MLA ਰਮਨ ਅਰੋੜਾ ਬਾਰੇ ਖੁੱਲ੍ਹ ਰਹੀਆਂ ਹੈਰਾਨੀਜਨਕ ਪਰਤਾਂ, ਦੁਕਾਨਾਂ ਦਾ ਸੌਦਾ ਕਰਕੇ ਕੀਤਾ...

ਜਲੰਧਰ (ਮ੍ਰਿਦੁਲ)–ਭ੍ਰਿਸ਼ਟਾਚਾਰ ਦੇ ਦੋਸ਼ ’ਚ ਗ੍ਰਿਫ਼ਤਾਰ ਕੀਤੇ ਗਏ ਵਿਧਾਇਕ ਰਮਨ ਅਰੋੜਾ ਦੀਆਂ ਮੁਸ਼ਕਿਲਾਂ ਘਟਦੀਆਂ ਨਹੀਂ ਦਿਸ ਰਹੀਆਂ ਹਨ। ਉਨ੍ਹਾਂ ਦੇ ਵਿਧਾਇਕ ਰਹਿੰਦੇ ਹੋਏ ਕੀਤੇ ਗਏ ਫਰਜ਼ੀਵਾੜੇ ਇਕ ਦੇ ਬਾਅਦ ਇਕ ਸਾਹਮਣੇ ਆ ਰਹੇ ਹਨ। ਤਾਜ਼ਾ ਮਾਮਲਾ ਅੱਜ ਦਾ ਹੈ, ਜਿਸ ਵਿਚ ਨਾਜ਼ ਸਿਨੇਮਾ ਦੇ ਦੁਕਾਨ ਮਾਲਕਾਂ ਵੱਲੋਂ ਵਿਜੀਲੈਂਸ ਦੇ ਐੱਸ. ਐੱਸ. ਪੀ. ਹਰਪ੍ਰੀਤ ਸਿੰਘ ਮੰਡੇਰ ਨੇ ਸ਼ਿਕਾਇਤ ਦੇ ਕੇ ਕਿਹਾ ਗਿਆ ਕਿ ਵਿਧਾਇਕ ਰਮਨ ਅਰੋੜਾ ਵੱਲੋਂ ਆਪਣੇ ਇਕ ਰਿਸ਼ਤੇਦਾਰ ਦੇ ਨਾਂ ’ਤੇ 2 ਦੁਕਾਨਾਂ ਦੀ ਰਜਿਸਟਰੀ ਤਾਂ ਕਰਵਾਈ ਗਈ ਪਰ ਹੁਣ ਤਕ ਉਨ੍ਹਾਂ ਨੂੰ ਵੇਚੀਆਂ ਗਈਆਂ ਦੁਕਾਨਾਂ ਦੀ ਪੂਰੀ ਪੇਮੈਂਟ ਨਹੀਂ ਕੀਤੀ ਗਈ ਹੈ। ਸਿਰਫ਼ ਕਾਗਜ਼ਾਤ ਵਿਚ ਚੈੱਕ ਨੰਬਰ ਪੁਆ ਕੇ ਗੁੱਡਫੇਥ ਵਿਚ ਰਜਿਸਟਰੀ ਕਰਵਾ ਲਈ ਗਈ। ਵਿਜੀਲੈਂਸ ਨੇ ਉਕਤ ਸ਼ਿਕਾਇਤ ’ਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਇਹ ਵੀ ਪੜ੍ਹੋ: Punjab: 26 ਤੋਂ 29 ਜੂਨ ਤੱਕ ਹੋ ਗਿਆ ਵੱਡਾ ਐਲਾਨ, ਬੰਦ ਰਹਿਣਗੀਆਂ ਇਹ ਦੁਕਾਨਾਂ

