫਾਈਵ ਦਾ ਸਰਟੀਫਿਕੇਟ ਵੀ ਹੋਣਾ ਚਾਹੀਦਾ ਹੈ। 

ਉਮਰ ਹੱਦ

ਉਮੀਦਵਾਰਾਂ ਦੀ ਉਮਰ 1 ਜੁਲਾਈ 2023 ਨੂੰ ਘੱਟੋ-ਘੱਟ 21 ਸਾਲ ਅਤੇ 40 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ।

ਅਪਲਾਈ ਕਰਨ ਦਾ ਤਰੀਕਾ 

UPPSC ਦੀ ਅਧਿਕਾਰਤ ਵੈੱਬਸਾਈਟ uppsc.up.nic.in 'ਤੇ ਜਾਓ
ਹੋਮਪੇਜ 'ਤੇ ਉਪਲੱਬਧ ਨਰਸ ਪੋਸਟਾਂ ਲਈ ਲਿੰਕ ਦੇਖੋ।
ਅਰਜ਼ੀ ਫਾਰਮ ਭਰੋ ਅਤੇ ਲੋੜੀਂਦੇ ਦਸਤਾਵੇਜ਼ ਅਪਲੋਡ ਕਰੋ।
ਲੋੜੀਂਦੀ ਅਰਜ਼ੀ ਫੀਸ ਦਾ ਭੁਗਤਾਨ ਕਰੋ।
ਆਪਣੀ ਜਾਣਕਾਰੀ ਦੀ ਦੋ ਵਾਰ ਜਾਂਚ ਕਰੋ ਅਤੇ ਫਾਰਮ ਜਮ੍ਹਾਂ ਕਰੋ।

ਚੋਣ ਪ੍ਰਕਿਰਿਆ

ਬਿਨੈਕਾਰਾਂ ਨੂੰ ਮੁਢਲੀ ਪ੍ਰੀਖਿਆ ਵਿਚ ਸ਼ਾਮਲ ਹੋਣ ਤੋਂ ਬਾਅਦ ਮੁੱਖ ਪ੍ਰੀਖਿਆ 'ਚ ਸ਼ਾਮਲ ਹੋਣਾ ਹੋਵੇਗਾ। ਉਸ ਤੋਂ ਬਾਅਦ ਚੁਣੇ ਗਏ ਉਮੀਦਵਾਰਾਂ ਨੂੰ ਦਸਤਾਵੇਜ਼ਾਂ ਦੀ ਤਸਦੀਕ ਅਤੇ ਅੰਤ ਵਿਚ ਮੈਡੀਕਲ ਟੈਸਟ ਤੋਂ ਗੁਜ਼ਰਨਾ ਪਵੇਗਾ।

ਵਧੇਰੇ ਜਾਣਕਾਰੀ ਲਈ ਹੇਠਾਂ ਦਿੱਤੇ ਲਿੰਕ 'ਤੇ ਕਲਿੱਕ ਕਰੋ।

UPPSC Nursing Staff Recruitment 2023