ਸੂਤਰਾਂ ਮੁਤਾਬਕ ਵਿਜੀਲੈਂਸ ਨੂੰ ਉਕਤ ਸ਼ਿਕਾਇਤ ਹਿੰਦੂ ਪਰਿਵਾਰ ਨਾਲ ਸੰਬੰਧ ਰੱਖਦੇ ਦਿਨੇਸ਼ ਕਤਿਆਲ ਦੇ ਭਰਾ ਪ੍ਰਵੇਸ਼ ਕਤਿਆਲ ਵੱਲੋਂ ਦਿੱਤੀ ਗਈ ਹੈ, ਜੋਕਿ ਸ਼ਹਿਰ ਦੇ ਇਕ ਨਾਮੀ ਹਿੰਦੂ ਰਸੂਖਦਾਰ ਪਰਿਵਾਰ ਨਾਲ ਸੰਬੰਧ ਰੱਖਦੇ ਹਨ। ਪੀੜਤ ਪ੍ਰਵੇਸ਼ ਕਤਿਆਲ ਵੱਲੋਂ ਵਿਜੀਲੈਂਸ ਨੂੰ ਦਿੱਤੀ ਗਈ ਸ਼ਿਕਾਇਤ ਵਿਚ ਕਿਹਾ ਗਿਆ ਕਿ ਉਨ੍ਹਾਂ ਵੱਲੋਂ ਨਾਜ਼ ਸਿਨੇਮਾ ਵਿਚ ਮਾਰਕੀਟ ਬਣਾਈ ਗਈ ਸੀ, ਜਿਸ ਵਿਚੋਂ 2 ਦੁਕਾਨਾਂ ਵਿਧਾਇਕ ਰਮਨ ਅਰੋੜਾ ਵੱਲੋਂ ਆਪਣੇ ਰਿਸ਼ਤੇਦਾਰ ਨੂੰ ਦਿਵਾਈਆਂ ਗਈਆਂ ਸਨ। ਦੁਕਾਨਾਂ ਦਾ ਪਹਿਲਾਂ ਬਿਆਨਾ ਕੀਤਾ ਗਿਆ ਅਤੇ ਬਾਅਦ ਵਿਚ ਰਜਿਸਟਰੀ ਕਰਵਾਈ ਗਈ।

ਹਾਲਾਂਕਿ ਰਜਿਸਟਰੀ ਕਰਵਾਉਣ ਨੂੰ ਲੈ ਕੇ ਬਿਆਨੇ ਦੇ ਮੁਤਾਬਕ ਸਮਾਂ ਸੀ ਪਰ ਵਿਧਾਇਕ ਰਮਨ ਅਰੋੜਾ ਵੱਲੋਂ ਖ਼ੁਦ ਆਪਣੇ ਰਿਸ਼ਤੇਦਾਰ ਨੂੰ 2 ਦੁਕਾਨਾਂ ਦਿਵਾਉਣ ਦੇ ਨਾਂ ’ਤੇ ਗੁੱਡਫੇਥ ਵਿਚ ਰਜਿਸਟਰੀ ਪਹਿਲਾਂ ਕਰਵਾ ਲਈ ਗਈ ਅਤੇ ਮੂੰਹ-ਜ਼ੁਬਾਨੀ ਭਰੋਸਾ ਜਤਾਉਂਦਿਆਂ ਕਿਹਾ ਗਿਆ ਕਿ ਰਜਿਸਟਰੀ ਵਿਚ ਜੋ ਬੈਂਕ ਪੇਮੈਂਟ ਹੋਣੀ ਹੈ, ਉਸ ਦੇ ਚੈੱਕ ਨੰਬਰ ਪੁਆ ਲਏ ਜਾਣ ਅਤੇ ਚੈੱਕ ਦੀ ਪੇਮੈਂਟ ਤੈਅ ਸਮੇਂ ’ਤੇ ਹੀ ਹੋਵੇਗੀ। ਮਾਮਲੇ ਵਿਚ ਘੁੰਡੀ ਉਦੋਂ ਫਸੀ ਜਦੋਂ ਪੀੜਤ ਵੱਲੋਂ ਵਿਧਾਇਕ ਰਮਨ ਅਰੋੜਾ ਦੇ ਰਿਸ਼ਦੇਦਾਰ ਦੇ ਨਾਂ ’ਤੇ ਰਜਿਸਟਰੀ ਤਾਂ ਕਰਵਾ ਦਿੱਤੀ ਗਈ ਪਰ ਹੁਣ ਤਕ ਚੈੱਕ ਨਹੀਂ ਪਾਸ ਕਰਵਾਇਆ ਗਿਆ ਅਤੇ ਪੇਮੈਂਟ ਲਈ ਪੀੜਤ ਨੂੰ ਚੱਕਰ ਕੱਟਣੇ ਪੈ ਰਹੇ ਹਨ।

ਇਹ ਵੀ ਪੜ੍ਹੋ: 11ਵੀਂ ਤੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ਪੰਜਾਬ ਸਰਕਾਰ ਦਾ ਵੱਡਾ ਐਲਾਨ

ਦਰਅਸਲ ਹੋਇਆ ਇਹ ਕਿ ਵਿਧਾਇਕ ਰਮਨ ਅਰੋੜਾ ਵੱਲੋਂ ਪੀੜਤ ਪ੍ਰਵੇਸ਼ ਕਤਿਆਲ ਨੂੰ ਇਹ ਕਹਿ ਕੇ ਦੁਕਾਨਾਂ ਦਾ ਸੌਦਾ ਕਰਵਾਇਆ ਗਿਆ ਕਿ ਦੁਕਾਨਾਂ ਉਨ੍ਹਾਂ ਦੇ ਰਿਸ਼ਤੇਦਾਰ ਨੇ ਲੈਣੀਆਂ ਹਨ, ਜਿਨ੍ਹਾਂ ਦਾ ਸੌਦਾ ਖ਼ੁਦ ਵਿਧਾਇਕ ਨੇ ਵਿਚ ਪੈ ਕੇ ਇਕ ਰਸੂਖਦਾਰ ਵਿਅਕਤੀ ਹੋਣ ਦੇ ਨਾਤੇ ਕਰਵਾਇਆ ਪਰ ਜਦੋਂ ਸੌਦਾ ਹੋ ਗਿਆ ਤਾਂ ਰਜਿਸਟਰੀ ਕਰਵਾਉਣ ਦੇ ਸਮੇਂ ’ਤੇ ਉਨ੍ਹਾਂ ਵੱਲੋਂ ਬੈਂਕ ਪੇਮੈਂਟ (ਕੁਲੈਕਟਰ ਰੇਟ ਅਮਾਊਂਟ) ਦੇ ਹਿਸਾਬ ਨਾਲ ਜੋ ਦੁਕਾਨਾਂ ਦੀ ਕੀਮਤ ਬਣਦੀ ਸੀ, ਉਸ ਦੇ ਚੈੱਕ ਕਟਵਾ ਕੇ ਉਨ੍ਹਾਂ ਦੇ ਨੰਬਰ ਪੁਆ ਦਿੱਤੇ ਸਨ ਅਤੇ ਕੁਝ ਕੈਸ਼ ਪੇਮੈਂਟ ਵੀ ਕਰਵਾਈ ਗਈ ਪਰ ਘੁੰਡੀ ਬੈਂਕ ਪੇਮੈਂਟ ਨਾ ਹੋਣ ਦੀ ਫਸ ਗਈ ਹੈ।

ਇਸੇ ਵਿਚਕਾਰ ਵਿਧਾਇਕ ਰਮਨ ਅਰੋੜਾ ਨੂੰ ਭ੍ਰਿਸ਼ਟਾਚਾਰ ਦੇ ਦੋਸ਼ ਵਿਚ ਵਿਜੀਲੈਂਸ ਵੱਲੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ ਤਾਂ ਪੀੜਤ ਡਰ ਗਏ ਕਿ ਉਨ੍ਹਾਂ ਵੱਲੋਂ ਦੁਕਾਨਾਂ ਦੀ ਰਜਿਸਟਰੀ ਤਾਂ ਕਰਵਾ ਦਿੱਤੀ ਗਈ ਹੈ ਪਰ ਪੈਸੇ ਪੂਰੇ ਨਹੀਂ ਮਿਲੇ ਹਨ, ਇਸ ਕਾਰਨ ਉਨ੍ਹਾਂ ਵਿਜੀਲੈਂਸ ਨੂੰ ਇਸ ਸਬੰਧੀ ਸ਼ਿਕਾਇਤ ਦੇਣਾ ਹੀ ਮੁਨਾਸਿਬ ਸਮਝਿਆ। ਯਾਦ ਰਹੇ ਕਿ ਵਿਜੀਲੈਂਸ ਨੂੰ ਵਿਧਾਇਕ ਰਮਨ ਅਰੋੜਾ ਦੀਆਂ ਬੇਨਾਮੀ ਜਾਇਦਾਦਾਂ ਬਾਰੇ ਜੋ ਜਾਣਕਾਰੀ ਰੈਵੇਨਿਊ ਰਿਕਾਰਡ ਤੋਂ ਮਿਲੀ ਹੈ, ਉਹ ਕਰੋੜਾਂ-ਅਰਬਾਂ ਰੁਪਏ ਦੀਆਂ ਦੱਸੀਆਂ ਜਾ ਰਹੀਆਂ ਹਨ। ਹੁਣ ਇੰਨਾ ਵੱਡਾ ਘਪਲਾ ਹੋਣ ਕਰ ਕੇ ਪੀੜਤ ਪ੍ਰਵੇਸ਼ ਕਤਿਆਲ, ਜੋ ਖ਼ੁਦ ਇਕ ਪ੍ਰਾਪਰਟੀ ਕਾਰੋਬਾਰੀ ਅਤੇ ਡਿਵੈੱਲਪਰ ਹਨ, ਉਨ੍ਹਾਂ ਨੂੰ ਚਿੰਤਾ ਹੋਈ ਕਿ ਉਹ ਠੱਗੀ ਦਾ ਸ਼ਿਕਾਰ ਹੋ ਗਏ ਹਨ। ਉਕਤ ਭ੍ਰਿਸ਼ਟਾਚਾਰ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਹੌਲੀ-ਹੌਲੀ ਕਈ ਪੀੜਤ ਸਾਹਮਣੇ ਆ ਰਹੇ ਹਨ।

ਇਹ ਵੀ ਪੜ੍ਹੋ: ਪੰਜਾਬ 'ਚ ਚੱਲਦੀ ਰੇਲ ਗੱਡੀ ਦਾ ਇੰਜਣ ਹੋ ਗਿਆ ਫੇਲ੍ਹ, ਪੈ ਗਈਆਂ ਭਾਜੜਾਂ

ਵਿਜੀਲੈਂਸ ਨੇ ਬਾਕੀ ਜਾਇਦਾਦਾਂ ਦੀਆਂ ਕਰਵਾਈਆਂ ਰਜਿਸਟਰੀਆਂ ਦੀ ਬੈਂਕ ਪੇਮੈਂਟ ਦੀ ਜਾਂਚ ਕੀਤੀ ਸ਼ੁਰੂ
ਦੱਸਣਯੋਗ ਹੈ ਕਿ ਰਮਨ ਅਰੋੜਾ ਖ਼ਿਲਾਫ਼ ਵਿਜੀਲੈਂਸ ਨੂੰ ਜੋ ਸ਼ਿਕਾਇਤ ਅੱਜ ਮਿਲੀ ਹੈ, ਉਸ ਦੇ ਆਧਾਰ ’ਤੇ ਵਿਜੀਲੈਂਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਕਿਉਂਕਿ ਵਿਜੀਲੈਂਸ ਨੂੰ ਉਕਤ ਸ਼ਿਕਾਇਤ ਤੋਂ ਬਾਅਦ ਸ਼ੱਕ ਹੈ ਕਿ ਬੇਨਾਮੀ ਜਾਇਦਾਦਾਂ ਦੀਆਂ ਰਜਿਸਟਰੀਆਂ, ਜਿਹੜੀਆਂ ਕਿ ਅਰੋੜਾ ਦੇ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਦੇ ਨਾਂ ’ਤੇ ਹਨ, ਉਨ੍ਹਾਂ ਰਜਿਸਟਰੀਆਂ ਵਿਚ ਵੀ ਬੈਂਕ ਪੇਮੈਂਟ ਨਾ ਕੀਤੇ ਹੋਣ ਦਾ ਖ਼ਦਸ਼ਾ ਹੈ। ਵਿਧਾਇਕ ਹੁੰਦੇ ਹੋਏ ਅਤੇ ਸਰਕਾਰ ਵਿਚ ਇਕ ਰਸੂਖਦਾਰ ਆਗੂ ਹੋਣ ਕਾਰਨ ਲੋਕ ਵਿਧਾਇਕ ਦੇ ਡਰ ਕਾਰਨ ਸਾਹਮਣੇ ਨਹੀਂ ਆ ਰਹੇ ਸਨ, ਇਸ ਲਈ ਵਿਜੀਲੈਂਸ ਬਾਕੀ ਰਜਿਸਟਰੀਆਂ ਬਾਰੇ ਵੀ ਬਾਰੀਕੀ ਨਾਲ ਜਾਂਚ ਕਰਨ ਵਿਚ ਜੁਟ ਚੁੱਕੀ ਹੈ।

ਇਹ ਵੀ ਪੜ੍ਹੋ: ਈਰਾਨ 'ਚ ਅਗਵਾ ਕੀਤੇ 3 ਪੰਜਾਬੀ ਜਲਦ ਪਰਤਣਗੇ ਵਤਨ, 18 ਦਿਨਾਂ ਬਾਅਦ ਪਰਿਵਾਰ ਨੇ ਲਿਆ ਸੁੱਖ ਦਾ ਸਾਹ

ਇਕ ਦੁਕਾਨ ਦੀ ਪੇਮੈਂਟ ਹੋਈ ਤਾਂ ਦੂਜੀ ਦੀ ਪੇਮੈਂਟ ਪੈਂਡਿੰਗ
ਸੂਤਰਾਂ ਦੀ ਮੰਨੀਏ ਤਾਂ ਵਿਧਾਇਕ ਰਮਨ ਅਰੋੜਾ ਦੇ ਰਿਸ਼ਤੇਦਾਰ ਵੱਲੋਂ ਇਕ ਦੁਕਾਨ ਦੀ ਬੈਂਕ ਪੇਮੈਂਟ (ਕੁਲੈਕਟਰ ਰੇਟ ਪੇਮੈਂਟ) ਤਾਂ ਕਰਵਾ ਦਿੱਤੀ ਗਈ ਹੈ ਪਰ ਦੂਜੀ ਦੁਕਾਨ ਦੀ ਰਜਿਸਟਰੀ ਵੀ ਬੈਂਕ ਪੇਮੈਂਟ (ਆਮ ਭਾਸ਼ਾ ਵਿਚ ਵ੍ਹਾਈਟ ਮਨੀ) ਨਹੀਂ ਕਰਵਾਈ ਗਈ ਹੈ। ਇਸ ਸਬੰਧੀ ਵਿਜੀਲੈਂਸ ਨੂੰ ਪਤਾ ਲੱਗ ਚੁੱਕਾ ਹੈ, ਜਿਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।

ਵਿਜੀਲੈਂਸ ਕੋਲ ਪੀੜਤਾਂ ਨੇ ਖੁਦ ਪੇਸ਼ ਹੋ ਕੇ ਸ਼ਿਕਾਇਤ ਦਰਜ ਕਰਵਾਈ : ਐੱਸ. ਐੱਸ. ਪੀ. ਮੰਡੇਰ
ਦੂਜੇ ਪਾਸੇ ਉਕਤ ਸ਼ਿਕਾਇਤ ਦੇ ਸਬੰਧ ਵਿਚ ਐੱਸ. ਐੱਸ. ਪੀ. ਵਿਜੀਲੈਂਸ ਜਲੰਧਰ ਰੇਂਜ ਹਰਪ੍ਰੀਤ ਸਿੰਘ ਮੰਡੇਰ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਉਕਤ ਸ਼ਿਕਾਇਤ ਖ਼ੁਦ ਪੀੜਤਾਂ ਨੇ ਵਿਜੀਲੈਂਸ ਅਧਿਕਾਰੀਆਂ ਦੇ ਸਾਹਮਣੇ ਪੇਸ਼ ਹੋ ਕੇ ਦਿੱਤੀ ਹੈ, ਜਿਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਜਾਂਚ ਦੌਰਾਨ ਜੇਕਰ ਕੋਈ ਵੀ ਫਰਜ਼ੀਵਾੜਾ ਜਾਂ ਖਾਮੀਆਂ ਸਾਹਮਣੇ ਆਈਆਂ ਤਾਂ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ: ਪੰਜਾਬ 'ਚੋਂ ਨਸ਼ਿਆਂ ਦੇ ਮੁਕੰਮਲ ਖਾਤਮੇ ਲਈ DGP ਸਖ਼ਤ, ਰੋਡਮੈਪ ਕੀਤਾ ਤਿਆਰ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e